ఎయిర్ ట్రాఫిక్ ను కంట్రోల్ చేయాల్సిన సిబ్బంది నైట్ డ్యూటీలో నిద్రపోయారు. దీంతో ఓ విమానం గంటసేపు గాల్లోనే తిరిగింది. వెంటనే ఫైర్ డిపార్ట్మెంట్ అప్రమత్తమై ట్రాఫిక్ కంట్రోల్ సిబ్బందికి సమాచారం అందించి.. విమానం సురక్షితంగా ల్యాండ్ అయ్యేలా చేశారు. దీంతో ప్రయాణీకులు, సిబ్బంది ఊపిరి పీల్చుకున్నారు.
పూర్తి వివరాల్లోకి వెళితే.. మంగళవారం రాత్రి పారిస్ నుంచి బయల్దేరిన ఓ ఫ్లైట్ఇటలీలోని అజాసియో ఎయిర్పోర్టులో ల్యాండ్ కావాల్సి ఉంది. అయితే ఫ్లైట్దిగే సమయంలో ఎయిర్ ట్రాఫిక్ కంట్రోలర్ లైన్క్లియర్ మెసేజ్ఇవ్వాల్సి ఉంది. కానీ ఎయిర్ పోర్టు టవర్ నుంచి ఎలాంటి స్పందనా లేకపోవడంతో పైలట్విమానాన్ని కిందకు దించలేకపోయాడు. ఎయిర్ ట్రాఫిక్ను కంట్రోల్చేయాల్సిన సిబ్బంది నైట్డ్యూటీలో నిద్రపోవడంతో ఓ విమానం దాదాపు గంటసేపు గాల్లోనే చక్కర్లు కొట్టాల్సి వచ్చింది.
రన్వేపై ల్యాండింగ్కు అనుమతి రాకపోవడంతో పైలట్ విమానాన్ని గాల్లోనే గంటపాటు ఉంచాల్సి వచ్చింది. దీంతో ఎయిర్పోర్టు ఫైర్ డిపార్ట్మెంట్ సిబ్బంది అప్రమత్తమై ఎయిర్ ట్రాఫిక్ కంట్రోల్ రూమ్కు వెళ్లి చూడడంతో.. అక్కడ ఉన్న సిబ్బంది గాఢ నిద్రలోకి జారుకున్నారు. అనంతరం వారిన నిద్రలేపి రన్వేపై లైట్లను ఆన్చేసి ఫ్లైట్ల్యాండింగ్కు అనుమతి ఇచ్చారు. విమానం సురక్షితంగా ల్యాండ్అవడంతో ప్రయాణీకులు, సిబ్బంది ఊపిరి పీల్చుకున్నారు.