Renault Duster 2026: రెనాల్ట్ డస్టర్ లాంచింగ్ ఈ రోజే.. ఫీచర్లు, డెలివరీ వివరాలు ఇవే..

Renault Duster 2026: రెనాల్ట్ డస్టర్(Renault Duster) ఈరోజు (మార్చి17)న భారతదేశంలో లాంచ్ కాబోతోంది. దేశంలో ఒకప్పుడు అత్యంత ప్రజాదరణ పొందిన ఈ కారు.. ప్రస్తుతం లేటెస్ట్ లుక్, టెక్ లోడెడ్ ఫీచర్లతో మళ్లీ ఎంట్రీ ఇస్తోంది. దాదాపు నాలుగేళ్ల విరామం తర్వాత సరికొత్త డిజైన్, అడ్వాన్సుడ్ ఫీచర్లతో ఈ SUV మళ్లీ వస్తోంది. ఈ కారు ప్రస్తుతం మార్కెట్‌లో ఉన్న హ్యుందాయ్ క్రెటా, కియా సెల్టోస్, మారుతి సుజుకి విక్టోరిస్, హోండా ఎలివేట్‌‌కు పోటీ ఇస్తుంది.

ధర, బుకింగ్స్:

అధికారికంగా ఈ కారు ధరల్ని రెనో ఈ రోజు ప్రకటించనుంది. మార్కెట్ అంచనాల ప్రకారం, దీని ధర సుమారుగా రూ. 10 లక్షల(ఎక్స్-షోరూం) నుంచి ప్రారంభం కావచ్చు. బుకింగ్ టోకెన్ అమౌంట్ రూ. 21,000గా కంపెనీ నిర్ధారించింది. టర్బో పెట్రోల్ మోడల్ డెలివరీలు త్వరలోనే ప్రారంభమవుతాయని, హైబ్రీడ్ వెర్షన్ మోడల్స్ దీపావళి నాటికి అందుబాటులోకి వచ్చే అవకాశం ఉందని తెలుస్తోంది.

అదిరిపోయే డిజైన్:

కొత్తగా వస్తున్న డస్టర్ డిజైన్ పరంగా మరింత స్టైలిష్‌గా కనిపిస్తుంది. కొత్తగా LED DRLs (eyebrow style), పెద్ద గ్రిల్, సిల్వర్ బంపర్, పిక్సెల్ స్టైల్ ఫాగ్ ల్యాంప్స్ ఉంటాయి. మొత్తంగా రగ్గడ్, మోడర్న్ లుక్ ఉంది.

ఇంటీరియర్స్, సేఫ్టీ అండ్ ఫీచర్లు:

డ్యుయల్ స్క్రీన్ డాష్‌బోర్డ్, 10.1 ఇంచ్ ఇన్ఫొటైన్మెంట్ సిస్టమ్, వైర్ లెస్ ఆండ్రాయిడ్ ఆటో-కార్ ప్లే, 7-ఇంచ్ డిజిటల్ క్లస్టర్, పనోరమిక్ సన్‌రూఫ్, ఆంబియంట్ లైటింగ్, వైర్ లెస్ ఛార్జింగ్ వంటి ఫీచర్లు ఉన్నాయి. టైప్-సి ఛార్జింగ్ పోర్ట్‌లు, ఆటో-హోల్డ్ ఫంక్షన్‌తో కూడిన ఎలక్ట్రానిక్ పార్కింగ్ బ్రేక్ వంటివి ఉన్నాయి. 2026 రెనాల్ట్ డస్టర్‌లో డ్యూయల్-టోన్ ఇంటీరియర్, ఆటోమెటిక్ అడ్జెస్ట్ ఫ్రంట్ ఆర్మ్‌రెస్ట్, 60:40 నిష్పత్తిలో విడిపోయే వెనుక సీట్లు, ఆర్కామిస్ ఆడియో సిస్టమ్, 360-డిగ్రీ కెమెరా ఉన్నాయి. ఈ సేఫ్టీ సూట్‌లో ఆరు ఎయిర్‌బ్యాగ్‌లు ,లెవెల్ 2 అడ్వాన్స్‌డ్ డ్రైవర్ అసిస్టెన్స్ సిస్టమ్స్ (ADAS) సామర్థ్యాలు ఉన్నాయి.

ఇంజన్ ఆప్షన్లు:

మూడు ఇంజన్ ఆప్షన్లతో 2026 డస్టర్ వస్తుంది. ఇందులో 1.0 లీటర్ టర్బో పెట్రోల్ ఇంజన్ 100 bhp పవర్, 160 Nm టార్క్ (6-స్పీడ్ మాన్యువల్) కలిగి ఉంటుంది. 1.3L టర్బో పెట్రోల్- 160 bhp పవర్, 280 Nm టార్క్ (మాన్యువల్ మరియు డ్యూయల్ క్లచ్ ఆటోమేటిక్), 1.8L హైబ్రిడ్ (E-Tech)- 160 bhp పవర్ ఇస్తుంది. ఇది రెండు ఎలక్ట్రిక్ మోటార్లు, ఇంజన్‌ను కలిగి ఉంటుంది. హ్రైబ్రీడ్ వెర్షన్ మెరుగైన మైలెజ్ క్లెయిమ్ చేస్తుంది.