Vadivelu Brother Jagadeeswaran Passed away: తమిళంలో స్టార్ కమెడియన్ గా కొనసాగుతున్న వడివేలు ఇంట తీవ్ర విషాదం నెలకొంది. ఈ మధ్యనే వడివేలు తల్లి అనారోగ్య కారణాలతో మృతి చెందిన సంగతి తెలిసిందే. ఆ విషాదం నుంచి ఇంకా బయటపడకుండానే ఇప్పుడు వడివేలు తమ్ముడు జగదీశ్వరన్ కూడా కన్నుమూసినట్లుగా తెలుస్తోంది. ఆయన వయసు ఇప్పుడు 55 సంవత్సరాలు. గత కొంతకాలంగా కాలేయ సంబంధిత వ్యాధితో బాధపడుతున్న జగదీశ్వరన్ ప్రస్తుతం మధురై ఆస్పత్రిలో చికిత్స పొందుతున్నారు. అయితే ఆయన ఆరోగ్య పరిస్థితి విషమించడంతో కన్నుమూసినట్లు తెలుస్తోంది. అన్న వడివేలు మాదిరిగానే జగదీశ్వరన్ సైతం పలు సినిమాల్లో నటించారు. కానీ పూర్తిస్థాయిలో రాణించలేకపోయారు. అవకాశాలు కూడా కరువైన నేపథ్యంలో గార్మెంట్ షాప్ పెట్టుకుని జీవనం సాగిస్తున్నారు.
Samantha: అర్ధరాత్రి అతడితో వీడియో కాల్.. అడ్డంగా దొరికిపోయిన సామ్
వడివేలుకు ముగ్గురు సోదరులు, ఇద్దరు సోదరీమణులు ఉన్నారని తెలుస్తోంది. వారిలో జగదీశ్వరన్ కి సినిమాల మీద ఆసక్తి ఉండడంతో, తమిళ సినిమాల్లో అవకాశాల ప్రయత్నం చేశాడు. అయితే నటనా రంగంలో పెద్దగా విజయం సాధించకపోవడంతో, జగదీశ్వరన్ మధురైలో తన వస్త్ర వ్యాపారాన్ని ప్రారంభించి విజయవంతంగా నడుపుతున్నాడు. అంతకుముందు, ఒక ఇంటర్వ్యూలో, వడివేలు తనకు ఎల్లప్పుడూ మద్దతుగా ఉండేవారని, తననే కాకుండా తన తోబుట్టువులందరినీ చూసుకునేవారని వెల్లడించారు. వడివేలు ఇటీవల మారి సెల్వరాజ్ దర్శకత్వంలో తెరకెక్కిన మామన్నన్‌లో కనిపించారు. ఈ సినిమాకి తమిళంలో మంచి పాజిటివ్ బజ్ తెచ్చుకుంది. ఈ సినిమాలో వడివేలు నటనకి మంచి ప్రశంసలు లభించాయి. ఇక ఇప్పుడు రాఘవ లారెన్స్ హీరోగా నటించిన చంద్రముఖి 2 లో కూడా కనిపించనున్నారు.
