Ragi Samosa: రుచికి రుచి.. ఆరోగ్యానికి ఆరోగ్యం.. హెల్తీ ‘రాగి సమోసా’ను ‘సింపుల్గా ఇలా ట్రై చేయండి!
- Follow Us :
-
-
Add as a preferred
source on google
Ragi Samosa: సరదాగా సాయంత్రం వేళ వేడివేడి టీతో పాటు ఒక సమోసా తింటే ఉంటుంది.. ఆ మజాయే వేరు. అయితే సాధారణంగా మైదాతో చేసే సమోసాలు రుచిగా ఉన్నా, ఆరోగ్యానికి అవి అంత మంచివి కావనే ఆందోళన చాలామందిలో ఉంటుంది. అలాంటి వారి కోసం రుచికి రుచి, ఆరోగ్యానికి ఆరోగ్యం అందించే అద్భుతమైన ఈ ‘రాగి సమోసా’ సూపర్ ఛాయిస్గా పని చేస్తాయి. ఆరోగ్యానికి ఎంతో మేలు చేసేలా, పోషకాలు నిండిన రాగి పిండితో ఎంతో రుచికరమైన సమోసాలను తయారు చేసుకోవచ్చు. చాలా సింపుల్గా రాగి సమోసాలను ఎలా చేయాలో ఈ స్టోరీలో తెలుసుకుందాం.
అవసరమైన పదార్థాలు:
Also Read
- Homemade Healthy Snacks: బయట కొనే పని లేకుండా ఇంట్లోనే పల్చటి, క్రిస్పీ నువ్వుల పట్టీ.. ఇలా చేస్తే 2 వారాలు ఫ్రెష్!
- AMH తక్కువగా ఉంటే IVF తప్పనిసరా? మహిళలు తెలుసుకోవాల్సిన విషయాలు...
- Homemade Rava: బయట కొనే రవ్వలో మైదా కల్తీ, పురుగుల భయమా? ఇంట్లోనే స్వచ్ఛమైన రవ్వ చేసుకోండిలా!
- Protein Rich Foods: ఒంట్లో బలం అమాంతం పెంచే హై ప్రోటీన్ రొట్టె.. చాలా సింపుల్ ఇలా చేసుకోండి!
రాగి పిండి – 1 కప్పు
ఉడికించిన బంగాళదుంప ముక్కలు – 1 కప్పు
సజ్జ పిండి – కొద్దిగా
జీలకర్ర, వాము – తగినంత
కొత్తిమీర, పచ్చిమిర్చి ముక్కలు
ఉల్లిపాయ ముక్కలు
జీడిపప్పు, కిస్మిస్ ముక్కలు
పచ్చి బఠానీలు
చింతపండు రసం – 2 టేబుల్ స్పూన్లు
నూనె – వేయించడానికి సరిపడా
ఉప్పు – రుచికి తగినంత
తయారీ విధానం:
ముందుగా ఒక పాన్ తీసుకుని అందులో కొద్దిగా నూనె వేసి తర్వాత జీడిపప్పు, కిస్మిస్ ముక్కలను వేసి దోరగా వేయించి పక్కన పెట్టుకోవాలి. అదే పాన్లో మరికొంత నూనె వేసి జీలకర్ర, పచ్చిమిర్చి, ఉల్లిపాయ ముక్కలు వేసి వేయించాలి. తర్వాత పసుపు, ఉప్పు, ఉడికించిన బంగాళదుంప ముక్కలు, పచ్చి బఠానీలు వేసి కలపాలి. దీనికి చింతపండు రసం, ముందుగా వేయించి పెట్టుకున్న జీడిపప్పు, కిస్మిస్ ముక్కలు కూడా కలిపి స్టఫ్ఫింగ్ రెడీ చేసుకోవాలి.
