19న థియేటర్లో ‘చోరీ’ చేయనున్న శ్రీవిష్ణు
- Follow Us :
-
-
Add as a preferred
source on google
యంగ్ హీరో శ్రీ విష్ణు హీరోగా కామెడీ నేపథ్యంలో వస్తున్న సినిమా ‘రాజ రాజ చోర’. ఈమధ్య కాలంలో వచ్చిన శ్రీ విష్ణు సినిమాలన్ని కామెడీ నేపథ్యంలోనే సాగుతున్నాయి. ఆయన నటించిన సినిమాల్లో ‘బ్రోచేవారెవ‌రురా’ మంచి క్రైమ్ కామెడీ సినిమాగా మిగిలింది. అప్పటినుంచి శ్రీ విష్ణు ఒక్కో మెట్టు ఎక్కుతూ వస్తున్నాడు. ప్రస్తుతం ‘రాజ రాజ చోర’ సినిమా కూడా పోస్టర్లు, టీజర్ తో అలాంటి బజ్ క్రియేట్ చేస్తుంది.
శ్రీ విష్ణు సరసన మేఘా ఆకాష్, సునయన హీరోయిన్లుగా నటించారు. హసిత్ గోలీ డైరెక్షన్ లో వస్తున్న ఈ చిత్రాన్ని పీపుల్స్ మీడియా ఫ్యాక్టరీ నిర్మాణ సంస్థపై టీజీ విశ్వప్రసాద్, అభిషేక్‌ అగర్వాల్ సంయుక్తంగా నిర్మిస్తున్నారు. వివేక్‌ సాగర్‌ సంగీతం అందిస్తున్నారు. కాగా ఈ నెల 19న థియేటర్లో ‘రాజ రాజ చోర’ సినిమా విడుదల చేస్తున్నట్లుగా ప్రకటన చేశారు. కింగ్ సైజ్ ఎంటెర్టైమెంట్ గ్యారెంటీ అంటూ పోస్టర్ లో తెలియజేశారు.
