Yamaha Festive Offers 2026: Fascino 125 నుంచి R15 వరకు.. యమహా బైక్స్‌పై ప్రత్యేక ఆఫర్లు!

Yamaha Festive Offers 2026: పండుగల సీజన్‌లో కొత్త టూవీలర్ కొనుగోలు చేయాలనుకుంటున్నారా? ప్రముఖ ద్విచక్ర వాహన తయారీ సంస్థ యమహా (Yamaha) భారత్‌లో ఎంపిక చేసిన స్కూటర్లు, బైక్‌లపై 2026 ఫెస్టివ్ ఆఫర్లను అందిస్తోంది. ఈ ఆఫర్లలో భాగంగా కొన్ని మోడళ్లపై ఇన్సూరెన్స్ ప్రయోజనాలతో పాటు తక్కువ డౌన్ పేమెంట్‌తో వాహనాన్ని కొనుగోలు చేసే అవకాశం కల్పిస్తోంది.

ఈ ఆఫర్లు Yamaha Fascino 125, RayZR 125, FZ సిరీస్, XSR155, R15, MT-15 వంటి మోడళ్లకు వర్తించనున్నది. అయితే, ప్రతి మోడల్‌కు లభించే ప్రయోజనాలు వేర్వేరుగా ఉంటాయి. ఈ ఆఫర్ల గడువు తేదీని కంపెనీ ఇంకా ప్రకటించలేదు. తమిళనాడు, కేరళ రాష్ట్రాలను మినహాయించి దేశవ్యాప్తంగా యమహా అధీకృత డీలర్‌షిప్‌లలో ఈ ఆఫర్లను పొందవచ్చని సమాచారం.

యమహా ఫెస్టివ్ ఆఫర్లలో ఇన్సూరెన్స్ ప్రయోజనం, ప్రారంభ డౌన్ పేమెంట్ వివరాలు ఇలా ఉన్నాయి.

స్కూటర్ / బైక్ మోడల్- ఇన్సూరెన్స్ ప్రయోజనం -తక్కువ డౌన్ పేమెంట్
Yamaha Fascino 125 రూ.3,399 -రూ.2,499
Yamaha RayZR 125 -రూ.3,399 -రూ.2,499
Yamaha FZ-S సిరీస్ -రూ.5,999 -రూ.3,900
Yamaha FZ సిరీస్ -రూ.5,999 -రూ.3,900
Yamaha XSR155 -రూ.5,555 -రూ.4,999
Yamaha R15 ప్రత్యేక ప్రయోజనం లేదు -రూ.4,999
Yamaha MT-15 ప్రత్యేక ప్రయోజనం లేదు -రూ.4,999

Yamaha Fascino 125, RayZR 125 స్కూటర్లపై ఆఫర్లు

యమహా 125cc స్కూటర్లను కొనుగోలు చేయాలనుకునే వారికి Fascino 125, RayZR 125 మోడళ్లపై ప్రత్యేక ఆఫర్లు అందుబాటులో ఉన్నాయి. ఈ రెండు స్కూటర్లపై రూ.3,399 ఇన్సూరెన్స్ ప్రయోజనంతో పాటు రూ.2,499 తక్కువ డౌన్ పేమెంట్ సదుపాయం కల్పిస్తున్నట్లు సమాచారం.

ఈ రెండు స్కూటర్లలో 125cc Fi Hybrid పవర్ట్రెయిన్ అందుబాటులో ఉంది.
– Yamaha Fascino 125: క్లాసిక్ డిజైన్, ఆకర్షణీయమైన రూపానికి ప్రాధాన్యం ఇచ్చే వినియోగదారులకు అనువైన మోడల్.
– Yamaha RayZR 125: స్పోర్టీ డిజైన్, యువతను ఆకట్టుకునే స్టైలింగ్‌తో ప్రత్యేకంగా నిలుస్తుంది.
తక్కువ ప్రారంభ చెల్లింపుతో స్కూటర్ కొనుగోలు చేయాలనుకునేవారు ఈ ఆఫర్లను పరిశీలించవచ్చు. అయితే, డౌన్ పేమెంట్ అనేది వాహనం మొత్తం ధర కాదు. మిగిలిన మొత్తానికి సంబంధించిన రుణం, వడ్డీ, నెలవారీ EMI వివరాలను ముందుగానే తెలుసుకోవాలి.

Yamaha FZ, FZ-S బైక్‌లపై రూ.5,999 ఇన్సూరెన్స్ ప్రయోజనం

యమహా FZ సిరీస్ బైక్‌లపై కూడా ఫెస్టివ్ ఆఫర్లు ప్రకటించినట్లు సమాచారం. ఈ మోడళ్లపై రూ.5,999 ఇన్సూరెన్స్ ప్రయోజనంతో పాటు రూ.3,900 తక్కువ డౌన్ పేమెంట్ అవకాశం కల్పిస్తున్నారు.

ఈ ఆఫర్ పరిధిలోకి వచ్చే మోడళ్లలో:
– Yamaha FZ-S Fi Hybrid
– Yamaha FZ-S Fi
– Yamaha FZ-S Fi V4 DLX
– Yamaha FZ-S Fi V4
– Yamaha FZ Rave
– Yamaha FZ-Fi
– Yamaha FZ Blue Flex

Yamaha XSR155, R15, MT-15 బైక్‌లపై ప్రత్యేక ఆఫర్లు

స్పోర్టీ బైక్‌లు, రెట్రో డిజైన్ మోటార్‌సైకిళ్లను ఇష్టపడేవారి కోసం Yamaha XSR155, R15, MT-15 మోడళ్లపైనా ఫెస్టివ్ ఆఫర్లు అందుబాటులో ఉన్నట్లు నివేదికలు పేర్కొన్నాయి.

Yamaha XSR155: ఈ బైక్‌పై రూ.5,555 ఇన్సూరెన్స్ ప్రయోజనంతో పాటు రూ.4,999 తక్కువ డౌన్ పేమెంట్ సదుపాయం ఉంది. రెట్రో స్టైలింగ్, ఆధునిక డిజైన్ కలయిక దీని ప్రత్యేకత.

Yamaha R15: స్పోర్టీ లుక్, ఫెయిరింగ్ డిజైన్‌తో ప్రసిద్ధి చెందిన ఈ బైక్‌పై రూ.4,999 డౌన్ పేమెంట్ ఆఫర్ ఉన్నట్లు సమాచారం. ప్రస్తుత ఆఫర్‌లో ప్రత్యేక ఇన్సూరెన్స్ ప్రయోజనం పేర్కొనలేదు.

Yamaha MT-15: స్ట్రీట్‌ఫైటర్ డిజైన్‌తో ఆకట్టుకునే ఈ బైక్‌పైనా రూ.4,999 తక్కువ డౌన్ పేమెంట్ అవకాశం అందిస్తున్నట్లు నివేదికలు తెలిపాయి. ఈ మోడల్‌కు కూడా ప్రత్యేక ఇన్సూరెన్స్ ప్రయోజనం లేదు.