డ్యాన్సర్ ఫాతిమా కేస్.. అసలు విషయం చెప్పిన పోలీసులు

హైదరాబాద్ ఫలక్ నుమాలో ఓ డ్యాన్సర్ అనుమానాస్పదంగా మరణించిన కేసులో కీలక విషయాలు వెలుగులోకి వచ్చాయి. ఫలక్ నుమా పోలీస్ స్టేషన్ పరిధిలో డ్యాన్సర్ అనుమానాస్పద మృతి కేసు హత్య కేసుగా మార్చారు పోలీసులు. ఐపీసీ 302 కింద కేసు నమోదు చేసిన ఫలక్ నుమా పోలీసులు. డాన్సర్ పై రేప్ జరిగిందని, అర్ధ నగ్నంగా పడి ఉందంటూ వస్తున్న వార్తల్లో వాస్తవం లేదన్నారు పోలీసులు.

READ ALSO ఫలక్‌నుమాలో దారుణం.. డ్యాన్సర్ గ్యాంగ్ రేప్?

డ్యాన్సర్ ఫాతిమా కొద్దిరోజుల క్రితమే పూల్‌భాగ్ నుండి ముస్తఫానగర్ కు మారింది. డ్యాన్సర్ ఫాతిమా గొంతుకు గాయాలు ఉన్నాయి. గొంతుకు చున్నీతో లాగి హత్య చేసినట్లుగా తెలుస్తోందని పోలీసులు తెలిపారు. డ్యాన్సర్ తన ఇంట్లో నిర్జీవంగా పడి ఉన్న సమాచారం డయల్ 100 కు వచ్చిందని పోలీసులు వెల్లడించారు. దీనిపై క్షుణ్ణంగా దర్యాప్తు చేస్తున్నామన్నారు. సాయంత్రంలోగా నిందితుడిని పట్టుకుంటామన్నారు.