Ragi Milk Recipe: వేసవి దాహాన్ని తీర్చే నేచురల్ ఎనర్జీ డ్రింక్.. ఇంట్లోనే టేస్టీ ‘రాగి పాలు’ చేసుకోండిలా!

Ragi Milk Recipe: వేసవిలో త్వరగా డీ హైడ్రేట్ అవుతుంటాం. శక్తి కోసం రోడ్ల పక్కన దొరికే అనేక రకాల జూస్‌లు తాగుతుంటాం. బయట దొరికే జూస్‌లలో ఎక్కువగా కెమికల్స్ కలుపుతుంటారు. అవి తాగితే మనం అనారోగ్యం పాలయ్యే అవకాశం ఉంది. అందుకే ఇంట్లోనే ఎంతో టేస్టీ, హెల్తీ రెసిపీ ఎలా తయారు చేయాలో ఇప్పుడు చూద్దాం.. వేసవిలో శరీరాన్ని చల్లగా ఉంచుతూ, శక్తిని పెంచే సహజ పానీయాల్లో రాగి పాలు (Ragi Milk) ఒకటి. రాగి (Finger Millet)లో కాల్షియం, ఫైబర్, ఐరన్ వంటి పోషకాలు సమృద్ధిగా ఉండటంతో ఇది ఆరోగ్యానికి ఎంతో మేలు చేస్తుంది. ఈ పానీయం దాహాన్ని తీర్చడమే కాకుండా శరీరాన్ని చల్లగా ఉంచుతుంది. రాగి జ్యూస్‌ను తయారు చేయడానికి సుభమైన పద్దతి ఏంటో చూద్దాం..

READ MORE: Iron Rich Foods: బాబోయ్ బ్లడ్ తగ్గిందా?.. ఇవి తింటే సరిపడా రక్తం పడుతుంది!

కావలసిన పదార్థాలు:
రాగి గింజలు – 1 కప్పు
బాదం – 10 (నానబెట్టినవి)
తురిమిన కొబ్బరి – 2 టేబుల్ స్పూన్లు
బెల్లం – 3 టేబుల్ స్పూన్లు
యాలకుల పొడి – ½ టీ స్పూన్
సబ్జా గింజలు – 2 టేబుల్ స్పూన్లు
నీరు – అవసరమైనంత

READ MORE: UN warning: ఆగని యుద్ధం.. ఇంధన, గ్యాస్‌, నిత్యావసరాల ధరలపై ఐక్యరాజ్యసమితి సీరియస్‌ వార్నింగ్..

తయారీ విధానం:
ముందుగా రాగి గింజలను ఒక బౌల్‌లో తీసుకుని నీటితో శుభ్రంగా కడగాలి. నీరు పూర్తిగా తొలగించి, గింజలను ఒక బట్టపై పరచి ఆరబెట్టాలి. పూర్తిగా ఆరిన తర్వాత పాన్‌లో వేసి తక్కువ మంటపై వేపాలి. రాగి గింజలు మంచి సువాసన వచ్చేవరకు వేయించి చల్లారనివ్వాలి. ఇప్పుడు మిక్సర్ జార్‌లో రాగి గింజలు, బాదం, కొబ్బరి, బెల్లం, యాలకుల పొడి, కొద్దిగా నీరు వేసి మెత్తగా గ్రైండ్ చేయాలి. ముస్లిన్ క్లాత్ లేదా సన్నని గుడ్డతో ఈ మిశ్రమాన్ని వడకట్టాలి. అవసరమైతే మరలా నీరు వేసి మళ్లీ గ్రైండ్ చేసి పాలు తీసుకోవచ్చు. చివరగా సబ్జా గింజలు, ఐస్ క్యూబ్స్ వేసి చల్లగా సర్వ్ చేయాలి.