Smuggling Racket: విజయవాడ కేంద్రంగా బంగారం స్మగ్లింగ్.. అంతర్జాతీయ స్మగ్లింగ్ ముఠా గుట్టురట్టు
- Follow Us :
-
-
Add as a preferred
source on google
Smuggling Racket: విదేశాల నుంచి అక్రమంగా బంగారం తరలిస్తూ, విదేశీ కరెన్సీని చేతులు మారుస్తున్న ఓ అంతర్జాతీయ స్మగ్లింగ్ ముఠా గుట్టును డైరెక్టరేట్ ఆఫ్ రెవెన్యూ ఇంటెలిజెన్స్ (డీఆర్ఐ) అధికారులు రట్టు చేశారు. విజయవాడ కేంద్రంగా సాగిన ఈ భారీ ఆపరేషన్లో సుమారు రూ. 5.84 కోట్ల విలువైన విదేశీ బంగారం, విదేశీ కరెన్సీని స్వాధీనం చేసుకుని, ఐదుగురు నిందితులను అరెస్ట్ చేశారు. పక్కా సమాచారంతో రంగంలోకి.. బంగ్లాదేశ్ సరిహద్దుల గుండా విదేశీ బంగారాన్ని కోల్కతా మీదుగా హైదరాబాద్కు తరలిస్తున్నట్లు అధికారులకు కచ్చితమైన సమాచారం అందింది. దీంతో హైదరాబాద్ జోనల్ యూనిట్ (HZU), విజయవాడ రీజినల్ యూనిట్ (RU) అధికారులు సంయుక్తంగా రంగంలోకి దిగారు. విజయవాడ శివార్లలో నిఘా పెట్టి అనుమానాస్పదంగా వస్తున్న ఓ స్కార్పియో వాహనాన్ని అడ్డుకున్నారు.
రహస్య అరలో విదేశీ నోట్ల కట్టలు స్కార్పియోను క్షుణ్ణంగా తనిఖీ చేయగా, అందులోని ఓ రహస్య అరలో భారీగా విదేశీ కరెన్సీ బయటపడింది. వాహనంలో ఉన్న ఇద్దరు వ్యక్తులను అదుపులోకి తీసుకుని విచారించగా విస్తుపోయే నిజాలు వెలుగుచూశాయి. విజయవాడ శివార్లలోనే బంగారాన్ని డెలివరీ చేశామని, దొరికిన కరెన్సీ ఆ బంగారం అమ్మగా వచ్చిన మొత్తమని వారు అంగీకరించారు. వారి నుంచి 60,000 అమెరికన్ డాలర్లు, 21,500 యూరోలను అధికారులు స్వాధీనం చేసుకున్నారు.
Also Read
- Thailand Phuket Fire Accident: థాయ్లాండ్లో ఘోర అగ్నిప్రమాదం.. 11 మంది మృతి, 17 మందికి గాయాలు!
- Vizag Crime: ఇన్స్టా పరిచయంతో ఇంట్లోకి ఎంట్రీ.. బంగారం, వజ్రాల నగలతో పరారీ..!
- Eagle Force: నిషేధిత ఈ-సిగరెట్ల అక్రమ దందా గుట్టురట్టు.. సప్లై నెట్వర్క్ ఛేదించిన ఈగల్ ఫోర్స్!
- కేపీహెచ్బీ కుటుంబం ఆత్మహత్య కేసులో కీలక మలుపు.. సమత డైరీలో ఏముంది?
ఆర్టీసీ బస్సులో బంగారం తరలింపు.. టోల్ప్లాజా వద్ద పట్టివేత నిందితులు ఇచ్చిన సమాచారంతో అధికారులు వెంటనే అప్రమత్తమయ్యారు. బంగారం తీసుకుని హైదరాబాద్ వైపు ఆర్టీసీ బస్సులో ప్రయాణిస్తున్న ముగ్గురు క్యారియర్లను గుర్తించారు. మార్గమధ్యంలోని ఓ టోల్ప్లాజా వద్ద బస్సును అడ్డుకుని వారిని అదుపులోకి తీసుకున్నారు. వారి నడుముకు కట్టుకున్న పౌచ్లను పరిశీలించగా.. ఒక్కొక్కటి సుమారు కేజీ బరువున్న మూడు విదేశీ మార్కు బంగారు బిస్కట్లు (మొత్తం 3,147.1 గ్రాములు) లభ్యమయ్యాయి. ఈ ఆపరేషన్లో పట్టుబడిన మొత్తం బంగారం, విదేశీ కరెన్సీ విలువ మార్కెట్లో సుమారు రూ. 5.84 కోట్లు ఉంటుందని అధికారులు నిర్ధారించారు. బంగారం కొనుగోలు, రవాణాలో కీలక పాత్ర పోషించిన ఐదుగురు నిందితులను అరెస్ట్ చేసి న్యాయమూర్తి ఎదుట హాజరుపరచగా, న్యాయస్థానం వారికి జ్యుడీషియల్ రిమాండ్ విధించింది. ఈ ముఠా వెనుక ఉన్న ప్రధాన సూత్రధారులెవరనే కోణంలో దర్యాప్తు వేగవంతం చేశారు.
తాజావార్తలు
-
India Summit Row: రాహుల్ గాంధీకి కిరణ్ రిజిజు ఏడు సూచనలు.. “బీజేపీని శత్రువుగా చూడొద్దు” అంటూ హితవు!
-
Kapildev: టెస్ట్ క్రికెట్కు వీడ్కోలు పలికి ఈ ఇద్దరు దిగ్గజాలు పెద్ద తప్పు చేశారు..
-
Imran Khan: ‘‘ప్రాణాలతో తిరిగి రాకపోవచ్చు’’.. నిస్సహాయ స్థితిలో ఇమ్రాన్ ఖాన్ లేఖ!
-
Love Story: అనిరుధ్ మామ కళానిధి మారన్ ప్రేమ కథ తెలుసా?
-
INDIA Bloc: ఎన్నికల సంఘానికి 48 ప్రశ్నలు.. సుప్రీంకోర్టులో INDIA కూటమి పిటిషన్!
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!