కొత్త పికప్ ట్రక్ Mahindra Scorpio Lifestyler వచ్చేస్తోంది.. ధర, ఫీచర్లు ఇవే!
- మహీంద్రా కొత్త పికప్ ట్రక్కు స్కార్పియో లైఫ్ స్టైలర్ అనే పేరు..
- భారత్లో ఏప్రిల్ 2027లో విడుదల
- ప్రారంభ ధర రూ.19.79 లక్షల (ఎక్స్-షోరూమ్) కంటే తక్కువగా..
- Follow Us :
-
-
Add as a preferred
source on google
Mahindra Scorpio Lifestyler: మహీంద్రా అండ్ మహీంద్రా భారత మార్కెట్ కోసం కొత్త పికప్ ట్రక్ను వెల్లడించింది. దీనికి మహీంద్రా స్కార్పియో లైఫ్ స్టైలర్ (Mahindra Scorpio Lifestyler) అనే పేరు పెట్టారు. అయితే ఆస్ట్రేలియా, దక్షిణాఫ్రికా, న్యూజిలాండ్ వంటి అంతర్జాతీయ మార్కెట్లలో ఈ పికప్ ట్రక్ను కేవలం “లైఫ్ స్టైలర్” పేరుతో అమ్మకాలు జరపనున్నారు. కంపెనీ తెలిపిన వివరాల ప్రకారం, ఈ కొత్త పికప్ ట్రక్ ఏప్రిల్ 2027 భారత్లో లాంచ్ కానుంది. ఈ కొత్త మోడల్ ప్రారంభ ధర రూ.19.79 లక్షల (ఎక్స్-షోరూమ్) కంటే తక్కువగా ఉంటుందని మహీంద్రా వెల్లడించింది. అయితే టాప్-స్పెక్ వేరియంట్ ధరపై ప్రస్తుతం ఎలాంటి సమాచారం వెల్లడించలేదు.
డిజైన్:
దీనికి అమెరికన్ పికప్ ట్రక్కులను పోలిన పొడవైన, నిటారుగా ఉండే స్టాన్స్ను అందించారు. ముందు భాగంలో పెద్ద గ్లోస్ బ్లాక్ గ్రిల్ ఉండగా, దానిపై మహీంద్రా ట్విన్ పీక్స్ లోగో ఉంటుంది. గ్రిల్కు ఇరువైపులా ఎత్తుగా అమర్చిన హెడ్ల్యాంప్స్, వాటిలోనే DRLs ఉన్నాయి. ముందు భాగంలో నిలువుగా అమర్చిన ఫాగ్ ల్యాంప్స్ కోసం దీర్ఘచతురస్రాకార హౌసింగ్ను అందించారు. వీటితో పాటు బుల్బార్ తరహా డిజైన్తో కూడిన రగ్గడ్ బంపర్ పికప్ ట్రక్కు మరింత అగ్రెసివ్ లుక్ను అందిస్తుంది.
Also Read
- Mahindra XEV 9S: మహీంద్రా XEV 9S కు భారత్ NCAPలో 5 స్టార్ సేఫ్టీ రేటింగ్.. 7 సీటర్ SUVలో సరికొత్త రికార్డు!
- Yamaha Xenter E: 108KM రేంజ్తో యమహా కొత్త ఎలక్ట్రిక్ స్కూటర్.. 7.5kW మోటార్, ఫీచర్లు ఇవే!
- Tata Motors దూకుడు మాములుగా లేదుగా.. 10 నెలల్లోనే గతేడాది లెక్కలు తారుమారు.!
- Kove 650RR: 650cc స్పోర్ట్స్ బైక్లో ఫ్రంట్, రియర్ కెమెరాలు.. 108.7hp పవర్తో Kove 650RR ఎంట్రీ
సైడ్ ప్రొఫైల్లో స్కార్పియో లైఫ్ స్టైలర్ డబుల్-క్యాబ్ లేఅవుట్ను కలిగి ఉంటుంది. ఇందులో 18-అంగుళాల డ్యూయల్-టోన్ అల్లాయ్ వీల్స్, 255/65 R18 టైర్లు, చంకీ సైడ్ క్లాడింగ్, రూఫ్ రైల్స్ ఉన్నాయి. అలాగే కింక్డ్ బెల్ట్లైన్ దీని సైడ్ డిజైన్కు ప్రత్యేకమైన లుక్ను అందిస్తుంది. వెనుక భాగంలో C-ఆకారపు DRLsతో కూడిన వర్టికల్ LED టెయిల్ ల్యాంప్స్ ఉన్నాయి. టెయిల్గేట్పై పెద్ద ‘మహీంద్రా’ వర్డ్మార్క్ను ఎంబాస్ చేశారు. ముందు భాగాన్ని పోలిన రగ్గడ్ డిజైన్తో వెనుక బంపర్ను రూపొందించారు.
