Ajay Gadu: జీ5లో ఫ్రీగా ‘అజయ్గాడు’ సినిమా స్ట్రీమింగ్
Ajay Karthurvar’s Ajay Gadu streaming on ZEE5 as Sankranti Special: ఇప్పటికే పలు చిత్రాలను ఆడియెన్స్కు అందించిన జీ 5 ఇప్పుడు డైరెక్ట్ డిజిటల్ మూవీగా ‘అజయ్గాడు’ సినిమాను అందిస్తోంది. ఈ సినిమాను స్వీయ దర్శకత్వంలో అజయ్ కర్తుర్వర్ నిర్మించారు. అజయ్ కుమార్ ప్రొడక్షన్స్ పతాకంపై చందన కొప్పిశెట్టి సంయుక్తంగా నిర్మించారు. అజయ్ కర్తుర్వర్ ప్రధాన పాత్రలో నటించిన ‘అజయ్గాడు’ సినిమాలో బిగ్ బాస్ తెలుగు ఫేమ్ భానుశ్రీ, రోడీస్ విన్నర్ శ్వేత మెహతా కీలక పాత్రల్లో నటించారు. ప్రాచీ టక్కర్, అభయ్ బేతిగంటి, జయశ్రీగారు, యద్దం రాజు తదితరలు ఇతర పాత్రల్లో నటించి మెప్పించారు. అజయ్ గాడు సినిమా అజయ్ అనే వ్యక్తికి సంబంధించిన కథ. మధ్యతరగతి కుటుంబానికి చెందిన వ్యక్తి అజయ్. రోజురోజుకీ మారిపోతున్న ప్రపంచాన్ని అర్థం చేసుకోవడానికి, డబ్బు, పేరు, ప్రేమ వంటి వాటిని తెలుసుకోవడానికి ఇబ్బంది పడుతుంటాడు. వీటన్నిటినీ వదిలేయాలనుకున్న అతను ఒకానొక సందర్భంలో శ్వేతను స్ఫూర్తిగా ప్రేమిస్తాడు అయితే ఆమె డ్రగ్స్కి బానిస అయిన మెడికో. అలాంటి ఆమెను సక్రమ మార్గంలో ఉంచటానికి చేసే ప్రయత్నాల్లో బాహ్య ప్రపంచంతో అజయ్ ఎలాంటి యుద్ధం సాగించాడనేదే కథ.
Jamie Lever: టాలీవుడ్ ఎంట్రీ ఇస్తున్న బాలీవుడ్ స్టార్ కమెడియన్ కూతురు
ఈ సినిమా జనవరి 12 నుంచి జీ5లో ఉచితంగా అందుబాటులో ఉంది. ఈ సందర్భంగా అజయ్ కర్తుర్వర్ మాట్లాడుతూ ‘‘ఒక సినిమాలో నటిస్తూ, నిర్మాతగా, దర్శకుడిగా పనిచేయడం మామూలు విషయం కాదు. చాలా థ్రిల్లింగ్ జర్నీ. ఈ ప్రాజెక్టుకు నా మనసులో ఎప్పుడూ ప్రత్యేకమైన స్థానం ఉంటుంది, ఈ అద్భుతమైన అనుభవాన్ని ప్రతి ఒక్కరితోనూ పంచుకోవాలని అనుకుంటున్నా. సినిమా కథ ఎలా ఉంటుందో ట్రైలర్ చూస్తే అర్థమవుతుంది కానీ సినిమాలో అంతకు మించిన విషయాలు చాలా ఉంటాయి. స్టంట్స్, ఎమోషన్స్, రొమాన్స్ వీటన్నిటిని కలగలిపి అద్భుతంగా తెరకెక్కించాం, ప్రపంచవ్యాప్తంగా ఉన్న సినీ ప్రేమికులకు ఈ సినిమాను అందించడమే నా ధ్యేయం. జీ5తో కలిసి ఈ సినిమాను విడుదల చేయడం చాలా ఆనందంగా ఉంది. అజయ్గాడు సకుటుంబంగా చూడాల్సిన సినిమా, ప్రతి ఒక్కరికీ నచ్చే అంశాలు ఇందులో ఉంటాయి. ఈ అద్భుతమైన సినిమాను ప్రేక్షకులతో కలిసి ఆస్వాదించాలని అనుకుంటున్నానని అన్నారు.