Oracle Layoffs: 12 ఏళ్ల సర్వీస్ ఉన్నా కనికరం చూపని కంపెనీ.. హైదరాబాద్, పూణె ఐటీ ఉద్యోగుల కన్నీళ్లు!

Oracle Layoffs: ఒరాకిల్ కార్పొరేషన్ (Oracle Corporation) ఒక్కసారిగా అందరికీ షాక్ ఇచ్చింది. వేలాది మంది ఉద్యోగులను రోడ్డున పాడేసింది. ఉద్యోగాలు తొలగిస్తున్నట్టు ఈమెయిళ్ళ పంపడంతో అందరూ షాక్ అయ్యారు. ఈ ఘటన మంగళవారం చోటు చేసుకుంది. ఉదయం 6 గంటల ప్రాంతంలో పంపిన ఈ ఈమెయిళ్ళు ఉద్యోగులను పూర్తిగా ఆశ్చర్యానికి గురిచేశాయి. ఎందుకంటే ఈ ఉద్యోగులను తొలగించే ముందు ఎలాంటి నోటీసులు, ముందస్తు సూచనలు చేయలేదు. పలు నివేదికలు, ఉద్యోగుల ప్రకటనల ప్రకారం.. ప్రపంచవ్యాప్తంగా సుమారు 30,000 మంది ఉద్యోగులను తొలగించారు. ఇది కంపెనీ ఉద్యోగులలో దాదాపు 18 శాతానికి సమానం. ఒరాకిల్ హెల్త్, సేల్స్, క్లౌడ్, కస్టమర్ సక్సెస్, నెట్‌సూట్ వంటి కీలక విభాగాలలో ఈ కోతలు విధించారు. భారతదేశంలోనూ దీని ప్రభావం కనిపించింది.

READ MORE: Iran War: భారత్‌కు వస్తున్న ఇరాన్ చమురు నౌక చైనాకు మళ్లింపు.. కారణం ఏమిటి..?

పుణె, హైదరాబాద్ వంటి నగరాల్లో ఉద్యోగాలు కోల్పోయిన బాధితులు తీవ్ర ఆవేదన వ్యక్తం చేశారు. ఉద్యోగులు తమ అనుభవాలను పంచుకుంటూ కన్నీళ్లు పెట్టుకున్నారు. గత 12 ఏళ్లుగా కంపెనీలో పనిచేస్తున్న పూణెకు చెందిన ఒక సీనియర్ ఐటీ ఇంజనీర్ మాట్లాడుతూ.. ” నేను రోజులాగే లాగిన్ అయ్యాను. కానీ నా సిస్టమ్ యాక్సెస్ నిలిపివేసినట్లు కనిపించింది. ఆ తర్వాత కొద్దిసేపటికే, నా ఉద్యోగ తొలగింపును తెలియజేస్తూ ఇమెయిల్ వచ్చింది. నాకు విస్తృతమైన అనుభవం ఉంది. ప్రస్తుతం ఉన్నత పదవిలో కొనసాగుతున్నాను. అలాంటి నాకే ముందుగా ఎలాంటి నోటీసు ఇవ్వలేదు.” అని స్పష్టం చేశారు. అయితే, కంపెనీ ప్రస్తుత నెల జీతంతోపాటు రెండు నెలల అదనపు జీతం, వేతనం లేని సెలవు రూపంలో పరిహారాన్ని అందించింది.

READ MORE: Bandla Janani: బండ్ల ఇంట పెళ్లి సందడి.. కాబోయే అల్లుడితడే..

ఏడేళ్ల కిందట ఒరాకిల్‌లో చేరిన పూణెకు చెందిన మరో ఉద్యోగి, తాను ఇటీవల గృహ రుణం తీసుకుని ఇల్లు కొనుగోలు చేసినట్లు చెప్పారు. ఉద్యోగం కోల్పోయిన బాధితుడు ఈఎంఐ చెల్లింపు గురించి ఆందోళన చెందుతున్నారు. ఆయన కుమార్తె ఇటీవలే స్కూల్‌కు పంపించారట. ఈ తరుణంలో తన ఆర్థిక ఒత్తిడి మరింత పెరుగుతోందని.. ప్రస్తుతం కొత్త ఉద్యోగం కోసం వెతుకుతున్నట్లు చెప్పాడు. తమ పనితీరును కనీసం పరిశీలించకుండానే తమను తొలగించారని ఉద్యోగులు ఆవేదన వ్యక్తం చేస్తున్నారు. ఒరాకిల్‌లో 12 ఏళ్లుగా పనిచేస్తున్న పూణెకు చెందిన మరో సీనియర్ ఐటీ ఇంజనీర్ మాట్లాడుతూ..”నేను ఉన్నత పదవిలో కొనసాగుతున్నాను. నాకు ఏ అధికారి నుంచి గానీ, హెచ్‌ఆర్ నుంచి గానీ ఉద్యోగ తొలగింపు గురించి ఎలాంటి సమాచారం అందలేదు. దానికి బదులుగా నన్ను తొలగిస్తున్నట్లు నేరుగా ఈమెయిల్ వచ్చింది. మరుసటి రోజు ప్రాజెక్టులో ఏం పని చేయాలోనని ఆలోచిస్తూ పడుకున్నాను. ఉదయాన్నే నిద్రలేవగా ఆ ఈమెయిల్ చూసి నేను దిగ్భ్రాంతికి గురయ్యారు. అయితే, కంపెనీ ఒక నెల జీతంతో పాటు మరో రెండు నెలల జీతం చెల్లిస్తోంది.” అని వెల్లడించారు.

READ MORE: Haier Desert Rose AC: భారతదేశపు మొట్టమొదటి సెల్ఫ్-క్లీనింగ్ ఏసీ ప్రారంభం.. 10 సెకన్లలో చల్లని గాలి

హైదరాబాద్‌కు చెందిన మరో ఐటీ ఇంజనీర్‌ తన వివరణ ఇచ్చారు. “నేను ఒరాకిల్‌లో 10 ఏళ్లుగా పనిచేస్తున్నాను. వర్క్ ఫ్రమ్ హోమ్ కొనసాగుతోంది. నేను అప్పుడప్పుడు సమావేశాల కోసం మాత్రమే ఆఫీసుకు వెళ్లాల్సి వచ్చేది. కోవిడ్ వంటి క్లిష్ట సమయాల్లోనూ నేను కంపెనీ కోసం పనిచేశాను. నా మంచి పనితీరు వల్ల నాకు ప్రమోషన్లు సైతం వచ్చాయి. కానీ కంపెనీ ఒకరి పనితీరు మరొకరికి ఎలా ఉందో కూడా చూడకుండా, నేరుగా నేరుగా ఉద్యోగం నుంచి తొలగించారు. ఇది నాకు చాలా దిగ్భ్రాంతి కలిగించింది. కంపెనీ ఉద్యోగాల తొలగింపునకు డబ్బు ఇస్తోంది. ఇంత సడెన్‌గా తొలగిస్తే నేను కుటుంబాన్ని ఎలా పోషిస్తాను?” అని తీవ్ర ఆవేదనకు లొనయ్యారు.