Om Bam Bhole Song Released for Maha Shivaratri 2026: మహాశివరాత్రి పర్వదినాన్ని పురస్కరించుకుని నిర్మించే భక్తిరస గీతాలకు ఎప్పుడూ ప్రత్యేక క్రేజ్ ఉంటుంది. గతంలో ‘ఏమి మాయ ప్రేమలోన’ వంటి సూపర్ హిట్ ఆల్బమ్స్ అందించిన ‘అకీ క్రియేటివ్ వర్క్స్’.. ఈ దఫా భక్తి రస పాతను తెరకెక్కించింది. అకీ క్రియేటివ్ వర్క్స్ బ్యానర్పై రూపొందించిన ‘ఓం భం భోలే’ మ్యూజిక్ ఆల్బమ్ శివ భక్తులతో పాటు ప్రేక్షకులను విశేషంగా ఆకట్టుకుంది. ఆ పరమశివుని భక్తిలో ఓలలాడించేలా రూపొందిన ఈ పాట.. సోషల్ మీడియా సహా శివ భక్తుల నుంచి మంచి ఆదరణ పొందుతోంది.
పాటలో నాగేంద్ర ఇనమడుగు, అనిల్ ఇనమడుగు, అజయ్ ఇనమడుగు, అజయ్ సన్నపు, అజాస్ జాన్ శివ భక్తులుగా నటించారు. వారి అభినయం, వేషధారణ భక్తి భావాన్ని ఉట్టిపడేలా చేసింది. ఈ పాటను దృశ్యకావ్యంగా మలచడంలో అందరూ కీలక పాత్ర పోషించారు. అనిల్ ఇనుమడుగు కేవలం నటించడమే కాకుండా.. ఈ పాటకు సాహిత్యాన్ని అందించడంతో పాటు దర్శకత్వ బాధ్యతలను కూడా నిర్వహించారు.
శివుని గొప్పతనాన్ని వివరిస్తూ అనిల్ ఇనమడుగు రాసిన సాహిత్యం వినసొంపుగా ఉండగా.. చిత్రీకరణ కూడా అంతే అద్భుతంగా ఉంది. మార్క్ ప్రశాంత్ ఈ పాటకు అద్భుతమైన సంగీతాన్ని సమకూర్చడమే కాకుండా.. తన గాత్రంతో శివతత్వాన్ని మరింత చక్కగా ఆలపించారు. చరణ్ పన్నాల సినిమాటోగ్రఫీ అద్భుతంగా ఉంది. నాగేంద్ర ఇనమడుగు నిర్మాతగా వ్యవహరించిన ఓం భం భోలే స్పెషల్ సాంగ్ మహాశివరాత్రి కానుకగా విడుదలైంది. ఈ పాట ప్రస్తుతం ఆధ్యాత్మిక సంగీత ప్రియుల ప్లేలిస్ట్లో చేరిపోయింది.
