Tucker: ఈ కుక్క ఏడాదికి రూ.8కోట్లు సంపాదిస్తుంది

Tucker: చాలా మంది తమ ఇళ్లలో కుక్కలను పెంచుకుంటారు. వారి పిల్లలతో పాటుగా శునకాలను పోషిస్తుంటారు. వాటికి చిన్న గాయమైన తట్టుకోలేదు. అంత ఇష్టం వారికి ఆ కుక్కలంటే.. వాటిని పోషణకు భారీగా ఖర్చు పెడతారు కూడా. యజమానుల డబ్బులను ఖర్చు చేసే కుక్కలున్నాయి.. కానీ, ఓ కుక్క తన యజమానినే కోటీశ్వరురాలిని చేసింది. నమ్మలేక పోతున్నా ఇది నిజం. ఆ కుక్క ఏడాదికి ఎనిమిది కోట్ల రూపాయలు సంపాదిస్తుంది. ఆ కుక్క కథేంటో తెలుసుకోవాలని ఉంది కదా.. వివరాల్లోకి వెళదాం..

Read Also:Kerala: కేరళలో విషాదం.. ఒకే ఇంట్లో లభించిన ఐదు మృతదేహాలు

అగ్రరాజ్యం అమెరికాలోని మిచిగాన్‌కు చెందిన బడ్జిన్ అనే మహిళ ఎనిమిది వారాల వయసున్న కుక్కకు సాదుకునేందుకు తెచ్చింది. ముద్దుగా దానికి టక్కర్( అని పేరుపెట్టింది. uckerbudzyn పేరుతో ఇన్‌స్టాగ్రామ్ బ్లాగ్ క్రియేట్ చేసి టక్కర్‌తో వీడియోలు చేయడం మొదలు పెట్టింది. ఒక నెల తర్వాత టక్కర్ వీడియోలు సోషల్ మీడియాలో వైరల్ అవడం స్టార్ అయ్యాయి. దీంతో ఆమె షాకైంది. ఈ పనేదే బాగుందే అని ఆమె అప్పటి నుంచి టక్కర్ వీడియోలను మరిన్ని అప్ లోడ్ చేయడం మొదలుపెట్టింది. ఆ వీడియోల ద్వారా ఆమెకు ఆదాయం రావడం మొదలైంది. ఇప్పుడు ఆ కుక్క ఆమెను మిలీనియర్ ను చేసేసింది. టక్కర్ సంవత్సరానికి దాదాపు 1 మిలియన్ డాలర్లు సంపాదిస్తోంది. అంటే మన ఇండియన్ కరెన్సీలో రూ. 8 కోట్ల, 28 లక్షలు.

Read Also:Ashwini Vaishnaw: పుష్కర్ సింగ్ ధామితో అశ్విని వైష్ణవ్.. కుల్ఫీ తింటూ చిక్కాడుగా..

యూట్యూబ్ యాడ్స్ ద్వారా కూడా ఈ కుక్క ఎక్కువగానే సంపాదిస్తోందట. ఓ యూట్యూబ్ ప్రకటనదారుడు టక్కర్‌కు 30 నిమిషాల ప్రీరోల్‌ కోసం 40-60వేల డాలర్ల చెల్లిస్తాడని టక్కర్ యజమాని కోర్ట్నీ బడ్జిన్ తెలిపారు. ఇక టక్కర్ సంపాదించడం మొదలుపెట్టినప్పటి నుంచి ఆ కుక్క యజమాని, ఆమె భర్త ఉద్యోగం మానేశారట. కేవలం దానిని చూసుకోవడమే ఓ పనిగా పెట్టుకున్నారట. ఇదంతా చూస్తుంటే ఉద్యోగాలు మానేసి ఓ కుక్కను పెంచుకోవాలని అనిపిస్తుంది కదా.