Trump-Iran: ‘‘ట్రంప్.. నోర్మూయ్’’.. సీజ్‌ఫైర్‌ పొడిగింపుపై ఇరాన్ సెటైర్ వీడియో

ఇరాన్‌తో కాల్పుల విరమణ ఒప్పందాన్ని అమెరికా అధ్యక్షుడు ట్రంప్ నిరవధికంగా పొడిగించారు. పాకిస్థాన్ సూచన మేరకు ఈ నిర్ణయం తీసుకున్నట్లు ట్రంప్ ప్రకటించారు. అయితే హార్ముజ్‌పై దిగ్బంధం కొనసాగుతుందని పేర్కొన్నారు. దీంతో పశ్చిమాసియాలో అవే ఉద్రిక్తతలు కొనసాగుతున్నాయి.

అయితే తాజాగా ట్రంప్ ఏకపక్షంగా సీజ్‌ఫైర్ పొడిగించడాన్ని ఎగతాళి చేస్తూ ఇరాన్ మీడియా వ్యంగ్యం ఏఐ వీడియో రూపొందించింది. ఈ వీడియోలో చర్చల గదిలో ట్రంప్ తన ప్రతినిధులతో కూర్చుండగా.. ఇరాన్ వైపు కుర్చీలన్నీ ఖాళీగా ఉన్నాయి. ఎంతసేపటికి రాకపోవడంతో ట్రంప్ విసుకుచెంది అరుస్తుంటారు. ఇంతలో ఒకరు చీటీ తీసుకొచ్చాడు. దాంట్లో ‘‘ట్రంప్ నోర్మూయ్.’’ అని రాసుంది. దీంతో ట్రంప్ ఒక్కసారిగా షాకైనట్లుగా వీడియోలో కనిపించింది.

ఇరాన్‌తో ఏర్పడిన తాత్కాలిక కాల్పుల విరమణ ఒప్పందం బుధవారంతో ముగిసింది. అయితే గడువు ముగిసేలోపు శాంతి ఒప్పందం చేసుకోవాలని.. లేదంటే తీవ్ర పరిణామాలుంటాయని పదే పదే ట్రంప్ హెచ్చరికలు జారీ చేశారు. కానీ అమెరికాతో చర్చలకు ఇరాన్ ససేమిరా అంది. బెదిరిస్తే చర్చలు జరపబోమని తేల్చి చెప్పింది. కానీ విచిత్రంగా 24 గంటల ముందే ఏకపక్షంగా కాల్పుల విరమణ ఒప్పందాన్ని ట్రంప్ పొడిగించారు. కాల్పుల విరమణ ఒప్పందాన్ని నిరవధికంగా పొడిగిస్తున్నట్లు ట్రంప్ ప్రకటించారు. పాకిస్థాన్ అభ్యర్థన మేరకు పొడిగించినట్లు వెల్లడించారు. ఈ ప్రకటన అందర్నీ ఆశ్చర్యపరిచింది.

 

How was the ceasefire extended?
The video is getting viral in Iran. pic.twitter.com/UCldpWjZMO

— Iran In Hyderabad (@IraninHyderabad) April 22, 2026