H-1B visa fees: హెచ్‌1-బీ వీసాలపై చార్జీల మోత..! భారీగా పెరగనున్నాయి..!

H-1B visa fees: అమెరికా వెళ్లి డాలర్లు సంపాదించాలని అందరూ కలలుగంటారు.. అయితే, తాజా నిర్ణయాలు చూస్తుంటే.. కొందరికి అది కలగానే మిగిలిపోతుందా? అనే అనుమానాలు కలుగుతున్నాయి.. ఎందుకంటే? అమెరికా ప్రభుత్వం తీసుకున్న నిర్ణయంతో వీసా చార్జీలు భారీగా పెరగనున్నాయి.. కొన్ని వీసాలపై 35 శాతం మేర చార్జీలు పెరగనుంటే.. మరికొన్నింటిపై ఏకంగా 200 శాతానికి పైగా పెరగబోతున్నాయి.. హెచ్‌1-బీ మరియు ఎల్‌ వంటి ఉపాధి ఆధారిత వీసాల కోసం దరఖాస్తు రుసుములను ప్రతిపాదిత యూఎస్‌ పౌరసత్వం మరియు ఇమ్మిగ్రేషన్ సర్వీసెస్ (USCIS) రుసుము నియమం ప్రకారం.. నిర్వహణ ఖర్చులను రికవరీ చేయడానికి మరియు కేసుల బ్యాక్‌లాగ్‌లను నిరోధించడానికి భారీగీ చార్జీలను పెంచాలని నిర్ణయం తీసుకుంది..

Read Also: Microsoft CEO Meet PM: ప్రధాని మోదీని కలిసిన మైక్రోసాఫ్ట్ సీఈవో సత్య నాదెళ్ల

కొత్త ప్రతిపాదన ప్రకారం, అధిక నైపుణ్యం కలిగిన కార్మికుల కోసం ఇచ్చే హెచ్‌-1బీ వీసాల దరఖాస్తు రుసుము 70 శాతం పెరిగి 780 డాలర్లకు చేరుకుంటుంది. హెచ్‌-1బీ వీసా పిటిషనర్లు కూడా ప్రీ-రిజిస్ట్రేషన్ ఫీజులో 215 డాలర్లు చెల్లించవలసి ఉంటుంది, ప్రస్తుతం ఆ రుసుము 10 డాలర్లుగా ఉంది. 2019లో, హెచ్‌-1బీ పిటిషన్‌ల కోసం ప్రతి లబ్ధిదారునికి డీహెచ్‌ఎస్‌ 10 డాలర్ల రిజిస్ట్రేషన్ ఫీజును ఏర్పాటు చేసింది. ప్రతిపాదిత నియమం ప్రకారం, అధిక నైపుణ్యం కలిగిన విదేశీ పౌరులను నియమించుకునే యజమానులు ఎల్‌-1 పిటిషన్‌లపై ఉద్యోగులకు 201 శాతం ఎక్కువ చెల్లిస్తారు. ఇది 460 డాలర్ల నుండి 1,385 డాలర్లకు పెరగనుంది.. మరియు వో-1 పిటిషన్‌లపై వ్యక్తులు 129 శాతం ఎక్కువ చెల్లించాలి. అంటే ఆ ఫీజు 460 డాలర్ల నుండి 1,055 డాలర్లకు పెరుగుతంది.

వ్యవసాయ కార్మికులకు జారీ చేసే హెచ్‌-2ఏ వీసాలను స్పాన్సర్ చేయడానికి ఫీజు 137 శాతం పెరగనుంది.. అంటే 460 డాలర్ల నుండి 1,090 డాలర్లకు చేరనుంది.. కాలానుగుణ మరియు వ్యవసాయేతర కార్మికులకు హెచ్-2బి వీసాల రుసుము 135 శాతం అంటే 460 శాతం నుంచి 1,080 డాలర్లకు పెరగనుంది. ఇప్పటికే అమెరికాలో ఉన్న వలసదారుల నుండి గ్రీన్ కార్డ్‌ల కోసం దరఖాస్తులు 35 శాతం పెరిగి 1,540 డాలర్లకు చేరుకుంటాయి. ఈబీ-5 వీసాల కోసం దరఖాస్తు రుసుములు 3,675 డాలర్ల నుంచి 11,160 డాలర్ల వరకు అంటే ఏకంగా 204 శాతం పెరగబోతున్నాయి..

కొత్త చార్జీలు, దాని నిర్వహణ ఖర్చులను పూర్తిగా తిరిగి పొందేందుకు, సకాలంలో కేసు ప్రాసెసింగ్‌ను పునఃస్థాపించడానికి మరియు నిర్వహించడానికి, భవిష్యత్తులో కేసుల బ్యాక్‌లాగ్‌లు పేరుకుపోకుండా నిరోధించడానికి అనుమతిస్తుందని USCIS మంగళవారం ఒక ప్రకటనలో పేర్కొంది. యూఎస్‌సీఐఎస్ తన నిధులలో సుమారుగా 96 శాతం ఫైలింగ్ ఫీజు నుండి పొందుతుంది. ప్రతి రెండు సంవత్సరాలకు ఒకసారి దాని ఇమ్మిగ్రేషన్ రుసుము నిర్మాణాన్ని సమీక్షించవలసి ఉంటుంది. అయితే ప్రస్తుత రుసుము షెడ్యూల్ ఆరు సంవత్సరాల క్రితం డిసెంబర్ 23, 2016 నుండి అమలులోకి వచ్చింది. కోవిడ్-19 ప్రారంభంతో కొత్త దరఖాస్తుల స్వీకరణ గణనీయంగా తగ్గింది, దీని ఫలితంగా ఏజెన్సీ ఆదాయంలో తాత్కాలికంగా 40 శాతం తగ్గుదల ఏర్పడింది.