Range Rover Sport Electric: JLR (జాగ్వార్ ల్యాండ్ రోవర్) రేంజ్ రోవర్ స్పోర్ట్ ఎలక్ట్రిక్ను ఆవిష్కరించింది. ఈ SUV కోసం బుకింగ్స్ ప్రారంభయ్యాయి. రేంజ్ రోవర్ స్పోర్ట్స్ లైనప్లో ఇది తొలి ఎలక్ట్రిక్ మోడల్. ఇందులో 118.5kWh బ్యాటరీ ప్యాక్ను అందిస్తున్నారు. ఇది ఒక్క ఛార్జ్తో 609 కిలోమీటర్ల రేంజ్ ఇస్తుందని కంపెనీల పేర్కొంటోంది. ఈ ఎలక్ట్రిక్ SUV రెండు మోటార్లతో ఆల్-వీల్ డ్రైవ్(AWD)తో వస్తోంది. 550 hp పవర్, 850 Nmను అందిస్తుంది. ఈ ఎలక్ట్రిక్ కారు ICE వెర్షన్ రేంజ్ రోవర్ స్పోర్ట్లోని V8 ఇంజన్ మోడల్తో తీసుపోని విధంగా పవర్ అందిస్తుందని కంపెనీ చెబుతోంది.
రేంజ్ రోవర్ స్పోర్ట్ ఎలక్ట్రిక్ను 00-వోల్ట్ ఫ్లెక్సిబుల్ మాడ్యులర్ లాంగిట్యూడినల్ ఆర్కిటెక్చర్పై నిర్మించారు. ఇందులోని బ్యాటరీపై 8 ఏళ్ల లేదా 1.6 లక్షల కిలోమీటర్ల వరకు వారంటీ అందిస్తున్నట్లు కంపెనీ ప్రకటించింది. గంటకు 0 నుంచి 100 కిలోమీటర్ల వేగాన్ని కేవలం 4.5 సెకన్లలోనే అందుకుంటుంది. 350kW వరకు DC ఫాస్ట్ ఛార్జింగ్కు సపోర్ట్ చేస్తుంది. దీంతో 10 శాతం నుంచి 80 శాతం వరకు బ్యాటరీని కేవలం 22 నిమిషాల్లో ఛార్జ్ చేయవచ్చు. 10 నిమిషాల ఛార్జింగ్తోనే 220 కిలోమీటర్ల వరకు రేంజ్ లభిస్తుందని కంపెనీ చెబుతోంది.
ఇక లగ్జరీ, ఇంటీరియర్ విషయంలో ఈ కారు మరింత అట్రాక్టివ్గా కనిపిస్తోంది. కొత్తగా వస్తున్న ఎలక్ట్రిక్ మోడల్, ICE వెర్షన్ను దాదాపుగా పోలి ఉంటుంది. క్యాబిన్లో 3-స్పోక్ స్టీరింగ్ వీల్, టచ్-సెన్సిటివ్ కంట్రోల్స్ ఉన్నాయి. 13.1 అంగుళాల ఇన్ఫోటైన్మెంట్ టచ్ స్క్రీన్, 13.7 అంగుళాల డ్రైవర్ డిస్ప్లే ఉంటుంది. హీటెడ్, వెంటిలేడెట్ పవర్డ్ సీట్లు, 4-జోన్ క్లైమేట్ కంట్రోల్, వైర్లెస్ ఫోన్ ఛార్జర్, రియర్ సన్బ్లైండ్ వంటి ప్రీమియం ఫీచర్లు ఉన్నాయి. దీనిని వచ్చే ఏడాది మార్చిలో విడుదల చేసే అవకాశం ఉంది. దీని ధర సుమారుగా రూ. 2.5 కోట్లు ఉంటుందని అంచనా.