KTM X-Bow Arrow: ఆస్ట్రియాకు చెందిన ప్రముఖ మోటార్ సైకిల్ తయారీ కంపెనీ కేటీఎం (KTM), ఇప్పుడు మరో కొత్త వాహనంతో ఆఫ్‌రోడ్ వాహన విభాగంలోకి అడుగుపెట్టింది. తన కొత్త టూ-సీటర్ యుటిలిటీ టెర్రైన్ వెహికల్ (UTV) KTM X-Bow Arrowను విడుదల చేసింది. వోక్స్‌వ్యాగన్‌కు చెందిన 2.0 లీటర్ పెట్రోల్ ఇంజన్‌తో రూపొందించిన ఈ వాహనం కఠినమైన భూభాగ పరిస్థితుల్లో సమర్థవంతగా ప్రయాణించేలా రూపొందించారు. దీని బ్లాక్ లిమిటెడ్ ఎడిషన్ ఏకంగా 330 HP పవర్‌ను ఉత్పత్తి చేస్తుంది. నవంబర్ 17 నుంచి దీని బుకింగ్స్ ప్రారంభం కానున్నాయి.
డాకర్ ర్యాలీ అనుభవంతో ఈ కొత్త వాహనాన్ని డెవలప్ చేశారు. శక్తివంతమైన బైకులకు ప్రసిద్ధి చెందిన కేటీఎం ఇప్పుడు ఈ ఆఫ్ రోడ్ వెహికిల్‌ను పరిచయం చేసింది. ఇందులో ఇద్దరు వ్యక్తులు పక్కపక్కన కూర్చునే సదుపాయం ఉంటుంది. డాకర్ ర్యాలీలో పాల్గొన్న డ్రైవర్ల అనుభవాలతో ఈ వాహనాన్ని రూపొందించారు.
KTM X-Bow Arrow తొలుత బ్లాక్ లిమిటెడ్ ఎడిషన్ రూపంలో విడుదల కానుంది. ఈ ప్రత్యేక వెర్షన్‌కు సంబంధించి ప్రపంచవ్యాప్తంగా కేవలం 500 యూనిట్లను మాత్రమే తయారు చేయనున్నారు. బ్లాక్ ఎడిషన్ ధర సుమారుగా 98,600 అమెరికన్ డాలర్లు (సుమారు రూ.92.4 లక్షలు) కాగా, స్టాండర్డ్ మోడల్ ధర 59,800 అమెరికన్ డాలర్లు (సుమారు రూ.56.04 లక్షలు)గా ఉంటుందని అంచనా. నవంబర్ 17, 2026 నుంచి బుకింగ్స్ ప్రారంభం కానున్నాయి. వాహనం డెలివరీలు 2027 చివరి నుంచి ప్రారంభమయ్యే అవకాశం ఉంది.
డిజైల్ ఎలా ఉంది..?
KTM X-Bow Arrow పొడవు 3,700 మిల్లీమీటర్లు, వెడల్పు 1,950 మిల్లీమీటర్లు, ఎత్తు 1,800 మిల్లీమీటర్లు. దీని వీల్‌బేస్ 2,900 మిల్లీమీటర్లు. దీని ముందు దీర్ఘచతురస్రాకారంలో గ్రిల్, స్కిడ్ ప్లేట్లు ఉన్నాయి. ఇది కఠినమైన దారుల్లో ప్రయాణించేటప్పుడు ఉపయోగపడుతుంది. దీని గ్రౌండ్ క్లియరెన్స్ 430 మిల్లీమీటర్ల, 15 అంగుళాల చక్రాలు ఉంటాయి.
దీని క్యాబిన్‌లో సాబెల్ట్ సీట్లు, హర్నెస్ సిస్టమ్ ఉన్నాయి.డాష్‌బోర్డ్‌లో డిజిటల్ డ్రైవర్ డిస్‌ప్లేతో పాటు 10 అంగుళాల ఇన్ఫోటైన్‌మెంట్ టచ్‌స్క్రీన్ అందించారు. బ్లాక్ లిమిటెడ్ ఎడిషన్‌లో ఎయిర్ కండిషనింగ్, హైడ్రాలిక్ ఫ్లై-ఆఫ్ హ్యాండ్‌బ్రేక్ వంటి అదనపు ఫీచర్లు కూడా ఉన్నాయి. ఇవి ముఖ్యంగా ర్యాలీ, మోటార్‌స్పోర్ట్ డ్రైవింగ్‌కు ఉపయోగపడతాయి.
ఆఫ్ రోడింగ్ కోసం ప్రత్యేకమైన ఛాసిస్, సస్పెన్షన్‌లో దీనికి అమర్చారు. క్రోమ్-మోలీ స్టీల్ ఛాసిస్‌ను ఉపయోగించారు. స్టాండర్డ్ వెర్షన్‌లో దీని ఇంజన్ 80 HP పవర్‌ను అందిస్తే, బ్లాక్ లిమిటెడ్ ఎడిషన్ 330 HP శక్తిని అందిస్తుంది. ద