First Salary Investment Guide: మొదటి జీతమే భవిష్యత్తుకు పునాది.. SIP, FD, RD.. మీ లక్ష్యానికి ఏది సరిపోతుంది? పూర్తి గైడ్..
- Follow Us :
-
-
Add as a preferred
source on google
First Salary Investment Guide: మొదటి జీతం అందుకోవడం ప్రతి ఉద్యోగికి జీవితంలో ఒక ప్రత్యేకమైన మైలురాయి. “జీతం జమ అయింది” అనే సందేశం ఎంత ఆనందాన్ని ఇస్తుందో, అదే సమయంలో భవిష్యత్ ఆర్థిక భద్రతకు పునాది వేసుకునే అవకాశాన్ని కూడా అందిస్తుంది. అందుకే మొదటి జీతం నుంచే పొదుపు, పెట్టుబడి అలవాటును పెంపొందించుకోవాలని ఆర్థిక నిపుణులు సూచిస్తున్నారు. అయితే పెట్టుబడి పెట్టే ముందు అత్యవసర నిధిని ఏర్పాటు చేసుకోవడం అత్యంత ముఖ్యమని వారు చెబుతున్నారు.
నిపుణుల అభిప్రాయం ప్రకారం, ముందుగా కనీసం మూడు నుంచి ఆరు నెలల వరకు అవసరమైన ఖర్చులకు సరిపడే అత్యవసర నిధిని సిద్ధం చేసుకోవాలి. ఈ మొత్తాన్ని అవసరమైనప్పుడు వెంటనే తీసుకునే అవకాశం ఉన్న సురక్షితమైన పెట్టుబడి సాధనాల్లో ఉంచడం మంచిది. అయితే అత్యవసర నిధి పూర్తయ్యే వరకు పెట్టుబడులను పూర్తిగా వాయిదా వేయాల్సిన అవసరం లేదు. నెలకు రూ.500 లేదా రూ.1,000తో చిన్న మొత్తంలో SIP ప్రారంభించడం ద్వారా పొదుపు అలవాటును పెంచుకోవచ్చు.
Also Read
- Credit Card Rule Changes: ఆ బ్యాంక్ క్రెడిట్ కార్డ్ వినియోగదారులకు షాక్.. రూల్స్ మారుతున్నాయ్.. కొత్త ఛార్జీలు వస్తున్నాయి..!
- RBI Repo Rate Hike: సామాన్యులకు మరో షాక్.. EMI భారం పెరగనుందా..?
- Personal Loan Interest Rates: ఏ బ్యాంకులో పర్సనల్ లోన్ వడ్డీ తక్కువ? ఆ బ్యాంకుల మధ్య పోలిక ఇదే..!
- EPFO Rules: పదవీ విరమణ తర్వాత PF డబ్బు వెంటనే తీసుకోవాలా? EPFO ఏం చెబుతోంది?
ఆర్థిక నిపుణుల ప్రకారం, పెట్టుబడి నిర్ణయాలు తీసుకునేటప్పుడు వ్యక్తిగత ఆర్థిక లక్ష్యాలు, నగదు ప్రవాహం, పెట్టుబడి కాలపరిమితి, రిస్క్ తీసుకునే సామర్థ్యం వంటి అంశాలను పరిగణనలోకి తీసుకోవాలని చెబుతున్నారు.. సోషల్ మీడియా ట్రెండ్లు లేదా స్నేహితుల సలహాల ఆధారంగా కాకుండా, స్వంత ఆర్థిక పరిస్థితిని విశ్లేషించుకుని నిర్ణయం తీసుకోవాలి.
ఒకేసారి పెద్ద మొత్తంలో డబ్బు చేతిలో ఉండి, మార్కెట్ రిస్క్ లేకుండా స్థిరమైన రాబడిని కోరుకునే వారికి ఫిక్స్డ్ డిపాజిట్ (FD) మంచి ఎంపికగా ఉంటుంది. అయితే FDపై వచ్చే వడ్డీకి పన్నులు, ద్రవ్యోల్బణం ప్రభావం ఉంటుందని గుర్తుంచుకోవాలి. మరోవైపు ప్రతి నెలా కొంత మొత్తాన్ని క్రమం తప్పకుండా ఆదా చేయాలనుకునే వారికి రికరింగ్ డిపాజిట్ (RD) అనుకూలంగా ఉంటుంది. ల్యాప్టాప్ కొనుగోలు, కోర్సు ఫీజులు, వాహనం కొనడం లేదా అత్యవసర నిధి ఏర్పాటు వంటి స్వల్పకాలిక లక్ష్యాలకు RD ఉపయోగపడుతుంది.
