Zomato: ఫుడ్ లవర్స్కు జొమాటో షాక్.. ఇకపై ఇలా చేస్తే జేబు ఖాళీ!
- Follow Us :
-
-
Add as a preferred
source on google
Zomato: ఆన్లైన్లో ఫుడ్ ఆర్డర్ చేసే నెటిజన్ల జేబులకు చిల్లు పెట్టే సరికొత్త ఎత్తుగడకు ప్రముఖ ఫుడ్ డెలివరీ దిగ్గజం జొమాటో (Zomato) శ్రీకారం చుట్టింది. ఇప్పటికే డెలివరీ ఛార్జీలు, రెస్టారెంట్ ప్యాకేజింగ్ ఫీజులు, ప్లాట్ఫామ్ ఫీజులు, జీఎస్టీల పేరుతో వినియోగదారులను పిండేస్తున్న కంపెనీ.. ఇప్పుడు ఏకంగా నగదు చెల్లింపులపై కూడా పన్ను మోత మొదలుపెట్టింది. క్యాష్-ఆన్-డెలివరీ ఆర్డర్ (COD) చేసే కస్టమర్లపై ప్రత్యేకంగా అదనపు బాదుడు విధించడం మొదలుపెట్టి షాక్ ఇచ్చింది. సాధారణంగా ఆన్లైన్ మోసాలకు భయపడో, ముందస్తు చెల్లింపులు ఇష్టం లేకో చాలామంది క్యాష్-ఆన్-డెలివరీ ఆప్షన్ను ఎంచుకుంటారు. అయితే ఇకపై ఇలా ఆర్డర్ చేసే వారి బిల్లుల్లో “పే ఆన్ డెలివరీ ఫీజు” పేరిట సరికొత్త ఛార్జీని జొమాటో యాడ్ చేస్తోంది. ఆర్డర్ విలువ, యూజర్, లోకేషన్ను బట్టి ఈ ఛార్జీ ఒక్కో చోట ఒక్కోలా కనిపిస్తోంది. దీనికి సంబంధించి ఇప్పటి వరకు సంస్థ నుంచి ఎలాంటి అధికారిక ప్రకటన బయటికి రాలేదు. అయితే తీవ్రమైన పోటీ ఉన్న స్విగ్గీ వంటి సంస్థలు ఇప్పటికీ సీవోడీపై ఎలాంటి అదనపు రుసుము వసూలు చేయకపోవడం గమనార్హం.
చిన్న రుసుము.. వందల కోట్ల లాభం
కస్టమర్ దృష్టిలో చూస్తే ఒక్క ఆర్డర్పై రూ.5 లేదా రూ.10 పెద్ద విషయంగా అనిపించకపోవచ్చు. కానీ జొమాటో సామ్రాజ్యం ముందు ఈ చిన్న మొత్తం కళ్లు చెదిరే లాభాలను తీసుకొస్తుంది. గణాంకాల ప్రకారం జొమాటో ప్రతిరోజూ దాదాపు 23 లక్షల నుంచి 25 లక్షల ఫుడ్ ఆర్డర్లను డెలివరీ చేస్తోంది. ఒకవేళ కేవలం ప్రతి ఆర్డర్పై రూ.5 అదనంగా వసూలు చేసినా.. సంస్థ ఖాతాలోకి రోజూ దాదాపు రూ.1.25 కోట్లు, ఏడాదికి సుమారు రూ.450 కోట్లకు పైగా అదనపు ఆదాయం వచ్చి పడుతుంది. ఈ సంఖ్యే ఈ మైక్రో-ఛార్జీల వెనుక దాగి ఉన్న అసలు సూత్రమని మార్కెట్ నిపుణులు విశ్లేషిస్తున్నారు.
Also Read
- Paytm Services: పేటీఎం వినియోగదారులకు శుభవార్త.. ఆ సేవలకు ఆర్బీఐ గ్రీన్ సిగ్నల్..
- Indian Railway: RACకి రైల్వే శాఖ గుడ్ బై..దశాబ్దాల నాటి విధానానికి స్వస్తి..?
- Jensen Huang: ‘ఏదైతే అది అయింది, నాకు అనవసరం’.. జెన్సెన్ హువాంగ్ సంచలన వ్యాఖ్యలు..
- Personal Loan Interest Rates: ఏ బ్యాంకులో పర్సనల్ లోన్ వడ్డీ తక్కువ? ఆ బ్యాంకుల మధ్య పోలిక ఇదే..!
రూ.2తో మొదలై రూ.15కు చేరిన ప్లాట్ఫామ్ దోపిడీ
ఫుడ్ యాప్లు యూజర్లను ఎలా అలవాటు చేసి బాదుతాయో ప్లాట్ఫామ్ ఫీజు ప్రస్థానాన్ని చూస్తే అర్థమవుతుందని అంటున్నారు. 2023 ఏప్రిల్లో కేవలం రూ.2 నామమాత్రపు ఫీజుతో మొదలైన ఈ దోపిడీ.. ఇప్పుడు ఆర్డర్కు రూ.14.99 (జీఎస్టీ అదనం) వరకు చేరింది. ఈ-కామర్స్, ఫుడ్ డెలివరీ ప్లాట్ఫామ్లు కేవలం ఈ ప్లాట్ఫామ్ ఫీజుల ద్వారానే ఏడాదికి దాదాపు రూ.3,500 నుంచి రూ.4,000 కోట్ల భారీ ఆదాయాన్ని పిండుకుంటున్నాయి. ఇప్పుడు తాజాగా పేమెంట్ మోడ్పై కూడా ఫీజు వేయడంతో ఫుడ్ బిల్లుల జాబితా చాంతాడంత పొడవుగా తయారవుతోంది. తిండి ఖర్చు పక్కన పెడితే ప్యాకేజింగ్, డెలివరీ, ప్లాట్ఫామ్, పేమెంట్, ట్యాక్స్ అంటూ అన్ని రకాల ఛార్జీలతో తయ నెత్తిన పెద్ద బండ వేస్తున్నారని యూజర్లు కామెంట్స్ చేస్తున్నారు.
తాజావార్తలు
-
OTR: నేతల తన్నులాటలతోనే నందికొట్కూరులో టీడీపీ ఘోర ఓటమి?
-
Nagula Chavithi: నాగుల చవితి వేళ అద్భుతం.. సుబ్రహ్మణ్యేశ్వర స్వామి ఆలయంలో ప్రత్యక్షమైన నాగసర్పం!
-
CM Revanth Reddy : పిల్లల భవిష్యత్తే లక్ష్యం.. సీఎం రేవంత్ కీలక సందేశం
-
OTR: లెక్కలు మారుతున్నాయా? కంగారులో కూటమి.. వైసీపీ మాత్రం పక్కా లెక్కలతో ముందడుగు వేస్తుందా?
-
OTR: చంద్రబాబుకు జనసేన ఫిర్యాదు.. బాపట్ల ఎమ్మెల్యే నరేంద్ర వర్మ కు అగ్నిపరీక్ష!
ట్రెండింగ్
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!