Andhra Pradesh: పలమనేరులో దారుణం.. సాఫ్ట్వేర్ ఉద్యోగిపై దాడి
చిత్తూరు జిల్లా పలమనేరులో దారుణం జరిగింది. సాఫ్ట్వేర్ ఉద్యోగిపై కొందరు దాడి చేయగా ఈ ఘటనలో బాధితుడు తీవ్రంగా గాయపడ్డాడు. బాధితుడిని కొడుతున్న దృశ్యాలు సీసీ ఫుటేజీలో రికార్డు అయ్యాయి. వివరాల్లోకి వెళ్తే.. పలమనేరు పాతపేట పోలీస్ లైన్ వీధిలో సాఫ్ట్వేర్ ఉద్యోగి నిరంజన్ నివాసముంటున్నాడు. ఈ నేపథ్యంలో ఒకే వీధిలో కాపురం ఉంటున్న ఎదురెదురు ఇళ్ల మధ్య గొడవ జరిగింది.
సాఫ్ట్ వేర్ ఉద్యోగి నిరంజన్పై దాడి కోసం ఎదురింటి వ్యక్తి ఓ గ్యాంగ్ను రంగంలోకి దించాడు. ఇల్లు ఖాళీ చేసి వెళ్లిపోవాలంటూ సాఫ్ట్ వేర్ ఉద్యోగి నిరంజన్పై గ్యాంగ్ సభ్యులు దాడికి దిగారు. అతడు ఒప్పుకోకపోవడంతో సదరు గ్యాంగ్ సభ్యులు నిరంజన్ను చితక్కొట్టారు. ఈ గ్యాంగ్ ఆగడాలు సీసీ టీవీ ఫుటేజీలో రికార్డు కావడంతో బాధితుడి కుటుంబసభ్యులు పలమనేరు అర్బన్ పోలీసులకు ఫిర్యాదు చేశారు. కాగా బాధితుడు ప్రస్తుతం ఆస్పత్రిలో చికిత్స పొందుతున్నాడు.
