‘వైల్డ్ డాగ్’ తెలుగు టాప్ లో… తమిళం ఐదులో…

నాగార్జున నటించిన లేటెస్ట్ మూవీ ‘వైల్డ్ డాగ్’. వాస్తవ సంఘటనలు ఆధారంగా చేసుకుని తెరకెక్కించిన ఈ సినిమా విమర్శకుల ప్రశంసలు పొందింది. అయితే బాక్సాఫీస్ దగ్గర మాత్రం యావరేజ్ గా నిలిచిన ఈ సినిమా ప్రస్తుతం నెట్ ప్లిక్స్ లో స్ర్టీమ్ అవుతోంది. అయితే డిజిటల్ లో ఈ సినిమాకు చక్కటి రెస్పాన్స్ లభిస్తోందట. ఇదే విషయాన్ని నెట్ ఫ్లిక్స్ టీమ్ అధికారికంగా ప్రకటించింది. ‘వైల్డ్ డాగ్’కు తక్కువ టైమ్ లో రికార్డ్ వ్యూస్ వచ్చాయట. దక్షిణాది నాలుగు భాషలలోనూ మంచి వ్యూస్ వచ్చినట్లు తెలుపుతూ ఈ సినిమా దక్షిణాది రికార్డ్ ను బద్దలు కొట్టినట్లు చెబుతోంది నెట్ ఫ్లిక్స్ టీమ్. ఇక తెలుగు వర్షన్అయితే ఇండియా మొత్తం మీద టాప్ లో ఉందట. తమిళ వర్షన్ కూడా ఐదో స్థానంలో ఉన్నట్లు చెబుతోంది టీమ్. నాగార్జున ఎన్.ఐ.ఎ ఏజెంట్ విజయ్ వర్మగా నటించి ‘వైల్డ్ డాగ్’కు అహిషోర్ సోలోమన్ దర్శకుడు కాగా నిరంజన్ రెడ్డి మ్యాట్నీ ఎంటర్ టైన్ మెంట్ పతాకంపై నిర్మించారు.