Israel Hamas War: చక్కెర రూ. 5000, ఆయిల్ రూ. 4000.. దుర్భరంగా గాజా ప్రజల పరిస్థితి..

Israel Hamas War: అక్టోబర్ 07, 2023లో ఏ క్షణాల హమాస్ ఉగ్రవాదులు ఇజ్రాయిల్ పై దాడి చేశారో అప్పటి నుంచి ఆ ఉగ్రసంస్థతో పాటు గాజాలోని ప్రజలు జీవితం దుర్భరంగా మారింది. గత ఏడాదిన్నర కాలంగా ఇజ్రాయిల్ హమాస్‌ అంతం కోసం గాజాపై దాడులు చేస్తూనే ఉంది. హమాస్ అక్టోబర్ 07 నాటి దాడుల్లో 1200 మందిని హతమార్చడంతో పాటు 250 మందిని బందీలుగా గాజా స్ట్రిప్‌లోకి తీసుకెళ్లింది. అప్పటి నుంచి ఇజ్రాయిల్ హమాస్ యుద్ధం మొదలైంది.

అయితే, ప్రస్తుతం గాజాలో ప్రజలు అత్యంత దారుణమైన పరిస్థితులను ఎదుర్కొంటున్నారు. ఇళ్లు, మసీదులు, స్కూళ్లు అన్నీ శిథిలాలుగా మారిపోయాయి. ప్రతీ రోజూ ప్రజలు ఆహారం కోసం ఎదురుచూడాల్సిన పరిస్థితి. పార్లే-జి బిస్కెట్ కి సంబంధించిన ధరలు ఇటీవల సోషల్ మీడియా పోస్టులో వైరల్‌గా మారింది. ఒక్క బిస్కెట్ ప్యాకెట్‌కి 24 యూరోలు, అంటే దాదాపుగా రూ. 2400. బిస్కెట్ల మాదిరిగానే గాజాలో నిత్యవసరాల ధరలు ఆకాశాన్ని అంటడం కాదు అంతకు మించి ఉన్నాయి.

* 1 కిలోగ్రాము చక్కెర: 200 షెకెల్ (సుమారు రూ. 4,914)
* 1 కిలోగ్రాము పాలపొడి: 35 షెకెల్ (సుమారు రూ. 860)
* 1 కిలోగ్రాము పిండి: 60 షెకెల్ (సుమారు రూ. 1,474)
* 1 కిలోగ్రాము ఉప్పు: 20 షెకెల్ (సుమారు రూ. 491)
* 1 కిలోగ్రాము ఓక్రా: 45 షెకెల్ (సుమారు రూ. 1,106)
* 1 కిలోగ్రాము బాతు మాంసం: 30 షెకెల్ (సుమారు రూ. 737)
* 1 కిలోగ్రాము టమోటాలు: 45 షెకెల్ (సుమారు రూ. 1,106)
* 1 కిలోగ్రాము ఉల్లిపాయలు: 180 షెకెల్ (సుమారు రూ. 4,423)
* 1 కిలోగ్రాము బంగాళాదుంపలు: 80 షెకెల్ (సుమారు రూ. 1,966)
* 1 కిలోగ్రాము వంకాయ: 35 షెకెల్ (సుమారు రూ. 860)
* 1 కిలోగ్రాము నిమ్మకాయ: 60 షెకెల్ (సుమారు రూ. 1,474)
* 1 కిలోగ్రాము పప్పులు: 35 షెకెల్ (సుమారు రూ. 860)
* 1 కప్పు కాఫీ: 180 షెకెల్ (సుమారు రూ. 4,423)
* 1 బాక్స్ మేక మాంసం: 200 షెకెల్ (సుమారు రూ. 4,914)