China: సినిమా హీరోలా? సైన్స్ వీరులా? ప్రపంచానికి కళ్లు తెరిపించిన చైనా
- Follow Us :
-
-
Add as a preferred
source on google
సినిమా హీరోల కోసం కొట్టుకు చచ్చే దేశంలో.. రాజకీయ నాయకుల కోసం సోషల్మీడియాలో ఇతరులను బూతులు తిట్టే దేశంలో..మన జీవితాలను మార్చే శాస్త్రవేత్తల గురించి మాత్రం ఎంతమందికి తెలుసు? తెరపై కనిపించే హీరోల కోసం ఎగబడే మనం.. ఆకలిని తీర్చే, ప్రాణాలను కాపాడే, అంతరిక్ష రహస్యాలను ఛేదించే అసలైన హీరోలను ఎంతవరకు గుర్తుపెట్టుకుంటున్నాం? ఇండియా సంగతి ఏమో కానీ భారత్ సరిహద్దున ఉన్న చైనా మాత్రం ప్రపంచానికి కళ్లు తెరిపించింది. ఇంతకీ చైనా ఏం చేసింది?
ప్రపంచం దృష్టిని ఆకర్షించడానికి ఈ రోజుల్లో చాలామంది ఇన్ఫ్లుయెన్సర్లగా, సెలబ్రిటీలగా మారడానికి చాలానే కష్టపడుతున్నారు. అలా మారిన తర్వాత వాళ్లని జనాలు నెత్తిన పెట్టుకోవడంతో హీరో వర్షిప్ కల్చర్ బాగా పెరిగిపోయింది. అయితే చైనాలోని కొన్ని నగరాలు మాత్రం ఇప్పుడు మరో అందమైన ఆలోచనను మన ముందుకు తీసుకొస్తున్నాయి.
భారీ ప్రకటనల స్క్రీన్లపై సినిమా తారల స్థానంలో శాస్త్రవేత్తల ఫొటోలు కనిపిస్తున్నాయి. అంతరిక్షాన్ని చేరాలనే కలను నిజం చేసిన శాస్త్రవేత్తలు, కోట్లాది మందికి ఆహారం అందించే పరిశోధనలు చేసిన వ్యవసాయ నిపుణులు, ప్రాణాలను కాపాడే మందుల కోసం జీవితాన్ని అంకితం చేసిన పరిశోధకులు ఇప్పుడు నగరాల నడిబొడ్డున కనిపిస్తున్నారు. ఎందుకంటే ఒకరి అందం కళ్లను ఆకర్షించవచ్చు కానీ ఒకరి ఆలోచన ప్రపంచాన్నే మార్చగలదు.
Also Read
- Marriages: "పెళ్లి వద్దు.. సింగిల్ లైఫే బెటర్".. యువత పెళ్లికి ఎందుకు దూరంగా ఉంటోంది? 4 ప్రధాన కారణాలివే..
- International Men's Day: "నువ్వు మగాడివి.. ఏడవకూడదు".. నవ్వుతూ కనిపించే ప్రతి పురుషుడి వెనుక ఓ కన్నీటి గాథ..
- Iran vs America: ఇరాన్ డర్టీ బాంబ్.. అమెరికాలో అలెర్ట్!
- El Nino: 1997ను మించిన విధ్వంసం.. నాసా బిగ్ వార్నింగ్
ఈ ప్రయత్నం 2026 ఆగస్టులో చైనాలోని షాండాంగ్ ప్రావిన్స్లో మొదలైంది. అక్కడి హేజె నగరంలో ఖాళీగా ఉన్న ప్రకటనల స్థలాలను శాస్త్రవేత్తల చిత్రాల కోసం ఉచితంగా ఉపయోగించారు. ప్రజలు ఆ చిత్రాలను ఫొటోలు తీసి సోషల్ మీడియాలో పంచుకున్నారు.
అలా మొదలైన ఆలోచన మరిన్ని నగరాలకు విస్తరించింది. చివరకు హాంగ్జౌలోనూ ఈ చిత్రాలు కనిపించాయి. ఆ ఫొటోల్లోని ప్రతి ఒక్కరి కథ ఒక కొత్త ప్రపంచానికి తలుపులు తెరుస్తుంది. కియాన్ ష్యూసెన్ చైనా అంతరిక్ష పరిశోధనలకు పునాదులు వేయడంలో కీలక పాత్ర పోషించారు. యువాన్ లాంగ్పింగ్ హైబ్రిడ్ వరి అభివృద్ధితో ఆహార ఉత్పత్తిని పెంచేందుకు కృషి చేశారు. తు యూయూ మలేరియా చికిత్సకు ఉపయోగపడే ఆర్టెమిసినిన్ పరిశోధనతో నోబెల్ బహుమతిని అందుకున్నారు. నాన్ రెన్డాంగ్ నాయకత్వంలో విశ్వం నుంచి వచ్చే రేడియో సంకేతాలను అధ్యయనం చేసే ఫాస్ట్ టెలిస్కోప్ రూపుదిద్దుకుంది. వీరి ప్రయాణాల్లో ఒక విషయం ఉమ్మడిగా కనిపిస్తుంది. తమ కృషి వల్ల మరొకరి జీవితం మెరుగుపడాలనే లక్ష్యం.