తర్వాత ఒక మిక్సింగ్ బౌల్లో రాగి పిండి, కొద్దిగా సజ్జ పిండి, వాము, ఉప్పు, వేడి నూనె వేసి, తగినన్ని నీళ్లతో చపాతీ పిండిలా గట్టిగా కలుపుకోవాలి. కలుపుకున్న పిండిని చిన్న చిన్న ఉండలుగా చేసుకుని, చపాతీలా ఒత్తుకోవాలి. వాటిని సమోసా ఆకారంలో మలుచుకుని, ముందుగా సిద్ధం చేసుకున్న బంగాళదుంప స్టఫ్ఫింగ్ అందులో నింపాలి. ఇలా రెడీ చేసుకున్న సమోసాలను ఓవెన్లో పెట్టి బేక్ చేసుకోవాలి (లేదా నూనెలో డీప్ ఫ్రై కూడా చేసుకోవచ్చు). సమోసాలు బాగా కాలిన తర్వాత సర్వింగ్ ప్లేట్లోకి తీసుకుంటే ఎంతో రుచికరమైన రాగి సమోసా రెడీ అయిపోతాయి. చిరుధాన్యాలతో చేసే ఈ రాగి సమోసా కేవలం రుచికరంగా ఉండటమే కాకుండా, సాయంత్రం వేళ పిల్లలకు, పెద్దలకు ఒక ఆరోగ్యకరమైన స్నాక్ ఆప్షన్గా పని చేస్తుంది.
ఆరోగ్య ప్రయోజనాలు
సాధారణ మైదా సమోసాతో పోలిస్తే, రాగి సమోసా ఆరోగ్యానికి ఎంతో మేలు చేస్తుంది. నిజానికి రాగిలో పీచు పదార్థం పుష్కలంగా ఉంటుంది. ఇది జీర్ణక్రియను మెరుగుపరచడమే కాకుండా, ఎక్కువ సేపు కడుపు నిండుగా ఉన్న అనుభూతిని కలిగిస్తుంది. దీనివల్ల అనవసరమైన ఆకలి తగ్గుతుంది. అలాగే ధాన్యాలన్నింటిలో రాగిలోనే అత్యధిక క్యాల్షియం ఉంటుంది. ఇది ఎముకల బలానికి, పళ్ల ఆరోగ్యానికి ఎంతో అవసరం. ముఖ్యంగా పెరుగుతున్న పిల్లలకు, వృద్ధులకు ఇది చాలా మేలు చేస్తుంది. మైదాతో పోలిస్తే రాగికి ‘గ్లైసీమిక్ ఇండెక్స్’ తక్కువ. అంటే ఇది రక్తంలో చక్కెర స్థాయిలను వేగంగా పెంచదు. కాబట్టి డయాబెటిస్ ఉన్నవారు కూడా పరిమితంగా వీటిని తీసుకోవచ్చు.
రాగిలో ఐరన్ శాతం ఎక్కువగా ఉండటం వల్ల రక్తహీనత సమస్యతో బాధపడేవారికి ఇది మంచి ఆహారంగా పని చేస్తుంది. ఇది శరీరంలో హిమోగ్లోబిన్ శాతాన్ని పెంచడానికి కూడా సహాయపడుతుంది. రాగిలో ఉండే ‘అమినో యాసిడ్స్’ శరీరంలోని కొవ్వును తగ్గించడంలో తోడ్పడతాయి. రాగి సహజంగానే గ్లూటెన్ రహిత ధాన్యం. కాబట్టి గ్లూటెన్ అలర్జీ ఉన్నవారు కూడా ఎటువంటి ఇబ్బంది లేకుండా ఈ సమోసాలను తింటూ ఆస్వాదించవచ్చు. ఈ రెసిపీలో వాడే జీడిపప్పు, కిస్మిస్, బఠానీలు, బంగాళదుంపల ద్వారా శరీరానికి అవసరమైన ప్రోటీన్లు, విటమిన్లు, పొటాషియం అందుతాయి. సమయం ఉన్నప్పుడు మీరు కూడా మీ ఇంట్లో ఈ హెల్తీ సమోసాలను చేయడానికి ప్రయత్నించండి.
తాజావార్తలు
-
Indian Employees Emergency Savings: జీతం వస్తేనే జీవనం.. భారత ఉద్యోగుల ఆర్థిక పరిస్థితిపై సంచలన సర్వే..!
-
Motorola Edge 70 Neo: మోటరోలా Edge 70 Neo భారత్లోకి వచ్చేస్తోంది.. 50MP Sony కెమెరా, 7,000mAh బ్యాటరీతో!
-
Varanasi Update: ఇదొక అప్డేటే.. అసలైన బ్లాస్ట్ కోసం వేచి చూడాల్సిందే!
-
AP Panchayat Elections: సర్పంచ్ పదవికి వేలం పాట.. చీటీల పద్ధతిలో ఏకగ్రీవం..! ఎక్కువ మొత్తం రాసిన వ్యక్తికే పదవి!
-
Dhanush-Mammootty: మమ్ముట్టి సర్.. మరోసారి ఇలా రాకండి ప్లీజ్.. ధనుష్ కామెంట్స్ వైరల్!
ట్రెండింగ్
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!