భారత ఐఏఎఫ్ చీఫ్ ఏపీ సింగ్ అమెరికాలో పర్యటించారు. ఏప్రిల్ 9న నెవాడాలోని నెల్లిస్ వైమానిక స్థావరాన్ని సందర్శించి.. అమెరికా వైమానిక దళ నాయకులతో సమావేశమయ్యారు. ఉమ్మడి విన్యాసాలు, పరస్పర కార్యాచరణపై చర్చించారు. ఇక పర్యటనలో భాగంగా అమెరికా యుద్ధ విమానం ఎఫ్15-ఎక్స్ ఈగిల్ ఫైటర్ జెట్లో ఏపీ సింగ్ ప్రయాణించారు. ఇందుకు సంబంధించిన ఫొటోలు తాజాగా వైరల్ అవుతున్నాయి.
ఎఫ్15-ఎక్స్ ఈగిల్..
F-15EX ఈగిల్-II అనేది అత్యంత అధునాతన వెర్షన్ కలిగిన యుద్ధ విమానం. F-15QA డిజైన్ ఆధారంగా తయారు చేశారు. డిజిటల్ ఫ్లై-బై-వైర్ నియంత్రణ వ్యవస్థ, టచ్-స్క్రీన్ ఇంటర్ఫేస్తో కూడిన ఆధునిక గ్లాస్ కాక్పిట్. APG-82 AESA రాడార్, జాయింట్ హెల్మెట్-మౌంటెడ్ క్యూయింగ్ సిస్టమ్ (JHMCS), EPAWSS స్వీయ-రక్షణ వ్యవస్థ వంటి ఫీచర్లను కలిగి ఉంది.
ఈ యుద్ధ విమానం ఓపెన్ మిషన్ సిస్టమ్ (OMS) సాఫ్ట్వేర్ను కలిగి ఉంది. సూట్ 9.1 సాఫ్ట్వేర్ కూడా ఉంది. ఇది పాత అప్గ్రేడ్ చేయబడిన విమానాల్లో సాధారణంగా ఉంటుంది. మునుపటి వెర్షన్లతో పోలిస్తే F-15EX అధిక వేగం. ఎక్కువ పరిధి, 29,500 పౌండ్ల వరకు పేలోడ్ సామర్థ్యం (రెండు అదనపు ఆయుధ కేంద్రాలతో సహా), తక్కువ నిర్వహణ ఖర్చులను అందిస్తుంది. అంతేకాకుండా US వైమానిక దళంలోని ఏ ఫైటర్ విమానానికైనా ఉన్నదానికంటే ఇది అత్యంత సుదీర్ఘమైన స్టాండ్-ఆఫ్ ఎయిర్-టు-ఎయిర్ స్ట్రైక్ పరిధిని కలిగి ఉంది.