దీర్ఘకాలంలో సంపదను సృష్టించుకోవాలనుకునే వారికి సిస్టమాటిక్ ఇన్వెస్ట్మెంట్ ప్లాన్ (SIP) ఉత్తమ ఎంపికగా నిపుణులు సూచిస్తున్నారు. SIP ద్వారా మ్యూచువల్ ఫండ్లలో పెట్టుబడి పెట్టడం వల్ల మార్కెట్ హెచ్చుతగ్గులు ఉన్నప్పటికీ, దీర్ఘకాలంలో కాంపౌండింగ్ ప్రయోజనం పొందే అవకాశం ఉంటుంది. అయితే SIPలో రాబడికి ఎలాంటి హామీ ఉండదని, మార్కెట్ పరిస్థితులను బట్టి మారుతుందని గుర్తుంచుకోవాలి.
పొదుపు కోసం 50:30:20 నియమాన్ని కూడా నిపుణులు సూచిస్తున్నారు. ఇందులో ఆదాయంలో 50 శాతం నిత్యావసర ఖర్చులకు, 30 శాతం జీవనశైలి అవసరాలకు, 20 శాతం పొదుపు, పెట్టుబడులకు కేటాయించాలి. బాధ్యతలు తక్కువగా ఉన్న యువత అయితే తమ ఆదాయంలో 30 నుంచి 40 శాతం వరకు పెట్టుబడులకు కేటాయిస్తే మరింత ప్రయోజనం ఉంటుందని నిపుణులు అభిప్రాయపడుతున్నారు.
కొత్త ఉద్యోగంలో చేరిన యువత చేసే ప్రధాన తప్పుల్లో పెట్టుబడిని ఆలస్యం చేయడం, జీతం పెరిగిన కొద్దీ అనవసర ఖర్చులు పెంచుకోవడం, అత్యవసర నిధిని నిర్లక్ష్యం చేయడం, ఖరీదైన బీమా-కమ్-పెట్టుబడి ఉత్పత్తులను కొనుగోలు చేయడం ఉన్నాయి. చిన్న మొత్తంతో ప్రారంభించినా క్రమం తప్పకుండా పెట్టుబడి పెట్టే అలవాటే భవిష్యత్లో పెద్ద సంపదను సృష్టించడానికి బలమైన పునాదిగా మారుతుందని ఆర్థిక నిపుణులు సూచిస్తున్నారు.
తాజావార్తలు
-
Vishwak Sen Legacy: ప్లాన్ మార్చిన మాస్ కా దాస్.. డిసెంబర్ రేసులో విశ్వక్ లేనట్టేనా?
-
Giribabu Death : నాటి జ్ఞాపకాలు తలుచుకుని బాలయ్య భావోద్వేగం, దిగ్భ్రాంతి వ్యక్తం చేసిన చిరంజీవి!
-
Pakistan Captain: లాస్ట్ ఓవర్ వరకు గెలుపు మాదే అనుకున్నాం.. ఏం జరిగిందో అర్థం కాలేదు.. విజయం చేజారింది..
-
Mumbai Terror Plot: 26/11 దాడులకు గురైన నారిమన్ హౌజ్పై మళ్లీ రెక్కీ.. ఒకరు అరెస్ట్..
-
India-Pakistan: ఆపరేషన్ సిందూర్ తర్వాత తొలిసారి భారత్కు పాకిస్తాన్ మంత్రి!
ట్రెండింగ్
-
Virat Kohli: విరాట్ కోహ్లీ ఖాతాలో చెత్త రికార్డు.. మొదటి బ్యాటర్గా.. మరీ తక్కువ మ్యాచ్ల్లోనే!
-
India All Out List: వన్డేల్లో టీమిండియాకు ఘోర పరాభవం.. 100 లోపే భారత్ ఇన్నిసార్లు ఆలౌట్ అయిందా?
-
Children’s Day 2026 : మార్కుల వేట వద్దు.. పిల్లల్లో క్రియేటివిటీ పెంచండి
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!