Russia-Ukraine War: వేర్పాటువాదుల ఆధీనంలో ఉన్న ప్రాంతంలోని జైలుపై ఉక్రెయిన్ అమెరికా తయారు చేసిన హిమార్స్ రాకెట్లతో దాడి చేసిందని, 40 మంది ఉక్రెయిన్ యుద్ధ ఖైదీలు మరణించారని, 75 మంది గాయపడ్డారని రష్యా రక్షణ మంత్రిత్వ శాఖ తెలిపింది. ఈ క్రమంలో రష్యా మద్దతు గల వేర్పాటువాదుల ప్రతినిధి కీలక విషయాన్ని వెల్లడించారు. అయితే వీరంతా ఉక్రెయిన్ చేసిన బాంబు దాడి వల్లే చనిపోయారని చెప్పారు. 40 మంది ఉక్రేనియన్ యుద్ధ ఖైదీలను చంపినట్లు రష్యా ఆరోపించింది. ఒలెనివ్కా పట్టణంలోని జైలుపై ఉక్రెయిన్ బలగాలే బాంబు దాడి జరిపినట్లు వేర్పాటువాదుల ప్రతినిధి ఒకరు తెలిపారు. ఈ విషయంపై ఉక్రెయిన్ నుంచి ఎలాంటి ప్రతిస్పందన రాకపోవడం గమనార్హం.
Fire Accident: 15 అంతస్తుల భవనంలో భారీ అగ్నిప్రమాదం.. 8మంది మృతి
యుద్ధసమయంలో అజోవ్ ఓడరేవు, స్టీల్ మిల్లుకు రక్షణగా ఉన్న యోధులు రష్యాకు లొంగిపోయారు. దాదాపు 3 నెలల తర్వాత వారు రష్యాకు లొంగిపోవడంతో వారిని వేర్పాటువాద ప్రాంతాల్లోని జైళ్లలో బంధించారు. ఈ నేపథ్యంలో జైలుపై ఉక్రెయిన్ బాంబు దాడిలో ఆ దేశానికే చెందిన 40 మంది మృతి చెందినట్లు తెలుస్తోంది. ఈ దాడిలో మరో 75 మంది గాయపడ్డారు. ఎనిమిది మంది జైలు సిబ్బంది కూడా గాయపడ్డారు.