Chicchu Buddi : అడివి శేష్ ‘డెకాయిట్’ ‘చిచ్చుబుడ్డి’లో భోజ్ పురి స్టార్ హీరో
పాన్ ఇండియా హిట్లతో జోరు మీదున్న యంగ్ హీరో అడివి శేష్, ఇప్పుడు తన రూట్ మార్చారు, ఇప్పటివరకు క్లాస్ అండ్ ఇన్వెస్టిగేటివ్ థ్రిల్లర్లతో మెప్పించిన శేష్, మొదటిసారి ఊర మాస్ అవతారంలోకి మారిపోయారు. ఆయన నటిస్తున్న లేటెస్ట్ యాక్షన్ రొమాంటిక్ థ్రిల్లర్ ‘డెకాయిట్’ నుంచి సెకండ్ సింగిల్ ‘చిచ్చుబుడ్డి’ సాంగ్ నేడు విడుదలై సోషల్ మీడియాను షేక్ చేస్తోంది, సాధారణంగా అడివి శేష్ సినిమాల్లో డ్యాన్స్ కంటే మైండ్ గేమ్స్ ఎక్కువగా ఉంటాయి. కానీ, ‘చిచ్చుబుడ్డి’ పాటతో ఆయన తనలోని అసలైన డ్యాన్సర్ని బయటకు తీశారు. హై-ఎనర్జీతో సాగే ఈ ఫోక్ బీట్ సాంగ్లో శేష్ వేసిన మాస్ స్టెప్పులు ఫ్యాన్స్కు పూనకాలు తెప్పిస్తున్నాయి. ఒక రగ్గడ్ లుక్లో కనిపిస్తూనే, అదిరిపోయే గ్రేస్తో శేష్ అదరగొట్టారు.
Also Read:Lenin: పెద్ది కోసం వెనక్కి తగ్గిన అయ్యగారు!
ఈ పాటకు భీమ్స్ సెసిరోలియో అందించిన మాస్ బీట్స్ సాంగ్ను ఎక్కడికో తీసుకెళ్లాయి, భాస్కరభట్ల తనదైన శైలిలో అందించిన సాహిత్యం వినగానే కాలు కదిపేలా ఉంది. ఇక గాయనీగాయకులు రామ్ మిరియాల, జోనితా గాంధీ తమ గొంతులతో పాటలో ఎనర్జీని నింపారు. ప్రత్యేకంగా భోజ్పురి స్టార్ పవన్ సింగ్ ఈ పాటలో కనిపించి మాస్ వైబ్ను మరింత పెంచారు. జోనితా గాంధీ కేవలం పాడటమే కాకుండా, తెరపై గ్లామరస్ డ్యాన్స్తో మెరిసిపోవడం విశేషం. ఒక పెద్ద సెట్లో, భారీ జనసందోహం మధ్య ఈ పాటను అత్యంత రిచ్గా చిత్రీకరించారు. ప్రతి ఫ్రేమ్ ఒక వేడుకలా కనిపిస్తోంది. షానియల్ డియో దర్శకత్వంలో వస్తున్న ఈ చిత్రంలో శేష్ సరసన మృణాల్ ఠాకూర్ నటిస్తోంది, అన్నపూర్ణ స్టూడియోస్ సమర్పణలో సుప్రియ యార్లగడ్డ నిర్మిస్తున్న ఈ చిత్రం ఏప్రిల్ 10న థియేటర్లలోకి రానుంది.