Super-Duper El Nino: ఎల్నినోపై మరోసారి బిగ్ అలర్ట్.. ప్రపంచం ఎర్రగా మారుతోందని హెచ్చరిక
- ఎల్నినోపై మరోసారి బిగ్ అలర్ట్
- ప్రపంచం ఎర్రగా మారుతోందని హెచ్చరిక
- 2027 వరకు తీవ్ర వాతావరణ హెచ్చరికలు!
- Follow Us :
-
-
Add as a preferred
source on google
ప్రపంచ వాతావరణంపై మరోసారి ఆందోళనలు పెరుగుతున్నాయి. ఎల్నినో ప్రభావం వేగంగా తీవ్రతరం అవుతుండటంతో ప్రపంచవ్యాప్తంగా అధిక ఉష్ణోగ్రతలు, కరువులు, భారీ వర్షాలు, వరదల ముప్పు పెరగవచ్చని వాతావరణ నిపుణులు హెచ్చరిస్తున్నారు. అక్టోబర్-నవంబర్-డిసెంబర్ నెలల్లో ఎల్నినో గతంలో నమోదైన అత్యంత బలమైన ఘటనల స్థాయిని కూడా అధిగమించే అవకాశం ఉందని ఐక్యరాజ్యసమితికి చెందిన ప్రపంచ వాతావరణ సంస్థ (WMO) అంచనా వేసింది. ఉష్ణోగ్రత సాధారణం కంటే సుమారు 3.7 డిగ్రీల సెల్సియస్ అధికంగా ఉంటుందని అంచనాకు వచ్చింది. కొందరు నిపుణులు దీనిని ‘సూపర్-డూపర్ ఎల్నినో’గా అభివర్ణిస్తున్నారు.

Also Read
- US Iran Tensions: హార్ముజ్ జలసంధిపై అమెరికా LUCAS డ్రోన్ కూల్చివేసిన ఇరాన్!
- Bangladesh: ఢాకా ఎయిర్పోర్టు సమీపంలో బాంబు పేలుళ్లు.. షేక్ హసీనా రాకపై ఉత్కంఠ!
- Quad Summit: మోడీ ‘‘టఫ్ మ్యాన్’’.. ప్రధానిపై ట్రంప్ ప్రశంసలు!
- Kim Jong Un: ట్రంప్తో భేటీ వార్తలు.. స్టైల్గా సిగరెట్ తాగుతూ కిమ్ జోంగ్ ఉన్ ప్రత్యక్షం!
ప్రముఖ వాతావరణ శాస్త్రవేత్త ర్యాన్ మౌయే ప్రపంచ వాతావరణ పరిస్థితులను సూచించే ఓ మ్యాప్ను సోషల్ మీడియాలో పంచుకున్నారు. అందులో భూమిపై చాలా విస్తృత ప్రాంతాలు సాధారణం కంటే అధిక ఉష్ణోగ్రతల వైపు మొగ్గు చూపుతున్నట్లు ఎరుపు రంగులో కనిపించాయి. “భూమి దాదాపు మొత్తం ఎరుపు రంగులో ఉంది” అంటూ ఆయన వ్యాఖ్యానించారు. ఎల్నినో ప్రభావం శీతాకాలంలోనూ గరిష్ఠ స్థాయిలో కొనసాగవచ్చని, 2027 ఫిబ్రవరి వరకు దీని ప్రభావం ఉండే అవకాశం ఉందని పేర్కొన్నారు. మరో వాతావరణ శాస్త్రవేత్త జీక్ హౌస్ఫాదర్ కూడా పసిఫిక్ మహాసముద్రంలోని కీలక ప్రాంతంలో సముద్ర ఉపరితల ఉష్ణోగ్రతలు రికార్డు స్థాయికి చేరుతున్నాయని తెలిపారు.
ఎల్నినో ప్రభావాన్ని అంచనా వేయడంలో కీలకమైన మధ్య, తూర్పు ఉష్ణమండల పసిఫిక్ మహాసముద్రంలోని ‘నినో 3.4’ ప్రాంతంలో సముద్ర ఉపరితల ఉష్ణోగ్రతలు వేగంగా పెరుగుతున్నాయి. WMO తాజా అంచనాల ప్రకారం.. 2026 అక్టోబర్ నుంచి డిసెంబర్ మధ్య ఈ ప్రాంతంలో ఉష్ణోగ్రతలు సాధారణ స్థాయి కంటే సుమారు 3.7 డిగ్రీల సెల్సియస్ అధికంగా ఉండవచ్చు. డిసెంబర్ సమయంలో ఎల్నినో గరిష్ఠ స్థాయికి చేరే అవకాశం ఉందని సంస్థ పేర్కొంది. ఈ అంచనా గతంలో నమోదైన గరిష్ఠ స్థాయులను అధిగమించవచ్చని తెలిపింది.
ఎల్నినో ప్రభావం 2027 ఫిబ్రవరి వరకు కొనసాగేందుకు దాదాపు 100 శాతం అవకాశం ఉందని WMO అంచనా వేసింది. 1950 నుంచి నమోదైన అత్యంత బలమైన ఎల్నినో ఘటనల్లో ఇది ఒకటిగా నిలిచే అవకాశం ఉందని పేర్కొంది. ఎల్నినో అనేది పసిఫిక్ మహాసముద్రంలోని సముద్ర ఉపరితల ఉష్ణోగ్రతలు సాధారణం కంటే పెరిగే సహజ వాతావరణ పరిణామం. ఇది ప్రపంచవ్యాప్తంగా గాలి ప్రసరణ, ఉష్ణోగ్రతలు, వర్షపాత సరళులను ప్రభావితం చేస్తుంది. సాధారణంగా ప్రతి రెండు నుంచి ఏడేళ్లకు ఒకసారి ఈ పరిణామం చోటుచేసుకుంటుంది.
