ప్రముఖ తెలుగు చిత్రనిర్మాత దర్శకేంద్రుడు కె. రాఘవేంద్రరావు పర్యవేక్షణలో గౌరీ రోనంకి దర్శకత్వం వహిస్తున్న యాక్షన్ అండ్ ఫ్యామిలీ ఎంటర్టైనర్ “పెళ్లి సందడి”. మాధవి కోవెలమూడి, శోభు యార్లగడ్డ, ప్రసాద్ దేవినేని ఆర్కే మీడియా వర్క్స్, ఆర్కే ఫిల్మ్ అసోసియేట్స్ బ్యానర్లపై సంయుక్తంగా నిర్మిస్తున్నారు. ఈ చిత్రంలో తెలుగు హీరో శ్రీకాంత్ కుమారుడు రోషన్ శ్రీకాంత్ మరియు శ్రీ లీల ప్రధాన పాత్రలు పోషిస్తున్నారు. శ్రీనివాస్ రెడ్డి, పోసాని కృష్ణ మురళి, రావు రమేష్, రాజేంద్ర ప్రసాద్, ప్రకాష్ రాజ్, షకలక శంకర్, ఫిష్ వెంకట్ కీలక పాత్రలు పోషిస్తున్నారు. ఈ చిత్రానికి ఎంఎం కీరవాణి సంగీతం అందిస్తున్నారు. సినిమాటోగ్రఫీ సునీల్ కుమార్ నామా నిర్వహించగా, తమ్మిరాజు ఎడిటింగ్ చేస్తున్నారు.
Read Also : “వరుడు కావలెను” రిలీజ్ డేట్ ఫిక్స్
సెప్టెంబర్ 22 న “పెళ్లి సందD” ట్రైలర్ను విడుదల చేశారు మేకర్స్. ఈ ట్రైలర్ కు ప్రేక్షకుల నుంచి అద్భుతమైన స్పందన వస్తోంది. తాజాగా “పెళ్లి సందD” ట్రైలర్ యూట్యూబ్లో 5 మిలియన్+ వ్యూస్ దాటింది. మేకర్స్ ట్విట్టర్లో కొత్త పోస్టర్ను విడుదల చేసి ఈ విషయాన్ని ప్రకటించారు. కాగా “పెళ్లి సందD” 1996లో విడుదలైన పెళ్లి సందడి చిత్రానికి సీక్వెల్గా ప్రచారం జరుగుతోంది. ఇందులో శ్రీకాంత్, రవళి, దీప్తి భట్నాగర్ ప్రధాన పాత్రలు పోషించారు.
