AP Government: జూనియర్ డాక్టర్లకు శుభవార్త చెప్పింది ఆంధ్రప్రదేశ్ రాష్ట్ర ప్రభుత్వం.. జూనియర్ డాక్టర్ల స్టైఫండ్ను పెంచుతూ ప్రభుత్వం ఉత్తర్వులు జారీ చేసింది. ఈ పెంపు MBBS, BDS, పీజీ, సూపర్ స్పెషాలిటీ కోర్సులు చేస్తున్న వైద్యులకు వర్తించనుంది. MBBS, BDS విద్యార్థులకు ప్రస్తుతం అందుతున్న స్టైఫండ్పై 10 శాతం, పీజీ వైద్యులకు 5 శాతం, సూపర్ స్పెషాలిటీ వైద్యులకు 3.5 శాతం పెంపు చేయాలని ప్రభుత్వం నిర్ణయించింది. దీంతో ప్రభుత్వ వైద్య కళాశాలలు, ఆసుపత్రుల్లో పనిచేస్తున్న జూనియర్ డాక్టర్లకు ఆర్థికంగా కొంత ఉపశమనం కలగనుంది. స్టైఫండ్ పెంపు అమలుతో రాష్ట్ర ప్రభుత్వంపై ప్రతి ఏడాది సుమారు రూ.34.08 కోట్ల అదనపు ఆర్థిక భారం పడనుంది. ప్రభుత్వం తీసుకున్న ఈ నిర్ణయంతో జూనియర్ డాక్టర్లు, వైద్య విద్యార్థుల్లో హర్షం వ్యక్తమవుతోంది.