Venus Transit 2026: జ్యోతిష్యపరంగా ఒక్క గ్రహం తన గోచారంలో రాశి మారినా ఫలితాలు వేరేలా ఉంటాయి. ద్వాదశ రాశులపై అనుకూల, ప్రతికూల ప్రభావాలు ఉంటాయి. ప్రేమ, సంపద, సౌందర్యం, విలాసాలకు కారకుడైన శుక్రుడు ప్రస్తుతం కర్కాటక రాశిలో ‘‘ఆశ్లేష నక్షత్రం’’ లోకి ప్రవేశించారు. జూలై ప్రారంభం వరకు ఈ నక్షత్రంలోనే శుక్రుడు సంచరిస్తాడు. ఇది కొన్ని రాశుల వారికి శుభ ఫలితాలు ఇస్తే, మరికొన్ని రాశుల వారికి చెడు ఫలితాలు ఇచ్చే అవకాశం ఉంది. ఆశ్లేష నక్షత్రానికి అధిపతి బుధుడు. బుధ-శుక్ర గ్రహ శక్తుల కలయిక వల్ల భావోద్వేగాలు, ఆర్థిక వ్యవహారాలు, సంబంధాలు, కెరీర్ అంశాల్లో మిశ్రమ ఫలితాలు ఉంటాయి. ముఖ్యంగా మూడు రాశుల వారికి ప్రమాదం పొంచి ఉందని జ్యోతిష్యులు చెబుతుున్నారు.
మేష రాశి:
మేష రాశి వారికి కుటుంబ విషయాల్లో అపార్థాలు వచ్చే అవకాశం ఉంది. ఇంట్లో వ్యక్తుల మధ్య చిన్న చిన్న విభేదాలు పెద్ద సమస్యలుగా మారొచ్చు. స్థిరాస్తి, వాహనాలు, విలాస వస్తువుల కొనుగోలు జరుపొచ్చు. ఊహించని ఖర్చలు పెరిగే అవకాశం ఉంటుంది. ప్రయాణాల్లో చివరి నిమిషంలో మార్పులు ఎదురవ్వొచ్చు.
మిథున రాశి:
మిథున రాశి వారికి వ్యక్తిగత, వృత్తిపరమైన జీవితాల్లో హెచ్చుతగ్గులు కనిపించవచ్చు. కుటుంబ విభేదాలు మరింత క్లిష్టంగా మారే సూచనలు ఉన్నాయి. సంబంధాల్లో కమ్యూనికేషన్ లోపాలు అపార్థాలకు దారితీయవచ్చు. ఉద్యోగ ప్రయత్నాలు, ఇంటర్వ్యూలు, పోటీ పరీక్షల్లో ఫలితాలు ఆలస్యమవుతాయి. తొందరపాటు నిర్ణయాలు తీసుకోకుండా భావోద్వేగాలపై నియంత్రణ అవసరం.
సింహ రాశి:
సింహ రాశి వారికి కుటుంబ, సామాజిక విషయాల్లో ఒత్తిడి పెరిగే అవకాశం ఉంది. చిన్న వివాదాలు పెద్ద గొడవలకు దారి తీయొచ్చు. ఉద్యోగం, కెరీర్లో ఆశించిన పురోగతి ఉండక నిరాశ ఎదురవ్వొచ్చు. పరీక్షలు, ఇంటర్వ్యూ ఫలితాల కోసం ఎదురుచూస్తున్న వారు ఓపికగా ఉండాలి.
కన్య రాశి:
కన్య రాశి వారు ఈ సమయంలో సంబంధాల విషయంలో సున్నిత పరిస్థితులు ఎదుర్కోవచ్చు. జీవిత భాగస్వామి లేదా కుటుంబ సభ్యుల మధ్య అపార్థాలు పెరిగే అవకాశం ఉంది. ఆర్థిక బాధ్యత పెరగడం వల్ల ఒత్తిడి ఎదురవుతుంది. వ్యాపారులు, ఉద్యోగులు ముఖ్యమైన ప్రాజెక్టుల్లో ఆలస్యాలు పెరుగొచ్చు. పెద్ద పెట్టుబడులకు దూరంగా ఉంటే బెటర్.
పరిష్కారాలు:
శుక్రుడి అనుకూల ఫలితాల కోసం ‘‘ఓం శుం శుక్రాయ నమ:’’ మంత్రాన్ని జపించాలి. శుక్రవారం లక్ష్మీదేవిని పూజించండి. పాలు, చక్కెర, స్వీట్ల వంటి తెలుపు రంగు వస్తువుల్ని దానం చేయండి. శుక్రవారం ఉపవాసం ఉండండి. తెలుపు లేదా లేత రంగు దుస్తులు ధరించడం మంచిది.