Tata Nexon CNG Dark Edition: టాటా కొత్త సీఎన్జీ కారు విడుదల.. రేటు, రేంజ్ ఎంతంటే?
- నెక్సాన్ సీఎన్జీ రెడ్ డార్క్ విడుదల
- మూడు వేరియంట్లలో కారు
- రూ.12.70 లక్షల నుంచి ప్రారంభం
- Follow Us :
-
-
Add as a preferred
source on google
టాటా మోటార్స్ నెక్సాన్ సీఎన్జీ (Nexon CNG) రెడ్ డార్క్ను విడుదల చేసింది. కంపెనీ ఎక్స్-షోరూమ్ ధరలను రూ.12.70 లక్షల నుంచి రూ.13.69 లక్షల వరకు ఉంచింది. ఫియర్లెస్ + PS, క్రియేటివ్ + PS, క్రియేటివ్ + S వంటి మూడు వేరియంట్లలో దీన్ని అందుబాటులోకి తీసుకొచ్చింది. కంపెనీ దీనిని భారత్ మొబిలిటీ గ్లోబల్ ఎక్స్పో 2025లో ప్రవేశపెట్టింది. రెడ్ డార్క్ ఎడిషన్ ఫీచర్లను కంపెనీ వెల్లడించింది. రెడ్ కలర్ యాక్సెంట్లతో ఎక్స్టీరియర్లో కార్బన్ బ్లాక్ పెయింట్ స్కీమ్ను పొందుతుంది.
నెక్సాన్ సీఎన్జీ రెడ్ డార్క్ ఎక్స్-షోరూమ్ ధరలు..
టాటా నెక్సాన్ సీఎన్జీ రెడ్ డార్క్ క్రియేటివ్+ఎస్ ధర రూ. 12.70 లక్షలు
టాటా నెక్సాన్ సీఎన్జీ రెడ్ డార్క్ క్రియేటివ్+పీఎస్ ధర రూ. 13.70 లక్షలు
టాటా నెక్సాన్ సీఎన్జీ రెడ్ డార్క్ ఫియర్లెస్+పిఎస్ ధర రూ. 13.70 లక్షలు.
ఈ ఎస్యూవీలో అట్రాక్టివ్ ఫీచర్లు చాలానే ఉన్నాయి. ఇది 10.2- అంగుళాల ఇన్ఫోటెయిన్మెంట్ సిస్టం, ఆండ్రాయిడ్ ఆటో, యాపిల్ కార్ప్లే, డిజిటల్ ఇన్స్టుమెంట్ క్లస్టర్, పనోరమిక్ సన్రూఫ్, వైర్లెస్ ఛార్జింగ్, వెంటిలేటెడ్ సీట్లు, జేబీఎల్- 8 స్పీకర్ సిస్టం, 360- డిగ్రీ కెమెరా వంటివి ఇందులో ఉంటాయి. ఇది 5- సీటర్ ఆప్షన్తో వస్తుంది.
నెక్సాన్ సీఎన్జీ 98.5bhp, 170Nm ఉత్పత్తి చేసే 1.2-లీటర్ టర్బో పెట్రోల్ ఇంజన్ కలిగి ఉంది. ఈ ఇంజన్ 6-స్పీడ్ MTతో మాత్రమే అందుబాటులో ఉంటుంది. టాటా యొక్క ట్విన్-సిలిండర్ టెక్నాలజీని ఇందులో ఉపయోగించారు. ఇందులో CNG ట్యాంక్ మొత్తం సామర్థ్యం 60 లీటర్లు. బూట్ స్పేస్ 321 లీటర్లు. టాటా దీని మైలేజ్ 17.44 కిమీ/కిలో అని పేర్కొంది. అయితే, దీని వాస్తవ మైలేజ్ కీలోకు నగరంలో 11.65 కి.మీ, హైవేలో 17.5 కి.మీకి దగ్గరగా ఉన్నట్లు సమాచారం.