కోటి విద్యలు కూటి వరకే.. మనిషి ఆరోగ్యంగా ఉంటే ఏదైనా చెయ్యొచ్చు.. అందుకే ఆరోగ్యం చాలా ముఖ్యం..అందుకే శారీరకంగా, మానసికంగా ఆరోగ్యంగా ఉండేందుకు ప్రయత్నించాలని ఆరోగ్య నిపుణులు సూచిస్తుంటారు.. బిజీ లైఫ్ లో కూడా కాస్త సమయాన్ని కేటాయించి క్రమం తప్పకుండా వ్యాయామం చేయాలి. రోజూ వ్యాయామం చేయడం వల్ల ఆరోగ్యానికి మేలు జరుగుతుంది. అయితే, వర్షాకాలం, శీతాకాలంలో పరిస్థితులు ఎలా ఉన్నప్పటికీ.. వేసవి కాలంలో వ్యాయామం చేసేటప్పుడు కొన్ని విషయాలను తప్పక గుర్తించుకోవాలి. లేదంటే ఇబ్బందులు ఎదుర్కోవాల్సి వస్తుంది. ఔట్డోర్ వ్యాయామలు చేయడం, గంటల తరబడి జిమ్లో వ్యాయామం చేయడం వల్ల ఆరోగ్యంపై చెడు ప్రభావం పడే ఆస్కారం ఉంది. అందుకే.. వేసవిలో వ్యాయామం చేసేటప్పుడు కొన్ని జాగ్రత్తలు తీసుకోవాలని ఆరోగ్య నిపుణులు అంటున్నారు.. అవేంటో ఇప్పుడు తెలుసుకుందాం..
వ్యాయామం చెయ్యడానికి ఒక సమయం ఉంటుంది.. ఆ సమయంలోనే చెయ్యాలి.. అదే మంచిది.. పెరుగుతున్న ఉష్ణోగ్రతల నుంచి మిమ్మల్ని మీరు కాపాడుకోవడానికి ఆస్కారం ఉంటుంది. ఉదయం 9 గంటల ముందే వ్యాయామం చేయాలి. ఇక సాయంత్రం 5 గంటల తర్వాత బయటకు వెళితే మంచిది అప్పుడు ప్రశాంతంగా ఉంటుంది..
వ్యాయామం చేస్తున్నప్పుడు.. శరీరం నుండి చాలా చెమట బయటకు వస్తుంది. ఫలితంగా డీహైడ్రేషన్కు గురయ్యే ప్రమాదం ఉంది. అందుకే.. శరీరంలో నీటికొరత ఏర్పడకుండా చూసుకోవడం చాలా ముఖ్యం. హైడ్రేటెడ్గా ఉండేందుకు తగినంత నీరు తాగాలి. ఉదయం లేవగానే కాఫీ, టీ తాగే బదులు.. నీళ్లు తాగితే మేలు జరుగుతుంది. గోరువెచ్చని నీటిలో నిమ్మరసం కలుపుకుని తాగితే ప్రయోజనం ఉంటుంది. ఇందులో కొంత తేనె కలుపుకుని కూడా తాగొచ్చు.. అప్పుడే శరీరం డీ హైడ్రెడ్ అవ్వకుండా ఉంటుంది..
వ్యాయామం చేసిన వెంటనే స్నానం చేయొద్దు. వర్కవుట్ సమయంలో చాలా చెమట పడుతుంది. శరీర ఉష్ణోగ్రత కూడా భారీగా పెరుగుతంది. అలాంటి సమయంలో స్నానం చేయడం వల్ల శరీరంపై దుష్ప్రభావం పడుతుంది.. ఒంట్లో వేడి తగ్గిన తర్వాత మాత్రమే స్నానం చెయ్యాలి…
వేసవిలో వదులుగా, లేత రంగులో ఉండే దుస్తులను మాత్రమే ధరించాలి. దీని కారణంగా చర్మానికి గాలి తగులుతుంది. చెమట ఆరిపోతుంది. బిగుతుగా ఉండే, ముదురు రంగు దుస్తులను ధరిస్తే విపరీతమైన వేడి కలుగుతుంది…ఇక ఎనర్జీ లెవల్స్ కోసం ఎటువంటి డ్రింక్స్ తాగడం మంచిదని నిపుణులు చెబుతున్నారు..
