Russia-Ukraine War: రష్యాకు ఎదురుదెబ్బ.. 3,500 మంది సైనికులు మృతి

ఓవైపు చర్చలు అంటూనే మరోవైపు ఉక్రెయిన్‌ను మొత్తం స్వాధీనం చేసుకునే విధంగా ముందుకు కదులుతుంది రష్యా.. ఈ నేపథ్యంలోనే ఉక్రెయిన్‌ అధ్యక్షుడు పరిపోయినట్టు వార్తలు వచ్చినా.. తాను ఎక్కడి పోలేదు.. ఇక్కడే ఉన్నా.. పోరాటం చేస్తా.. తనకు ఆయుధాలు కావాలంటూ ఓ వీడియో విడుదల చేశారు. అయితే, ఉక్రెయిన్‌లో రష్యా బలగాలు అంత సులువుగా ముందుకు సాగిపోతున్న పరిస్థితి ఏమీ లేనట్టుగా తెలుస్తోంది.. ఉక్రెయిన్‌ ఎదురుదాడిలో ర‌ష్యాకు కూడా భారీ న‌ష్టమే జరుగుతోంది..

Read Also: Helicopter Crash: నల్గొండలో కుప్పకూలిన హెలికాప్టర్..

ఇప్పటి వ‌ర‌కు సుమారు 3,500 మంది ర‌ష్యా సైనికులు చనిపోయారని ఉక్రెయిన్ ఆర్మీ సోషల్‌ మీడియా వేదికగా వెల్లడించింది.. అంతే కాదు.. మ‌రో 200 మంది ర‌ష్యా సైనికుల్ని అందుపులోకి తీసుకున్నామని పేర్కొంది.. మరో 14 విమానాల‌ను, 8 హెలికాప్టర్లను, 102 యుద్ధ ట్యాంక్‌ల‌ను కూడా ర‌ష్యా కోల్పోయిందని ఉక్రెయిన్ ఆర్మీ తెలిపింది. కానీ, దీనిపై రష్యా నుంచి మాత్రం ఎలాంటి ప్రకటన రాలేదు. ఈ వార్తల్లో నిజం ఎంత ఉంది అనేది తెలియాల్సి ఉంది. మరోవైపు.. రష్యా రక్షణ శాఖపై సైబర్‌ ఎటాక్‌ జరిగిందని.. సైనికులతో పాటు ఇతర రక్షణశాఖ ఉద్యోగులకు సంబంధించిన సమాచారాన్ని మొత్తం హ్యాక్‌ చేశారనే ప్రచారం సాగినా.. ఆ వార్తలను రష్యా రక్షణ శాఖ ఖండించిన విషయం తెలిసిందే.