New Zealand: న్యూజిలాండ్‌ హాస్టల్ భవనంలో అగ్ని ప్రమాదం.. 10 మంది మృతి.. 11 మంది గల్లంతు

New Zealand: న్యూజిలాండ్‌లోని నాలుగు అంతస్తుల హాస్టల్ భవనంలో జరిగిన అగ్ని ప్రమాదంలో పది మంది మృతిచెందినట్లు తెలుస్తుంది. ఈ ప్రమాదంలో మృతుల సంఖ్య పెరిగే అవకాశం ఉందని అధికారులు చెబుతున్నారు. మరో 11 మంది గల్లంతైనట్లు తెలుస్తోంది. హాస్టల్‌లో 92 గదులు ఉన్నాయి. నిర్మాణ రంగానికి చెందిన వారు, ఆసుపత్రి సిబ్బంది, ఇతర రంగాలకు చెందిన వారు కూడా ఆ హాస్టల్‌లో ఉంటున్నారు. అగ్నిప్రమాదంలో తమ వస్తువులన్నీ పోయాయని కొందరు తెలిపారు. హాస్టల్‌లో 52 మంది ఉన్నట్లు తెలుస్తోంది. అగ్ని ప్రమాదంపై అనుమానాలున్నాయని అగ్నిమాపక, అత్యవసర అధికారులు చెబుతున్నారు. చాలా మంది బహిష్కృతులు ఆ హాస్టల్‌లో ఉంటున్నారని, చాలా మంది మిస్ అయినట్లు న్యాయవాది ఫిలిప్పా పెయిన్ చెప్పారు. అర్ధరాత్రి దాటిన తర్వాత లోఫర్స్ లాడ్జ్ పైఅంతస్తులో మంటలు చెలరేగాయని పేర్కొన్నారు. దీంతో స్థానిక సమాచారంతో ఫైర్ సిబ్బంది ఘటనా స్థలికి చేరుకుని మంటలను అదుపులో తీసుకువచ్చారని అన్నారు. కొందరిని కాపాడారని మరికొందరు గల్లంతైనట్లు తెలిపారు.

ప్రధానమంత్రి క్రిస్ హిప్కిన్స్ ఒక టెలివిజన్ షోతో మాట్లాడుతూ ఆరుగురు మరణించారని, మృతుల సంఖ్య 12 కంటే తక్కువగా ఉంటుందని పోలీసులు తెలిపారు. భవనంలో 92 గదులు ఉన్నాయని పోలీసులు తెలిపారు. భవనంలోకి ప్రవేశించేంత వరకు ఆ భవనం ఎంత సురక్షితంగా ఉందో వారికి తెలియదు. అంతేకాదు భవనం పైకప్పు కూలిపోయే ప్రమాదం ఉందన్నారు. అందులో ఇప్పటి వరకు 52 మంది ఉన్నట్లు గుర్తించారు. ఈ ప్రమాదంలో నష్టపోయిన వారందరికీ ఇది ఒక విషాదకరమైన సంఘటన అన్నారు. ప్రాణాలు కోల్పోయిన వారి కుటుంబాలకు నా హృదయపూర్వక సానుభూతి తెలియజేస్తున్నాను అని జిల్లా మేనేజర్ కమాండర్ నిక్ ప్యాట్ ఒక ప్రకటనలో తెలిపారు. వెల్లింగ్టన్‌లో ఒక దశాబ్దంలో అత్యంత ఘోరమైన అగ్నిప్రమాదమని. ఇది భయంకమైన ఓపీడకల అని ఆయన అన్నారు.
Sirivennela: సీతారామశాస్త్రి పై రెండు పుస్తకాలు!