High Protein Soya Chilla Recipe: హెల్త్ బాగుండాలి అంటే.. మీ బ్రేక్ఫాస్ట్ ఛేంజ్ చేయండి.. మంచి ప్రోటీన్ ఫుడ్ తీసుకొండి.. రొటిన్ ఫుడ్కు బైబై చెప్పండి అని న్యూట్రిషనిట్స్లు చెబుతుంటారు.. అయితే, ఉదయం ఆరోగ్యకరమైన మరియు ప్రోటీన్ ఎక్కువగా ఉండే అల్పాహారం కోసం చూస్తున్నట్లయితే సోయా చిల్లా మంచి ఎంపిక. సోయాబీన్స్లో ప్రోటీన్, ఫైబర్, ఆరోగ్యకరమైన కొవ్వులు మరియు అనేక ముఖ్యమైన పోషకాలు పుష్కలంగా ఉంటాయి. ఈ చిల్లా తినడం వల్ల శరీరానికి శక్తి లభించడమే కాకుండా ఆరోగ్యం కూడా మెరుగుపడుతుంది. ముఖ్యంగా ఉదయం తొందరలో కూడా ఈ రెసిపీని సులభంగా తయారు చేసుకోవచ్చు.
అవసరమైన పదార్థాలు
– 1 కప్పు సోయా ముక్కలు
– 2 టేబుల్ స్పూన్లు శనగపిండి
– 2 పచ్చిమిర్చి
– 2–3 వెల్లుల్లి రెబ్బలు
– చిన్న అల్లం ముక్క
– 1 ఉల్లిపాయ (సన్నగా తరిగినది)
– 1 టమోటా (సన్నగా తరిగినది)
– ½ క్యాప్సికమ్ (తరిగినది)
– 2 టేబుల్ స్పూన్లు కొత్తిమీర (తరిగినది)
– 1 టీస్పూన్ కొత్తిమీర పొడి
– 1 టీస్పూన్ గరం మసాలా
– 1 టీస్పూన్ చాట్ మసాలా
– ఎర్ర కారం పొడి – అవసరమైనంత
– ఉప్పు – రుచికి సరిపడా
– 1 గ్లాసు నీరు
– 1 టీస్పూన్ నూనె
తయారీ విధానం
ముందుగా సోయా ముక్కలను నీటిలో మరిగించి లేదా ఆవిరి చేసి మెత్తగా చేసుకోవాలి. తరువాత నీటిని వడగట్టి పక్కన పెట్టాలి.. మిక్సర్లో పచ్చిమిర్చి, అల్లం, వెల్లుల్లి వేసి మెత్తగా రుబ్బుకోవాలి… ఇప్పుడు ఒక గిన్నెలో సోయా ముక్కలు వేసి, అందులో రుబ్బిన పేస్ట్, తరిగిన ఉల్లిపాయ, టమోటా, క్యాప్సికమ్, కొత్తిమీర మరియు అన్ని మసాలా పదార్థాలు కలపాలి. తరువాత శనగపిండి వేసి మిశ్రమాన్ని బాగా కలపాలి. అవసరమైతే కొద్దిగా నీరు వేసి మందంగా కలపాలి. పాన్లో కొద్దిగా నూనె వేసి వేడి చేయాలి. తయారుచేసిన మిశ్రమాన్ని పాన్లో పోసి పాన్కేక్లా చాపాలి. మంటను తగ్గించి ఒక వైపు 5–7 నిమిషాలు వేయించి, తరువాత తిప్పి మరో వైపు కూడా బంగారు రంగు వచ్చే వరకు వేయించాలి. రెండు వైపులా స్వల్పంగా క్రిస్పీగా అయ్యాక గ్యాస్ ఆపేయాలి. అంతే, మీ హై ప్రోటీన్ సోయా చిల్లా సిద్ధం. వేడిగా గ్రీన్ చట్నీ లేదా టమోటా సాస్తో వడ్డిస్తే మరింత రుచిగా ఉంటుంది..