Battery Safety Tips: ఈ రోజుల్లో స్మార్ట్ ఫోన్ లేని వాళ్లు లేరంటే అతిశయోక్తి కాదు. వాస్తవానికి అరచేతిలో ప్రమాదం గురించి ఎంత మందికి సరైన అవగాహన ఉంది. చాలా మంది రాత్రిపూట ఫోన్ను ప్లగ్ చేసి నిద్రపోవడం, దాన్ని 0%కి ఛార్జ్ చేయకుండా వదిలేయడం లేదా పదే పదే 100%కి ఛార్జ్ చేయడం వంటివి చేస్తుంటారు. ఈ ఫోన్ ఛార్జింగ్ అలవాట్లు, సాధారణమైనవిగా అనిపించినప్పటికీ ఇలాంటి పనులు బ్యాటరీకి హానికరం కావచ్చని చెబుతున్నారు. కొన్ని ప్రాథమిక విషయాలు అర్థం చేసుకోవడం ద్వారా మీ బ్యాటరీ జీవితాన్ని, భద్రతను కాపాడుకోవచ్చని నిపుణులు సూచిస్తున్నారు.
READ ALSO: Betting Apps : బెట్టింగ్ యాప్స్ కు మరో యువకుడు బలి
పూర్తిగా ఛార్జ్ చేయడం మంచిది కాదు..
ఆధునికమైన చాలా స్మార్ట్ఫోన్ల బ్యాటరీలు లిథియం-అయాన్ ఉంటున్నాయి. శాస్త్రీయంగా లిథియం-అయాన్ బ్యాటరీని పూర్తిగా ఖాళీ చేయడం లేదా పదే పదే పూర్తిగా ఛార్జ్ చేయడం మంచిది కాదని నిపుణులు హెచ్చరిస్తున్నారు. నిపుణుల అభిప్రాయం ప్రకారం.. బ్యాటరీని పూర్తిగా డిశ్చార్జ్ చేయడం అంటే, దానిని 0%కి తగ్గించడం వల్ల, దాని జీవితకాలం తగ్గుతుంది. కాబట్టి తక్కువ ఛార్జింగ్ ఉండకుండా చూసుకోవడం మంచిదని చెబుతున్నారు. చాలా మంది తమ ఫోన్ బ్యాటరీ పూర్తిగా ఖాళీ అయ్యే వరకు వాడుతుంటారని అలా చేయడం మంచిది కాదని హెచ్చరిస్తున్నారు. 100% ఛార్జింగ్ చేయడం వల్ల కూడా బ్యాటరీ దెబ్బతింటుందని సూచిస్తున్నారు. ఎక్కువసేపు 100% ఛార్జింగ్ చేయడం వల్ల ఫోన్లకు దీర్ఘకాలిక నష్టం జరుగుతుందని చెబుతున్నారు.
వీటిని ట్రై చేయండి..
మీ బ్యాటరీని 80% కి పరిమితం చేయడం బ్యాటరీ జీవితకాలం కోసం ఉత్తమంగా పరిగణించబడుతున్నప్పటికీ, నేటి స్మార్ట్ఫోన్లు ఈ నష్టాన్ని తగ్గించే అధునాతన బ్యాటరీ నిర్వహణ వ్యవస్థలను కలిగి ఉన్నాయి. అయితే ప్రతిరోజూ మీ ఫోన్ను ఎక్కువ సమయం 20% – 80% ఛార్జింగ్ మధ్య ఉంచడానికి ప్రయత్నించాలని నిపుణులు చెబుతున్నారు. ఫాస్ట్ ఛార్జింగ్ చుట్టూ చాలా చర్చలు జరుగుతున్నాయి. కొన్ని అధ్యయనాలు చాలా వేగంగా ఛార్జింగ్ చేయడం వల్ల బ్యాటరీపై ఒత్తిడి పెరుగుతుందని, అలాగే దాని జీవితకాలం తగ్గుతుందని సూచిస్తున్నాయి. అయితే అధిక-నాణ్యత ఛార్జర్లు, స్మార్ట్ బ్యాటరీ నిర్వహణ వ్యవస్థలు ఈ నష్టాన్ని చాలా వరకు నివారించగలవు. అంటే ఒరిజినల్ లేదా సర్టిఫైడ్ ఛార్జర్ని ఉపయోగిస్తుంటే ఫాస్ట్ ఛార్జింగ్ వల్ల పెద్దగా హాని జరగదు.
గేమింగ్ చేస్తున్నప్పుడు లేదా వీడియోలు చూస్తున్నప్పుడు మీ ఫోన్ను ఛార్జ్ చేయడం లేదా మీ మంచం మీద పడుకుని ఛార్జ్ చేయడం వల్ల మీ ఫోన్ వేడెక్కుతుందని నిపుణులు హెచ్చరిస్తు్న్నారు. దీని వల్ల బ్యాటరీ దెబ్బతినడమే కాకుండా మంటలు చెలరేగే ప్రమాదం కూడా పెరుగుతుందని వెల్లడించారు. కాబట్టి ఛార్జింగ్ చేస్తున్నప్పుడు మీ ఫోన్ను చల్లని, బహిరంగ ప్రదేశంలో ఉంచాలని సూచించారు. చాలా మంది చేసే మరో తప్పు ఏమిటంటే నకిలీ లేదా స్థానిక ఛార్జర్లను ఉపయోగించడం. ఈ ఛార్జర్లు వోల్టేజ్ను సరిగ్గా నియంత్రించవు, అలాగే సరైన భద్రతా సర్క్యూట్లను కలిగి ఉండవు. ఇది ఫోన్ బ్యాటరీని దెబ్బతీయడంతో పాటు విద్యుత్ షార్ట్ సర్క్యూట్ ప్రమాదాన్ని పెంచుతుందని హెచ్చరించారు.
ఈ ప్రమాదాలను తగ్గించడానికి వీలైనప్పుడల్లా మీ ఫోన్ను 80% ఛార్జింగ్ నుంచి అన్ప్లగ్ చేయాలని నిపుణులు చెబుతున్నారు. అలాగే మీ ఫోన్ను 0% ఛార్జింగ్కి పడిపోకుండా చూసుకోవానలి చెబుతున్నారు. మీ ఫోన్ను అసలైన ఛార్జర్ను మాత్రమే ఉపయోగించాలని, వేడెక్కకుండా నిరోధించడానికి ఛార్జింగ్ చేస్తున్నప్పుడు ఫోన్ వినియోగాన్ని పరిమితం చేయాలని సూచించారు. ఈ చిన్న మార్పులు ఫోన్ బ్యాటరీ జీవితకాలాన్ని పొడిగించడంతో పాటు భద్రతా ప్రమాదాలను తగ్గిస్తాయని నిపుణులు సూచించారు.
READ ALSO: Jubilee Hills By Election Polling: ఖాళీగా దర్శనమిస్తున్న వేణపుగోపాల్రావ్ నగర్ పోలింగ్ కేెంద్రం !