సోషల్ మీడియాలో చైనీయులు ఈ శాస్త్రవేత్తలను నిజమైన స్టార్లుగా పిలుస్తున్నారు. ఎప్పుడూ సెలబ్రిటీల గురించే మాట్లాడే ప్రపంచంలో, మన జీవితాలను మెరుగుపరిచిన వ్యక్తుల గురించి కూడా తెలుసుకోవాలనే ఆసక్తి కనిపిస్తోంది. ఈ ఆలోచన భారత్లోనూ చర్చకు వచ్చింది.
పారిశ్రామికవేత్త హర్ష్ గోయెంకా మన ప్రకటన బోర్డులపై కనిపించే రాజకీయ నాయకులు, సినీ ప్రముఖులతో చైనాలోని ఈ ప్రయత్నాన్ని పోల్చారు. కోవాగ్జిన్ వంటి స్వదేశీ కోవిడ్ టీకా వెనుక పనిచేసిన శాస్త్రవేత్తల పేర్లు ఎంతమందికి తెలుసనే ప్రశ్న కూడా ముందుకొచ్చింది. ఒకసారి ఆలోచించండి. ఒక చిన్నారి భారీ స్క్రీన్పై రాకెట్ సైంటిస్టును చూస్తే, తనూ అంతరిక్షంలోకి వెళ్లాలని కల కనవచ్చు. మరో చిన్నారి మందుల కోసం పరిశోధనలు చేసే శాస్త్రవేత్తను చూసి ప్రాణాలను కాపాడే పని చేయాలని అనుకోవచ్చు. ఆ చిన్న ఆలోచన రేపు ఒక పెద్ద ఆవిష్కరణకు మొదటి అడుగు కావచ్చు. పిల్లలకు మనం చూపించే ప్రపంచం వారి కలలకు హద్దులు వేయవచ్చు, కొత్త దారులు కూడా చూపించవచ్చు. ఈ ప్రచారం ఎంతకాలం కొనసాగుతుందో ఇంకా స్పష్టంగా తెలియదు. ప్రకటనల ఆదాయం, సోషల్ మీడియాలో ఎక్కువ వ్యూస్ పొందే కంటెంట్ కోసం జరిగే పోటీ ఇలాంటి ప్రయత్నాలకు సవాళ్లు విసురుతున్నాయి. అయినప్పటికీ, చైనా నగరాల్లో కనిపిస్తున్న ఈ దృశ్యాలు మనకు ఒక విలువైన విషయాన్ని గుర్తుచేస్తున్నాయి.
ప్రతి ఒక్కరికీ పేరు రావాల్సిన అవసరం లేదు. కానీ మనం చేసే పని మరొకరి జీవితంలో వెలుగును నింపగలదు. ఒక పరిశోధన ఆకలిని తగ్గించవచ్చు. ఒక ఆవిష్కరణ ప్రాణాలను కాపాడవచ్చు. ఒక కొత్త ఆలోచన భవిష్యత్తును మార్చవచ్చు. ప్రపంచం మనల్ని ఎంతసేపు చూస్తుందన్నదానికంటే, మన వల్ల ప్రపంచానికి ఎంత మేలు జరిగిందన్నదే చివరికి ముఖ్యం. ఎందుకంటే నిజమైన స్ఫూర్తి తెరపై కనిపించే ఒక ముఖంతో మొదలై, వేలమంది జీవితాల్లో వెలుగుగా కొనసాగుతుంది.
తాజావార్తలు
-
Royal Enfield బైక్ లవర్స్కు క్రేజీ న్యూస్.. 10 ఏళ్ల వారంటీ.. ఎక్స్ట్రా ఖర్చు లేకుండానే..!
-
Chiranjeevi-Megaverse: ‘మెగావర్స్’లో స్టార్ హీరోల సందడి.. ప్రభాస్, పవన్, చరణ్.. లిస్ట్ ఇంకా పెద్దదే!
-
HanuMan 2 : టాలీవుడ్లో బిగ్గెస్ట్ సర్ప్రైజ్.. తేజ సజ్జా కాదు ‘హను-మాన్ 2’లోకి మెగా హీరో ఎంట్రీ?
-
Mayukha : ఓటీటీలోకి వచ్చేసిన సైకలాజికల్ థ్రిల్లర్ ‘మయూఖ’.. కానీ ఒక్క కండిషన్?
-
New York Accident: ఉన్నత చదువుల కోసం అమెరికా వెళ్లి.. ఉద్యోగం సాధించిన వారానికే మృత్యుఒడికి..
ట్రెండింగ్
-
Hero Splendor+ బైక్ ధరలు పెంపు.. అన్ని వేరియంట్లపై భారీగా పెరిగిన రేట్లు.. కొత్త ధరలు ఇవే!
-
Ball Tampering Scandal: కమిన్స్ను కెప్టెన్సీ నుంచి తప్పిస్తే గుడ్బై చెబుతా?.. ఆసీస్ పేసర్ సంచలన వ్యాఖ్యలు!
-
Gold Purity: హాల్మార్క్ గోల్డ్లోనూ కల్తీ.. యంత్రాలకు కూడా దొరకని విధంగా ‘రేడియం పౌడర్’ మిక్స్..
-
IND vs PAK: పాకిస్థాన్తో మ్యాచ్ మాకో లెక్కే కాదు.. టీమిండియా కెప్టెన్ హాట్ కామెంట్స్..!
-
World Television Day 2026: బ్లాక్ అండ్ వైట్ నుంచి స్మార్ట్ టీవీ వరకు.. ఆసక్తికర ప్రయాణం.!