బడ్జెట్లో ఊరట.. కమర్షియల్ సిలిండర్ ధర తగ్గింపు
నిర్మలమ్మ బడ్జెట్లో ఊరట కలిగించే అంశం ఏదైనా వుందంటే అది గ్యాస్ సిలిండర్ ధర తగ్గించడమే అంటున్నారు. కమర్షియల్ గ్యాస్ సిలిండర్ ఉపయోగించే వారికి కాస్త ఊరట లభించింది. వాణిజ్య సిలిండర్ ధరను రూ.91 తగ్గించాయి చమురు మార్కెటింగ్ సంస్థలు. దీంతో దేశ రాజధానిలో రూ.2000కుపైగా ఉన్న ఈ సిలిండిర్ ధర రూ.1907కు దిగొచ్చింది.
సవరించిన ధరలు మంగళవారం ఉదయం నుంచే అమల్లోకి వచ్చినట్లు చమురు మార్కెటింగ్ సంస్థలు ఇప్పటికే ప్రకటించాయి. కమర్షియల్ సిలిండర్ ధర తరచూ పెరగడం వల్ల చిన్న వ్యాపారస్థులు, హెటల్స్, రెస్టారెంట్ నిర్వాహకులపై భారం పెరుగుతూ వస్తోంది. టిఫిన్ ధరలు గిట్టుబాటు కావడం లేదని వ్యాపారులు వాపోతున్న వేళ కేంద్రం నిర్ణయించడంపై హర్షం వ్యక్తం అవుతోంది.
సామాన్యులు వాడే డొమెస్టిక్ సిలిండర్ ధర కూడా తగ్గించాలని కోరుతున్నారు. ఇదిలా వుంటే విమాన ఇంధనం ఏటీఎఫ్ ధరను రికార్డు స్థాయిలో 8.5శాతం పెంచాయి చమురు మార్కెటింగ్ సంస్థలు. దీంతో ఢిల్లీలో కిలో లీటర్ ఏటీఎఫ్ ధర రూ. 6,743 పెరిగి 86,038కి పెరిగింది. ఏటీఎఫ్ చరిత్రలో ఇదే అత్యధిక ధర అంటున్నారు.