ఎల్నినో తీవ్రత పెరిగితే ప్రపంచంలోని అన్ని ప్రాంతాల్లో ఒకే రకమైన వాతావరణ పరిస్థితులు ఏర్పడవు. కొన్ని ప్రాంతాల్లో వర్షపాతం తగ్గి కరువు పరిస్థితులు ఏర్పడవచ్చు. మరికొన్ని ప్రాంతాల్లో భారీ వర్షాలు, వరదల ముప్పు పెరగవచ్చు. ఉష్ణోగ్రతలు పెరగడం వల్ల వేడి తరంగాల ప్రభావం కూడా తీవ్రమయ్యే అవకాశం ఉంది. భారత ఉపఖండంలోనూ సాధారణం కంటే తక్కువ వర్షపాతం నమోదయ్యే పరిస్థితులకు అవకాశం ఉందని WMO కాలానుగుణ అంచనాలు సూచిస్తున్నాయి. అయితే దేశంలోని ప్రతి ప్రాంతంపైనా ప్రభావం ఒకేలా ఉండదని, స్థానిక వాతావరణ పరిస్థితులు, ఇతర సముద్ర వాతావరణ పరిణామాలు కూడా ప్రభావం చూపుతాయని నిపుణులు స్పష్టం చేస్తున్నారు.
చికాగో విశ్వవిద్యాలయానికి చెందిన క్లైమేట్ ఇంపాక్ట్ ల్యాబ్ పరిశోధకులు గత నెలలో చేసిన ఒక అంచనా ప్రకారం.. ఈ ఏడాది తీవ్ర ఎల్నినో ప్రభావంతో 2026 జూన్ నుంచి 2027 ఫిబ్రవరి వరకు ప్రపంచవ్యాప్తంగా అదనంగా 4.51 లక్షల మరణాలు సంభవించే ప్రమాదం ఉందని పేర్కొన్నారు. అయితే ఇది పరిశోధకుల అంచనా మాత్రమే. వాస్తవంగా ఎంతమంది మరణిస్తారనే విషయం వాతావరణ ప్రభావం, ఆరోగ్య సేవలు, ప్రజల సంసిద్ధత, ప్రభుత్వాలు చేపట్టే నివారణ చర్యలపై ఆధారపడి ఉంటుంది.
ఎల్నినో సహజంగా ఏర్పడే పరిణామమే అయినప్పటికీ, ఇప్పటికే పెరుగుతున్న ప్రపంచ ఉష్ణోగ్రతలు, మానవ చర్యల వల్ల చోటుచేసుకుంటున్న వాతావరణ మార్పులు దాని ప్రభావాలను మరింత తీవ్రతరం చేయవచ్చని WMO హెచ్చరిస్తోంది. ఈ నేపథ్యంలో వ్యవసాయం, నీటి నిర్వహణ, ఆరోగ్య రంగం, విపత్తుల నివారణ వ్యవస్థలు ముందస్తు ప్రణాళికలు సిద్ధం చేసుకోవాల్సిన అవసరం ఉందని నిపుణులు సూచిస్తున్నారు. అయితే ఎల్నినో తీవ్రత ఎక్కువగా ఉన్నంత మాత్రాన ప్రతి ప్రాంతంలోనూ ప్రభావం అంతే తీవ్రంగా ఉంటుందని చెప్పలేమని WMO స్పష్టం చేస్తోంది. మొత్తంగా 2026 చివరి నెలల్లో ఎల్నినో మరింత బలపడే సూచనలు కనిపిస్తున్నాయి. 2027 ప్రారంభం వరకు దీని ప్రభావం కొనసాగవచ్చన్న అంచనాల నేపథ్యంలో ప్రపంచ దేశాలు వాతావరణ మార్పులకు సిద్ధంగా ఉండాల్సిన అవసరం ఏర్పడింది.
As forecasted 5 months ago, we’re going to need a bigger y-axis…
Super-duper El Niño it is… https://t.co/8X6FK2JTIK
— Leon Simons 🌍 (@LeonSimons8) September 30, 2026
తాజావార్తలు
-
Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
-
OTR: ఆలేరు కాంగ్రెస్ పార్టీలో వీధికెక్కిన కుమ్ములాటలు
-
Amala Akkineni: అక్కినేని కోడళ్లపై అమల ఆసక్తికర వ్యాఖ్యలు! అఖిల్ భార్యపై స్పెషల్ కామెంట్స్..
-
US Iran Tensions: హార్ముజ్ జలసంధిపై అమెరికా LUCAS డ్రోన్ కూల్చివేసిన ఇరాన్!
-
Indian Railways: సొంతూళ్లకు వెళ్లేవారికి రైల్వే గుడ్న్యూస్.. క్రిస్మస్, సంక్రాంతికి 6 ప్రత్యేక రైళ్ల పొడిగింపు!
-
Telangana Real Estate: రియల్ ఎస్టేట్ సంస్థలకు తెలంగాణ రెరా షాక్.. భారీ జరిమానాలు..
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!