Garlic Chicken Curry :గార్లిక్ చికెన్ కర్రీని ఇలా చేస్తే టేస్ట్ అదిరిపోతుంది..!

చికెన్ అంటే నాన్ వెజ్ ప్రియులకు చాలా ఇష్టం.. చికెన్ తో చేసే ప్రతి వంట కూడా చాలా బాగుంటుంది.. అయితే రెస్టారెంట్ స్టైల్లో ఉండేలా గార్లిక్ చికెన్ ను ఈరోజు మనం ఎలా తయారు చేసుకోవాలో చూద్దాం.. నాన్, రోటీ, వంటి వాటితో తినడానికి ఈ చికెన్ కర్రీ చాలా చక్కగా ఉంటుంది. మనలో చాలా మంది ఈ కర్రీని ఇప్పటికే రుచి చూసి ఉంటారు. ఈ గార్లిక్ చికెన్ మసాలా కర్రీని మనం ఇంట్లోనే చాలా సులభంగా తయారు చేసుకోవచ్చు. దీనిని తయారు చేయడానికి ఎక్కువగా సమయం కూడా పట్టదు.. ఇక ఆలస్యం ఎందుకు ఓ లుక్ వేద్దాం పదండి..

కావలసిన పదార్థాలు :

నూనె – 4 టేబుల్ స్పూన్స్,

చిన్నగా తరిగిన పెద్ద ఉల్లిపాయ – 1,

కచ్చా పచ్చగా దంచిన వెల్లుల్లి రెబ్బలు – 10,

కారం -ఒక టీ స్పూన్,

మిరియాల పొడి – అర టీ స్పూన్,

టమాట కిచప్ – 2 టేబుల్ స్పూన్స్,

ఉప్పు – తగినంత,

గరం మసాలా – ఒకటిన్నర టీ స్పూన్,

కసూరి మెంతి -ఒక టీ స్పూన్,

నీళ్లు – అర గ్లాస్..

చికెన్ మ్యారినేషన్ చేసి పక్కన పెట్టుకోవాలి..

తయారీ విధానం :

ముందుగా చికెన్ ను కాస్త పసుపు వేసి శుభ్రంగా కడిగి పక్కన పెట్టుకోవాలి..ఇందులో మ్యారినేషన్ కు కావల్సిన పదార్థాలన్నీ వేసి బాగా కలపాలి. తరువాత దీనిపై మూత పెట్టి అర గంట పాటు మ్యారినేట్ చేసుకోవాలి. తరువాత కళాయిలో నూనె పోసి వేడి చేయాలి. నూనె వేడయ్యాక ఉల్లిపాయ ముక్కలు వేసి వేయించాలి. ఇవి కొద్దిగా వేగిన తరువాత వెల్లుల్లి పేస్ట్ వేయించాలి. ఉల్లిపాయ ముక్కలు లైట్ గోల్డెన్ బ్రౌన్ కలర్ లోకి రాగానే కారం, మిరియాల పొడి వేసి కలపాలి..టమోటా కిచప్ వేసి బాగా కలపాలి.. ఒక్క నిమిషం తర్వాత చికెన్ మిశ్రమాన్ని వేసి కలపాలి..ఆ తర్వాత గరం మసాలా, ఉప్పు వేసి బాగా కలపాలి..ఇక స్టవ్ చిన్న మంటపై మధ్య మధ్యలో కలుపుతూ 20 నిమిషాల పాటు ఉడికించాలి. ఇలా ఉడికించిన తరువాత కసూరి మెంతి వేసి కలపాలి. తరువాత నీళ్లు పోసి కలిపి మూత పెట్టాలి. దీనిని చికెన్ మెత్తగా అయ్యే వరకు ఉడికించిస్టవ్ ఆఫ్ చేసుకోవాలి… అంతే ఘుమ ఘుమలాడే గార్లిక్ చికెన్ కర్రీ రెడీ.. మీకు నచ్చితే మీరు కూడా ట్రై చెయ్యండి..