Vijay Antony: సీఎం విజయ్‌ని కలిసిన ‘బిచ్చగాడు’ హీరో.. నెట్టింట వైరల్‌గా మారిన ఫోటోలు!

Vijay Antony: తమిళనాడు రాజకీయాలు, సినిమా పరిశ్రమ మధ్య మరో ఆసక్తికరమైన – ఆత్మీయ కలయిక మొదటి నుంచి మనం చూస్తునే ఉన్నాం. తాజాగా ప్రముఖ హీరో, సంగీత దర్శకుడు విజయ్ ఆంటోనీ.. తమిళనాడు ముఖ్యమంత్రి, తమిళగ వెట్రి కళగం (TVK) అధినేత జోసెఫ్ విజయ్‌ను మర్యాదపూర్వకంగా కలిశారు. చెన్నైలోని సీఎం నివాసానికి వెళ్లిన విజయ్ ఆంటోనీ.. ముఖ్యమంత్రికి ప్రత్యేకంగా శుభాకాంక్షలు తెలియజేశారు. సీఎం విజయ్‌తో జరిగిన ఈ భేటీకి సంబంధించిన ఫోటోను విజయ్ ఆంటోనీ తన అధికారిక ఎక్స్ ఖాతాలో పంచుకున్నారు. “గౌరవనీయ ముఖ్యమంత్రి విజయ్ గారిని కలవడం నాకు ఎంతో సంతోషాన్ని, గర్వాన్ని కలిగించింది. ప్రజల సేవకు, సమాజంలో గొప్ప మార్పు తీసుకురావడానికి ఆయనకు ఎల్లప్పుడూ ఎంతో బలం, విజ్ఞత, అపారమైన శక్తి ఉండాలని మనస్ఫూర్తిగా కోరుకుంటున్నాను” అంటూ విజయ్ ఆంటోనీ తన ట్వీట్‌లో రాసుకొచ్చారు.

ఒకప్పుడు విజయ్ నటించిన బ్లాక్‌బస్టర్ హిట్స్ ‘వేట్టైక్కారన్’ (తెలుగులో పులివేట), ‘వేలాయుధం’ వంటి భారీ చిత్రాలకు విజయ్ ఆంటోనీ అద్భుతమైన మ్యూజిక్ అందించారు. ఆ సినిమాల్లోని పాటలు ఇప్పటికీ చార్ట్‌బస్టర్సే. అలాంటిది చాలా కాలం తర్వాత వీరిద్దరూ ఇలా ఒకే ఫ్రేమ్‌లో, అది కూడా విజయ్ సీఎం అయ్యాక విజయ్ ఆంటోని ఆయనను కలవడం చూసి అభిమానులు ఖుషీ అవుతున్నారు. ఈ భేటీని ప్యూర్ ‘OG కాంబినేషన్’ అంటూ సోషల్ మీడియాలో నెట్టిజన్లు కామెంట్లు పెడుతూ వారి ఫోటోలను ట్రెండ్ చేస్తున్నారు.

Met our Honourable Chief Minister today and spent some wonderful time with him. It was truly inspiring to see his positivity and energy, as always.

Wishing him continued strength, wisdom, and good health. May the universe bless him with abundant positivity and energy to continue… pic.twitter.com/qaYHwC2nvE

— vijayantony (@vijayantony) June 2, 2026