MA Ghaffoor’s Son Kiran Dies in US: అమెరికాలో తెలుగు సైంటిస్ట్ కన్నుమూత.. సీపీఎం మాజీ ఎమ్మెల్యే గఫూర్ ఇంట తీవ్ర విషాదం..
- Follow Us :
-
-
Add as a preferred
source on google
MA Ghaffoor’s Son Kiran Dies in US: సీపీఎం సీనియర్ నేత, కర్నూలు మాజీ ఎమ్మెల్యే ఎంఏ గఫూర్ కుటుంబంలో తీవ్ర విషాదం నెలకొంది. ఎంఏ గఫూర్, ఐద్వా నేత నిర్మల కుమారుడు కిరణ్(41) అమెరికాలోని కాలిఫోర్నియాలో గుండెపోటుతో మృతి చెందినట్లు సమాచారం. కాలిఫోర్నియాలోని శాన్జోస్లో నివసిస్తున్న కిరణ్ అక్టోబర్ 1న మరణించినట్లు తల్లిదండ్రులకు ఆలస్యంగా తెలిసింది. గత పది రోజులుగా కుమారుడి నుంచి ఎలాంటి సమాచారం లేకపోవడంతో ఆందోళన చెందిన తల్లిదండ్రులు అమెరికాలోని తెలుగు సంఘాల ప్రతినిధులను సంప్రదించారు.
ఉన్నత విద్య అభ్యసించి.. అమెరికాలో ఉద్యోగం
కిరణ్ విద్యాపరంగా మంచి ప్రతిభ కనబరిచారు. చెన్నైలోని ఇండియన్ ఇన్స్టిట్యూట్ ఆఫ్ టెక్నాలజీ (ఐఐటీ మద్రాస్)లో ఎం.టెక్ పూర్తి చేశారు. అనంతరం న్యూయార్క్ యూనివర్సిటీలో డేటా సైన్స్ విభాగంలో ఉన్నత విద్యను అభ్యసించారు. ఆ తర్వాత ప్రముఖ సంస్థ పేపాల్లో సీనియర్ డేటా సైంటిస్టుగా బాధ్యతలు నిర్వహిస్తున్నారు. కాలిఫోర్నియాలోని శాన్జోస్లో నివాసం ఉంటున్న కిరణ్ మృతి వార్త కుటుంబ సభ్యులను తీవ్ర విషాదంలో ముంచింది.
Also Read
- Devaragattu Bunny Utsavam 2026: దేవరగట్టు బన్నీ ఉత్సవాలకు అంతా రెడీ.. భారీ భద్రత ఏర్పాటు.. ఉత్సవం వెనుక అసలు కథ ఏంటి?
- Sangameswara Temple: ఆరు నెలల ముందే బయటపడ్డ సంగమేశ్వరుడు.. కృష్ణా తీరంలో ముందస్తుగా కరవు ఛాయలు.!
- Silver Jubilee Fraternity Meet: కర్నూలు సిల్వర్ జూబ్లీ కాలేజీ పూర్వ విద్యార్థుల ఆత్మీయ సమ్మేళనం.. ముఖ్య అతిథిగా వెంకయ్య
- Minister TG Bharath: కర్నూలులో జాబ్ మేళా ప్రారంభం.. యువతకు ఉద్యోగాలు.. కర్నూలుకు భారీ పెట్టుబడులు..!
పది రోజులుగా సమాచారం లేకపోవడంతో ఆందోళన
గత పది రోజులుగా కిరణ్ నుంచి ఎలాంటి సమాచారం అందకపోవడంతో ఆయన గఫూర్, నిర్మల దంపతులు ఆందోళనకు గురయ్యారు. దీంతో అమెరికాలోని అమనా (AMANA), తానా (TANA) ప్రతినిధులను సంప్రదించారు. వారు వెంటనే స్పందించి వివరాలు సేకరించడంతో అక్టోబర్ 1వ తేదీనే కిరణ్ మరణించినట్లు నిర్ధారణ అయినట్లు సమాచారం. గుండెపోటు కారణంగా ఆయన మృతి చెందినట్లు తల్లిదండ్రులకు తెలియజేశారు.
కిరణ్ భౌతికకాయాన్ని కర్నూలుకు తీసుకొచ్చేందుకు ఏర్పాట్లు
కిరణ్ భౌతికకాయాన్ని అమెరికా నుంచి కర్నూలుకు తీసుకురావడానికి అమనా, తానా ప్రతినిధులు సహకరిస్తున్నారు. అయితే, అమెరికాలో వరుసగా మూడు రోజుల సెలవులు ఉండటంతో అవసరమైన ప్రక్రియలకు సమయం పట్టే అవకాశం ఉంది. ఈ నేపథ్యంలో కిరణ్ భౌతికకాయం కర్నూలుకు చేరుకోవడానికి సుమారు వారం రోజులు పట్టవచ్చని తెలుస్తోంది. చిన్న వయసులోనే ఉన్నత విద్యను అభ్యసించి, విదేశాల్లో సీనియర్ డేటా సైంటిస్టుగా పనిచేస్తున్న కిరణ్ మరణవార్త అతని కుటుంబ సభ్యులు, బంధువులను తీవ్ర విషాదంలో ముంచింది.
తాజావార్తలు
-
OTR: నేతల తన్నులాటలతోనే నందికొట్కూరులో టీడీపీ ఘోర ఓటమి?
-
Nagula Chavithi: నాగుల చవితి వేళ అద్భుతం.. సుబ్రహ్మణ్యేశ్వర స్వామి ఆలయంలో ప్రత్యక్షమైన నాగసర్పం!
-
CM Revanth Reddy : పిల్లల భవిష్యత్తే లక్ష్యం.. సీఎం రేవంత్ కీలక సందేశం
-
OTR: లెక్కలు మారుతున్నాయా? కంగారులో కూటమి.. వైసీపీ మాత్రం పక్కా లెక్కలతో ముందడుగు వేస్తుందా?
-
OTR: చంద్రబాబుకు జనసేన ఫిర్యాదు.. బాపట్ల ఎమ్మెల్యే నరేంద్ర వర్మ కు అగ్నిపరీక్ష!
ట్రెండింగ్
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!