ఇండియాలో యమహాకి ఉన్న క్రేజ్ వేరు. కేంద్ర బడ్జెట్ సమర్పణకు ముందే యమహా అభిమానులకు గుడ్న్యూస్ చెప్పింది. స్పోర్ట్స్ బైక్ ఆర్3, స్ట్రీట్ ఫైటర్ ఎంటీ-03 మోడళ్లపై భారీ డిస్కౌంట్ను ప్రకటించింది. రూ. 1.10 లక్షలు ఆదా అవుతున్నట్లు కంపెనీ తెలిపింది. ఈ నిర్ణయంతో యమహా కేటీఎంకు ప్రత్యక్ష పోటీ ఇచ్చేందుకు సిద్ధమవుతోంది. ఈ కొత్త ధరలు ఫిబ్రవరి 1 నుంచి అమల్లోకి రానున్నాయి.
READ MORE: IND vs ENG 4th T20: దూబే, హార్దిక్ మెరుపులు.. ఇంగ్లండ్ టార్గెట్ ఎంతంటే?
ఈ తగ్గింపుతో..రూ. 4.70 లక్షలు ఉన్న ఆర్ 3 ఎక్స్-షోరూమ్ ధర రూ. 3.60 లక్షలుగా మారింది. రూ. 4.60 లక్షల MT 03 కొత్త ఎక్స్-షోరూమ్ ధర రూ. 3.50 లక్షలకు చేరింది. ప్రీమియం బైక్ సెగ్మెంట్లో తన పరిధిని విస్తృతం చేసుకోవడంలో భాగంగా యమహా ఈ రెండు మోడళ్లను లాంచ్ చేసింది. ఆశించిన స్థాయిలో ఫలితం రాలేదు. అందుకే ధరలు తగ్గించి అమ్మకాలు పెంచాలని కంపెనీ నిర్ణయించింది. ఈ రెండు ద్విచక్ర వాహనాలు 321 సీసీ ట్విన్ సిలిండర్ లిక్విడ్ కూల్డ్ ఇంజిన్తో అందుబాటులో ఉన్నాయి. ఈ బైక్స్ 41 హెచ్పీ పవర్, 29.5 ఎన్ఎం టార్క్ను ఉత్పత్తి చేస్తాయి. సిక్స్ స్పీడ్ గేర్బాక్స్, డ్యూయల్ ఛానెల్ ఏబీఎస్ వంటి సదుపాయాలు ఉన్నాయి. మరిన్ని వివరాలకు దగ్గరున్న షోరూంను సంప్రదించగలరు.
READ MORE: Kerala: ప్రియుడి ఆకృత్యం.. క్రూరమైన లైంగిక దాడిలో ప్రియురాలి మృతి
