ఏపీలో వైసీపీ వర్సెస్ టీడీపీ రాజకీయం హాట్ హాట్ గా సాగుతోంది. వైసీపీ నేతలు, మంత్రులు టీడీపీపై విరుచుకుపడుతున్నారు. తాజాగా మాజీ మంత్రి అనిల్ కుమార్ యాదవ్ హాట్ కామెంట్స్ చేశారు. ప్రతిపక్షాలు అబద్ధపు ప్రచారాలతో ప్రజలను తప్పుదోవ పట్టిస్తున్నారని మండిపడ్డారు. తెలుగుదేశం పై నేను కూడా అలాంటి తప్పుడు ఆరోపణలు చేయిస్తా, రాయించ గలుగుతా అన్నారు. కానీ ..అంత నీచంగా దిగజారి రాజకీయం చేయడం మాకు చేతకాదన్నారు.
నాపేరు, కొడాలి నాని పేరు లేకపోతే కొన్ని ఛానల్స్ కు న్యూస్ ఉండదు. 2024లో ఎవరు గెలుస్తారో చూసుకుందాం..చిల్లర రాజకీయాలు మానండి అంటూ హితవు పలికారు. అమావాస్యకు ఒకసారి తిరిగే వాళ్ళు కూడా మాట్లాడటం హాస్యాస్పదంగా ఉందన్నారు. చెత్త పన్నును చంద్రబాబే ప్రతిపాదించారు. దాన్ని ఇంకా తగ్గించే యోచన చేస్తున్నాం అన్నారు మాజీ మంత్రి అనిల్ కుమార్ యాదవ్. గడప గడపకు మన ప్రభుత్వం కార్యక్రమంలో వైసీపీ నేతలు ప్రతి ఇంటికి తిరుగుతున్న సంగతి తెలిసిందే. పదే పదే దుష్పచారాలు చేస్తే చూస్తూ ఊరుకోమని, తనపై ఏమి రాసుకుంటారో మీడియాలో ఏం చూపించుకుంటారో చూపించుకోండి అంటూ సవాల్ విసిరారు. తాము ఏమిరాసినా ఏమి చూసిన చెల్లుబాటవుతుందనుకుంటే కడుపు మండిన అభిమానులు ఏదో ఒకరోజు తగిన బుద్ధి చెబుతారని అనిల్ హెచ్చరించారు. గత రెండురోజులుగా మాజీ మంత్రి అనిల్ తనపై వస్తున్న ప్రచారం, విపక్షాల తీరుపై మండిపడుతూనే వున్నారు.