UPI Charges: రూ.2,000 వరకు UPI పేమెంట్స్ ఫ్రీ.. RuPay డెబిట్ కార్డు ట్రాన్సాక్షన్లకూ ఛార్జీలు లేవు
- UPI యూజర్లకు గుడ్ న్యూస్
- రూ.2,000 వరకు లావాదేవీలపై ఎలాంటి ఫీజు లేదు
- Follow Us :
-
-
Add as a preferred
source on google
UPI Payment Charges Waived Up to rs2,000: UPI వినియోగించే కోట్లాది మంది భారతీయులకు శుభవార్త. రూ.2,000 వరకు చేసే UPI లావాదేవీలపై ఎలాంటి ఫీజు లేదా ఛార్జీలు వసూలు చేయకుండా కేంద్ర ప్రభుత్వం కీలక నిర్ణయం తీసుకుంది. ఇందుకు సంబంధించి సోమవారం గెజిట్ నోటిఫికేషన్ జారీ చేసింది. చిన్న వ్యాపారులు, దుకాణదారులకు కూడా ఈ నిర్ణయం ఉపశమనం కలిగించనుంది. అంతేకాదు, RuPay డెబిట్ కార్డు ద్వారా రూ.2,000 వరకు చేసే లావాదేవీలు కూడా పూర్తిగా ఉచితంగా ఉంటాయని ప్రభుత్వం స్పష్టం చేసింది.
సోమవారం గెజిట్ నోటిఫికేషన్ జారీ
UPI, RuPay డెబిట్ కార్డు ద్వారా రూ.2,000 వరకు చేసే చెల్లింపులపై ఫీజుల వసూలును నిరోధించేందుకు కేంద్ర ప్రభుత్వం సోమవారం అధికారిక గెజిట్ నోటిఫికేషన్ విడుదల చేసింది. గెజిట్ నోటిఫికేషన్ అనేది ప్రభుత్వం జారీ చేసే అధికారిక ప్రకటన. దీనికి చట్టపరమైన ప్రాధాన్యత కూడా ఉంటుంది.
Also Read
- Gold Purity Test: మీ నగలు అసలైనవేనా? మార్కెట్లో 'చైనా పౌడర్' కల్తీ కలకలం.. ఈ టెస్టులతో సింపుల్గా పట్టేయండి!
- Stock Market Crash: దలాల్ స్ట్రీట్లో రక్తపాతం.. ఒక్క దెబ్బతో రూ.6 లక్షల కోట్లు ఆవిరి.. కుప్పకూలిన సెన్సెక్స్, నిఫ్టీ!
- India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
- Gold and Silver Price Crash: మళ్లీ కుప్పకూలిన బంగారం, వెండి ధరలు.. వెండి రూ.6 వేలు, బంగారం రూ.3 వేలు పతనం..!
ఆర్థిక మంత్రిత్వ శాఖ కీలక ప్రకటన
పేమెంట్ అండ్ సెటిల్మెంట్ సిస్టమ్స్ యాక్ట్, 2007 (2007లోని చట్టం 51)లోని సెక్షన్ 10A ప్రకారం కేంద్ర ప్రభుత్వం ఈ నిర్ణయం తీసుకున్నట్లు ఆర్థిక మంత్రిత్వ శాఖ గెజిట్ నోటిఫికేషన్ ద్వారా వెల్లడించింది. ఈ నిబంధనల ప్రకారం, RuPay డెబిట్ కార్డు, UPI ద్వారా రూ.2,000 వరకు చెల్లింపులు చేసే లేదా స్వీకరించే వ్యక్తులపై ప్రత్యక్షంగా లేదా పరోక్షంగా ఎలాంటి ఛార్జీలు విధించకూడదని బ్యాంకులు, సిస్టమ్ ప్రొవైడర్లను ప్రభుత్వం ఆదేశించింది.
UPI చెల్లింపులపై బ్యాంకులు, యాప్లు ఫీజు వసూలు చేయలేవు
ప్రభుత్వ నిర్ణయం ప్రకారం, రూ.2,000 వరకు చేసే UPI లావాదేవీలపై డబ్బులు పంపే వ్యక్తి లేదా డబ్బులు స్వీకరించే వ్యక్తి నుంచి ఎలాంటి ఫీజు వసూలు చేయకూడదు. బ్యాంకులు, ఫోన్పే, పేటీఎం, గూగుల్ పే వంటి చెల్లింపు సేవల ప్రొవైడర్లు ఈ లావాదేవీలపై ప్రత్యక్షంగా లేదా పరోక్షంగా ఛార్జీలు విధించరాదని ప్రభుత్వం స్పష్టం చేసింది. దీంతో చిన్న మొత్తాల్లో డిజిటల్ చెల్లింపులు చేసే వినియోగదారులకు, UPI ద్వారా డబ్బులు స్వీకరించే చిన్న వ్యాపారులకు ప్రయోజనం కలగనుంది.
RuPay డెబిట్ కార్డు ట్రాన్సాక్షన్లు కూడా ఫ్రీ
UPIతో పాటు RuPay డెబిట్ కార్డు ద్వారా రూ.2,000 వరకు చేసే లావాదేవీలపైనా ఎలాంటి ఫీజు వసూలు చేయరాదు. డెబిట్ కార్డు ద్వారా చెల్లింపు చేసే వ్యక్తి, డబ్బులు స్వీకరించే వ్యక్తి ఇద్దరి నుంచి కూడా బ్యాంకులు లేదా సిస్టమ్ ప్రొవైడర్లు ఛార్జీలు వసూలు చేయలేరు.
వినియోగదారులకు ప్రయోజనం
రూ.2,000 వరకు UPI లావాదేవీలపై ఫీజు ఉండదు.
రూ.2,000 వరకు RuPay డెబిట్ కార్డు చెల్లింపులు ఉచితం.
డబ్బులు పంపేవారు, స్వీకరించేవారిపై ప్రత్యక్ష, పరోక్ష ఛార్జీలకు నిషేధం.
చిన్న వ్యాపారులు, దుకాణదారులకు డిజిటల్ చెల్లింపుల్లో ఉపశమనం.
As per section 10A of the Payment and Settlement Systems Act, 2007 (51 of 2007), the Central Government prohibits banks and system providers from imposing, directly or indirectly, any charges on a person making or receiving payments using debit cards powered by RuPay and UPI… pic.twitter.com/PjND7CJepA
— ANI (@ANI) September 14, 2026
తాజావార్తలు
-
Koti Deepotsavam 2026 : కోటి దీపోత్సవంలో నేడు విశేష ఘట్టం.. శ్వేతార్క గణపతి కల్యాణం
-
Koti Deepotsavam 2026 : కోటి దీపోత్సవంలో శ్వేతార్క గణపతి కల్యాణం.. భక్తులతో కిక్కిరిసిన ఎన్టీఆర్ స్టేడియం
-
Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
-
Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
-
Aakasamlo Oka Tara: స్టార్ హీరోయిన్లను కాదని ఆమెనే ఎందుకు తీసుకున్నామంటే? అసలు విషయం చెప్పిన పవన్ సాధినేని!
-
ఆ పుస్తకం చదివాకే Aakasamlo Oka Tara కథ పుట్టింది.. డైరెక్టర్ పవన్ సాధినేని ఆసక్తికర వ్యాఖ్యలు!
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..