Volkswagen ID Polo EV: వోక్స్‌వ్యాగన్ Polo EV లీక్.. లాంచ్‌కు ముందే కార్ డిటైల్స్..

Volkswagen ID Polo EV: వోక్స్‌వ్యాగన్ పోలో, కార్ లవర్స్‌‌లో ఈ కార్‌కు ఉన్న క్రేజే వేరు. పవర్, స్టేబిలిటీ, హ్యాండ్లింగ్ విషయంలో ఈ హ్యచ్‌బ్యాక్ కారును కొట్టే కారే లేదు. ఇప్పుడు ఈ కారు EV వెర్షన్ రాబోతోంది. వోక్స్‌వ్యాగన్ ఐడీ పోలో ఈవీ (Volkswagen ID Polo EV ) లాంచ్‌కు ముందే వైరల్ అవుతోంది. దీని పొడక్షన్ వెర్షన్ లీక్ అయింది. దీంతో ఒక్కసారిగా ఈ కార్ గురించి ఆరా తీయడం మొదలుపెట్టారు. కాంపాక్ట్ ఎలక్ట్రిక్ హ్యాచ్‌బ్యాక్ విభాగంలో పోలో వస్తే, ఈవీ కార్ మార్కెట్‌లో లెక్కలు మారుతాయి.

ఫీచర్లు:

2023 ఐడి.2ఆల్ కాన్సెప్ట్ ఆధారంగా పోలోను రూపొందించారు. 2025 మ్యూనిచ్ మోటార్ షోలో తొలిసారిగా కనిపించింది. ఇప్పుడు లీక్ అయిన ఇమేజ్‌లు కారు గురించి మరిన్ని వివరాలను అందిస్తున్నాయి. లీక్ అయిన ఫోటోలోని కనిపిస్తున్న ఫీచర్లు చాలా అట్రాక్టివ్‌గా ఉన్నాయి. స్లిమ్ LED హెడ్‌లైట్స్, క్లోజ్డ్ ఫ్రంట్ గ్రిల్ (EV స్టైల్), లైటింగ్ లోగో (VW బ్యాడ్జ్), ఫ్లష్ డోర్ హ్యాండిల్స్ (ఎయిరోడైనమిక్స్ కోసం) కనిపిస్తున్నాయి. బంపర్, మిర్రర్స్‌లో కొద్దిపాటి మార్పు కనిపిస్తోంది. క్యాబిన్‌లో 10.25-అంగుళాల డిజిటల్ డ్రైవర్ డిస్‌ప్లేతో పాటు 13-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ ఉంటుంది.

పెరిగిన సైజ్:

ID పోలో 4,053 మిమీ పొడవు, 1,816 మిమీ వెడల్పు, 1,530 మిమీ ఎత్తు మరియు 2,600 మిమీ వీల్‌బేస్‌ను కలిగి ఉంది. గతంలో ICE పోలిస్తే ఈ కొలతలు పెరిగి ఉన్నాయి. 2022లో నిలిపేసిన హ్యాచ్‌బ్యాక్ సబ్-4 మీటర్ కారుగా ఉంది. లీక్ అయిన ఫోటోల్లో ID పోలో GTI కూడా కనిపిస్తోంది. హనీ కోంబ్ ఫ్రంట్ గ్రిల్, టైమ్ రన్నింగ్ ల్యాంప్స్, ఎరుపు రంగు యాక్సెంట్ స్ట్రైప్, GTI బ్యాడ్జ్‌లు కనిపిస్తున్నాయి.

డిజైన్ అండ్ రేంజ్:

ఫ్రంట్ వీల్ డ్రైవ్2తో MEB+ ప్లాట్‌ఫామ్ పై దీనిని నిర్మిస్తున్నారు. ఇది 38kWh, 56kWh ప్యాక్‌ ఆప్షన్లతో వస్తోంది. 435 లీటర్ల బూట్ స్పేస్ ఉంటుంది. ఒక్క ఛార్జ్‌ తో గరిష్టంగా 451 కి.మీ రేంజ్ ఇస్తుంది.