Vastu Tips: ఇంట్లో చనిపోయిన వారి ఫోటోలు ఎక్కడ పెట్టాలి.? వాస్తు శాస్త్రం చెబుతుంది ఇదే..

Vastu Tips: ఇంట్లో పెట్టే ఫోటోలు కేవలం ఫోటోలు మాత్రమే కాదు, అవి మన జ్ఞాపకాలు, మన సంబంధాలను గుర్తు చేస్తాయి. ముఖ్యంగా మరణించిన వారి ఫోటోలను ఇళ్లలో ఉంచడం మనం చూస్తుంటాం. ‘‘పితృ దేవతలు’’గా పలిచే మన ఇంటి పెద్దల ఫోటోలు ఎక్కడ ఉంచాలనే సందేహాలు తరుచుగా వస్తుంటాయి. హిందూ సంప్రదాయం, వాస్తు శాస్త్రాల ప్రకారం పితృదేవతల ఫోటోల స్థానం ఇంట్లో ప్రత్యేక ప్రాముఖ్యతను కలిగి ఉంటుంది.

వాస్తు నిపుణులు చెప్పేదాని ప్రకారం, మరణించిన కుటుంబ సభ్యుల ఫోటోలు ఇంటి దక్షిణ దిశ లేదా పడమర గోడపై ఉంచడం మంచిదని భావిస్తారు. ఈ దిశాలు పితృదేవతలతో అనుబంధం కలిగివ ఉంటాయని సంప్రదాయ విశ్వాసం. ఫోటోలో ఉన్న వ్యక్తి ముఖం తూర్పు వైపు కనిపించేలా ఉండటం మంచిది.

ఇదే సమయంలో పితృదేవతల ఫోటోలు దేవుళ్ల ఫోటోలతో కలిపి పూజా గదిలో ఉంచకూడదు. పూర్వీకుల్ని స్మరించుకుంటాం, గౌరవించుకుంటాం. దేవతల్ని పూజిస్తాం. అందుకే చనిపోయిన వారి ఫోటోలకు ప్రత్యేక స్థలాన్ని కేటాయించాలి. వంట గదిలో ఫోటోలు పెట్టకూడదు. వంటగది ఆహారం, శక్తి, రోజూవారీ కార్యకలాపాలకు కేంద్రంగా ఉంటుంది. ప్రశాంతంగా పెద్ద వారిని తలుచుకునే ప్రదేశం కాదు. మెట్ల వద్ద, హాలులో, ఎక్కువ మంది రాకపోకలు సాగించే ప్రదేశాల్ ఉంచొద్దు. జీవించి ఉన్న వారి ఫోటోలు, మరణించిన వ్యక్తుల ఫోటోలతో కలిపి ఉంచొద్దు.

గరుడ పురాణం అనేది మరణానంతర జీవితం, పితృ కర్మలు, శ్రాద్ధ కర్మల్ని గురించి తెలుపుతుంది. మరణించిన వారి ఫోటోలకు సంబంధించిన వివరాలను ప్రత్యేకం ప్రస్తావించదు. చాలా మంది గరుడ పురాణాన్ని ప్రస్తావిస్తూ, చనిపోయిన వారి ఫోటోలు అక్కడ పెట్టొద్దు, ఇక్కడ పెట్టొద్దు అని చెబుతుంటారు. కానీ గరుడ పురాణంలో ఇలాంటివి ఏం చెప్పబడలేదు.