MG Comet EV: ఎంజీ కామెట్ EV కొనాలనుకుంటున్నారా? ధరలు పెంచిన కంపెనీ.. ఏ వేరియంట్‌పై ఎంత పెరిగిందంటే?

భారత ఎలక్ట్రిక్ కార్ల మార్కెట్‌లో మంచి ఆదరణ పొందుతున్న MG కామెట్ EV కొనుగోలు చేయాలనుకునే వారికి షాక్ తగిలింది. JSW MG మోటార్ ఇండియా ఈ ఎలక్ట్రిక్ హ్యాచ్‌బ్యాక్ ధరలను పెంచింది. కొత్త ధరలు వెంటనే అమల్లోకి వచ్చినట్లు సమాచారం. కొన్ని వేరియంట్లపై ఏకంగా రూ.17,000 వరకు ధర పెరిగింది.

ఏ వేరియంట్‌పై ఎంత ధర పెరిగింది?

మీడియా నివేదికల ప్రకారం, MG కామెట్ EV వివిధ వేరియంట్లపై వేర్వేరు స్థాయిలో ధరలు పెంచింది.

Executive వేరియంట్ -రూ.17,000 వరకు పెంపు
Excite వేరియంట్ -రూ.17,000 వరకు పెంపు
Exclusive వేరియంట్ -రూ.7,000 వరకు పెంపు
దీంతో ఎంట్రీ లెవల్, మిడ్ వేరియంట్లను కొనుగోలు చేయాలనుకునే వినియోగదారులపై ఎక్కువ ప్రభావం పడనుంది.

బ్యాటరీ, రేంజ్ ఎలా ఉన్నాయి?

MG కామెట్ EVలో 17.3 kWh బ్యాటరీ ప్యాక్ ను అందిస్తున్నారు. ఈ బ్యాటరీని 7.4 kW ఛార్జర్ ద్వారా 10 శాతం నుంచి 80 శాతం వరకు సుమారు 2.5 గంటల్లో ఛార్జ్ చేయవచ్చు. పూర్తి ఛార్జ్‌పై ఈ ఎలక్ట్రిక్ కారు 230 కిలోమీటర్ల వరకు ప్రయాణించే రేంజ్‌ను అందిస్తుందని కంపెనీ పేర్కొంటోంది.

మోటార్ పనితీరు

ఈ చిన్న ఎలక్ట్రిక్ కారులో అమర్చిన మోటార్ 42 PS పవర్, 110 Nm టార్క్ ఉత్పత్తి చేస్తుంది. నగరాల్లో రోజువారీ ప్రయాణాలకు అనువుగా ఉండేలా దీన్ని రూపొందించారు.

కొత్త ధరలు ఎంత?

ధరల పెంపు అనంతరం MG కామెట్ EV ప్రారంభ ధర రూ.7.80 లక్షలు (ఎక్స్-షోరూమ్)గా ఉంది. టాప్-ఎండ్ వేరియంట్ ధర రూ.10.07 లక్షలు (ఎక్స్-షోరూమ్)కు చేరుకుంది.