Maruti Suzuki Celerio: మారుతి సెలెరియో న్యూ ఎడిషన్ విడుదల.. కేవలం రూ. 4.99 లక్షలకే

మారుతి సుజుకి తన ప్రముఖ హ్యాచ్‌బ్యాక్ సెలెరియో లిమిటెడ్ ఎడిషన్‌ను విడుదల చేసింది. దీని ప్రారంభ ధర రూ. 4.99 లక్షలు (ఎక్స్-షోరూమ్, ఢిల్లీ) గా నిర్ణయించింది. దీంతో పాటు ఈ ఎడిషన్‌కు రూ.11,000 విలువైన ఉచిత యాక్సెసరీలు అందిస్తున్నారు. ఇది గతంలో ప్రారంభించిన డ్రీమ్ సిరీస్ ఆధారంగా రూపొందించారు. ఇందులో కాస్మెటిక్, ఫీచర్ అప్‌గ్రేడ్‌లు కూడా చేశారు. దాని వివరాలను తెలుసుకుందాం.

READ MORE: Mallikarjun Kharge: అర్థరాత్రిలోగా అమిత్ షాని బర్తరఫ్ చేయాలి.. ప్రధానికి కాంగ్రెస్ అల్టిమేటం..

ఈ పరిమిత ఎడిషన్ ఈ ఏడాది చివర్లో మంచి వినియోగదారులకు మంచి ఎంపికగా మారనుంది. ఇందులో అనేక ఉచిత యాక్సెసరీలు అందుబాటులో ఉన్నాయి. క్రోమ్ ఇన్సర్ట్‌లతో కూడిన సైడ్ మోల్డింగ్, రూఫ్ స్పాయిలర్, డ్యూయల్-కలర్ డోర్ సిల్ గార్డ్‌లు, ఫ్యాన్సీ ఫ్లోర్ మ్యాట్‌లు అమర్చారు. లిమిటెడ్ ఎడిషన్‌లో ఎలాంటి మెకానికల్ మార్పులు చేయలేదు. ఇది 1.0-లీటర్ 3-సిలిండర్ K-సిరీస్ పెట్రోల్ ఇంజన్‌తో వస్తుంది. 6bhp పవర్, 89nm టార్క్ ఉత్పత్తి చేస్తుంది. ఇంజిన్‌తో పాటు 5-స్పీడ్ మ్యాన్యువల్ గేర్ బాక్స్ తో వస్తుంది. ఇంతే కాకుండా CNG వేరియంట్‌లో ఈ ఇంజన్ 56bhp శక్తిని మరియు 82.1nm యొక్క టార్క్‌ను ఉత్పత్తి చేయగలదు, ఇది మాన్యువల్ గేర్‌బాక్స్‌తో మాత్రమే జత చేయబడుతుంది.

READ MORE: Mallikarjun Kharge: అర్థరాత్రిలోగా అమిత్ షాని బర్తరఫ్ చేయాలి.. ప్రధానికి కాంగ్రెస్ అల్టిమేటం..

పెట్రోల్-మాన్యువల్ వేరియంట్ తో లీటరుకు 25.24 కిలోమీటర్లు, పెట్రోల్-ఏఎమ్ టీ ఆప్షన్ తో లీటరుకు 26.68 కిలోమీటర్ల వరకు మైలేజ్ ఇస్తుంది. అదనంగా, సెలెరియో సీఎన్జీ వేరియంట్ కిలోకు 34.43 కిలోమీటర్ల మైలేజ్ ఇస్తుంది. అంతే కాకుండా.. ఇందులో వేరియంట్లు స్మార్ట్ ఫోన్ నావిగేషన్ సామర్థ్యాలను కలిగి ఉన్న 7 అంగుళాల టచ్స్క్రీన్ ఇన్ఫోటైన్మెంట్ సిస్టమ్ తో వస్తాయి. ఈ సిస్టమ్ ఆపిల్ (apple) కార్ ప్లే, ఆండ్రాయిడ్ (android) ఆటో రెండింటికీ అనుకూలంగా ఉంటుంది. అదనంగా, ఈ హ్యాచ్ బ్యాక్ లో కీలెస్ ఎంట్రీ, పుష్-బటన్ స్టార్ట్-స్టాప్ మెకానిజం తదితర ఫీచర్స్ ఉన్నాయి. అలాగే, ఇందులో డ్యూయల్ ఎయిర్ బ్యాగులు, ఎబిఎస్ విత్ ఇబిడి, ఇఎస్పి, రివర్స్ పార్కింగ్ సెన్సార్లు, హిల్ హోల్డ్ అసిస్ట్ ఫీచర్స్ ఉన్నాయి.