Engineering First Year Student Commits Suicide Becuase Of Married Man Harassment: కృష్ణాజిల్లాలోని గన్నవరంలో ఓ దారుణం చోటు చేసుకుంది. ఇంజనీరింగ్ మొదటి సంవత్సరం చదువుతున్న ఓ విద్యార్థిని ఆత్మహత్య చేసుకుంది. ఇంట్లో ఎవరూలేని సమయంలో ఫ్యాన్‌కు ఉరివేసుకొని బలవన్మరణానికి పాల్పడింది. ఇంటికి తిరిగొచ్చిన తల్లిదండ్రులు తమ కూతురు సూసైడ్ చేసుకోవడాన్ని చూసి తల్లడిల్లిపోయారు. ఎప్పుడూ ఆనందంగా ఉంటూ, ఇతరులనూ సంతోషపరిచే తమ అమ్మాయి.. తిరిగిరాని లోకాలకు వెళ్లిపోవడంతో కన్నీటిపర్యంతం అయ్యారు. తమ కూతురు ఆత్మహత్య చేసుకునేంత పిరికిది కాదనుకున్న తల్లిదండ్రులు.. అనుమానం వచ్చి, వెంటనే ఆమె ఫోన్‌ను పరిశీలించారు. అంతే.. దిమ్మతిరిగి మైండ్ బ్లాక్ అయ్యే షాకింగ్ నిజాలు వెలుగులోకి వచ్చాయి.
Adipurush: ఆ తప్పుడు ప్రచారాన్ని నమ్మొద్దు.. ఆదిపురుష్ టీమ్ క్లారిటీ
అప్పటికే పెళ్లయి, ఇద్దరు పిల్లలున్న ఓ వ్యక్తి.. ప్రేమ పేరుతో వేధింపులకు గురి చేస్తున్నట్టు ఆ యువతి పేరెంట్స్ గుర్తించారు. అతని వేధింపులు తాళలేకే, తమ కూతురు ఆత్మహత్య చేసుకుందని నిర్ధారించుకున్నారు. దీంతో.. ఆ వ్యక్తి ఎవరనే విషయంపై ఆరా తీశారు. అతడు గన్నవరంకి చెందిన వ్యక్తేనని తెలిసి, అతని ఆచూకీ తెలుసుకొని.. మృతురాలి తల్లిదండ్రులు దేహశుద్ధి చేశారు. ‘‘బంగారం లాంటి తమ బిడ్డకు ప్రేమ పేరుతో వేధింపులకు గురి చేసి, పొట్టన పెట్టుకున్నావ్ కదరా’’ అంటూ ఆవేదన వ్యక్తం చేసి.. అతనికి తగిన శాస్తి చేశారు. అనంతరం మృతురాలి తల్లిదండ్రులు అతడ్ని పోలీసులకు అప్పగించారు. ప్రేమ పేరుతో కూతుర్ని వేధించాడని, అతని వేధింపులు భరించలేక తమ కూతురు సూసైడ్ చేసుకుందంటూ.. పోలీసులకు ఫిర్యాదు చేశారు. పోలీసులు కేసు నమోదు చేసి, దర్యాప్తు చేస్తున్నారు.
America Shooting: అమెరికాలోని రెండు నగరాల్లో కాల్పులు.. ముగ్గురు మృతి, 20 మందికి గాయాలు