ఇంటీరియర్, ఫీచర్లు:
ఇంటీరియర్ విషయంలో మహీంద్రా ప్రీమియం అనుభూతిని అందించేందుకు ప్రయత్నించినట్లు తెలుస్తోంది. డ్యాష్బోర్డ్ మధ్యలో పోర్ట్రెయిట్-స్టైల్ ఇన్ఫోటైన్మెంట్ టచ్స్క్రీన్ ఉంటుంది. దీనికి ఇరువైపులా AC వెంట్స్, దిగువన క్లైమేట్ కంట్రోల్ ప్యానెల్, ఫిజికల్ బటన్స్ను అందించారు. డ్రైవర్ కోసం కొత్త డిజైన్తో కూడిన స్టీరింగ్ వీల్తో పాటు డిజిటల్ ఇన్స్ట్రుమెంట్ క్లస్టర్ను అందించారు. అయితే పూర్తి ఫీచర్ల జాబితాను మహీంద్రా ఇంకా అధికారికంగా వెల్లడించలేదు.
పవర్ట్రెయిన్ విషయానికి వస్తే.. ఇప్పటికే స్కార్పియో Nలో ఉపయోగిస్తున్న ఇంజిన్లను కొనసాగించే అవకాశం ఉంది. ఇందులో 175 Hp పవర్ అందించే 2.2-లీటర్ డీజిల్ ఇంజిన్, అలాగే 203 Hp పవర్ ఉత్పత్తి చేసే 2.0-లీటర్ డైరెక్ట్-ఇంజెక్షన్ టర్బో పెట్రోల్ ఇంజిన్ ఉండవచ్చని అంచనా. ట్రాన్స్మిషన్ ఎంపికలు కూడా Scorpio N తరహాలోనే ఉండే అవకాశం ఉంది. అంటే 6-స్పీడ్ మాన్యువల్, 6-స్పీడ్ టార్క్ కన్వర్టర్ ఆటోమేటిక్ గేర్బాక్స్లు అందుబాటులోకి రావచ్చు. ఆల్-టెర్రైన్ సామర్థ్యాన్ని దృష్టిలో ఉంచుకుని 4WD ఆప్షన్ కూడా లభించే అవకాశం ఉంది.
Meet the Mahindra Scorpio Lifestyler.
Inspired by freedom and exploration, this pick up from the house of Mahindra is designed for those who are constantly drawn to the outdoors and new vistas.
Priced under ₹19.79 Lakh*. Launches in April 2027.#ScorpioLifestyler… pic.twitter.com/iqu6ZeWPCN
— Mahindra Automotive (@Mahindra_Auto) August 14, 2026
తాజావార్తలు
-
Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
-
Koti Deepotsavam 2026 : భక్తజన సందోహం మధ్య కోటి దీపోత్సవం.. కనువిందు చేసిన భద్రకాళీశ్వరుల కల్యాణం
-
OTR : ఎమ్మెల్సీ అభ్యర్థుల ప్రకటనలో బీజేపీ జాప్యం.. అసలు కారణం ఏంటి?
-
OTR: నాయుడుపేటలో టీడీపీకి షాక్.. ఓటమికి అసలు కారణం ఇదేనా?
-
Gold Theft Protection: దొంగలు పడినా నో టెన్షన్.. మీ బంగారు నగలకు పూర్తి రక్షణ ఇచ్చే సూపర్ పాలసీ ఇదే!
-
Congress: CJP ఉద్యమాన్ని కాంగ్రెస్ దెబ్బతీసింది.. రాహుల్పై మాజీ మిత్రపక్షం సంచలన విమర్శలు..!
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!