ఎండలు మొదలయ్యాయంటే చాలు.. అందరం ఇంట్లోని పాత ఎయిర్ కూలర్లను బయటకు తీస్తాం. అయితే, చాలావరకు పాత కూలర్లు ఒక్కోసారి ఆశించిన స్థాయిలో చల్లదనాన్ని ఇవ్వవు, పైగా గాలి వేగం తగ్గిపోవడం లేదా వింత శబ్దాలు రావడం వంటి సమస్యలు ఎదురవుతుంటాయి. అలాగని వేల రూపాయలు పెట్టి కొత్త కూలర్ కొనాల్సిన పని లేదు.. ఇంట్లోనే కొన్ని చిన్న చిన్న మార్పులు చేయడం ద్వారా మీ పాత కూలర్ను కూడా ఏసీ (AC) తరహాలో చల్లటి గాలిని ఇచ్చేలా మార్చుకోవచ్చు.
Samsung 18000mAh: సామ్ సంగ్ బ్యాటరీ రెవల్యూషన్.. 18,000mAh సిలికాన్-కార్బన్ బ్యాటరీపై ఫోకస్!
కూలర్ చల్లటి గాలిని ఇవ్వడంలో అందులోని గడ్డి (Cooling Pads) పాత్ర అత్యంత కీలకం. పాత కూలర్లలో గడ్డిపై ఉప్పు పేరుకుపోయి రంధ్రాలు మూసుకుపోవడం వల్ల గాలి సరిగ్గా రాదు. కాబట్టి, వేసవి ప్రారంభంలో పాత గడ్డిని తీసేసి కొత్తది వేయండి. వీలైతే సాధారణ గడ్డికి బదులుగా ‘హనీకోంబ్ ప్యాడ్స్’ వాడండి, ఇవి ఎక్కువ సేపు నీటిని పట్టి ఉంచి గాలిని మరింత చల్లగా మారుస్తాయి. అలాగే, కూలర్ పంఖా రెక్కలపై పేరుకున్న దుమ్మును శుభ్రం చేయడం వల్ల గాలి వేగం పెరుగుతుంది.
చాలామంది చేసే మరో పెద్ద పొరపాటు ఏమిటంటే, కూలర్ వేసినప్పుడు గది కిటికీలు, తలుపులన్నీ మూసివేయడం. కూలర్కు బయటి గాలి (Fresh Air) చాలా అవసరం కాబట్టి, కూలర్ వెనుక భాగం కిటికీ వైపు ఉండేలా చూసుకోవాలి. అలాగే గదిలోని ఉక్కపోత (Humidity) తగ్గడానికి మరో కిటికీని కొంచెం తెరిచి ఉంచాలి. ఈ ‘క్రాస్ వెంటిలేషన్’ పద్ధతి వల్ల గదిలో తేమ పేరుకుపోకుండా గాలి తాజాగా ఉంటుంది. తక్షణ చల్లదనం కోసం కూలర్ ట్యాంకులో ఐస్ ముక్కలు వేయడం, వారానికి ఒకసారి ట్యాంకును శుభ్రం చేయడం వల్ల నాచు పట్టకుండా ఉంటుంది. ఈ సింపుల్ టిప్స్ పాటిస్తే మీ పాత కూలర్ ఈ వేసవిలో మీకు అద్భుతమైన చల్లదనాన్ని ఇస్తుంది.